Hello !
上回講到上到渡輪 びなす , 呢篇繼續 .
擺好部車之後 , 跟大隊上客室 , 今次呢篇主要介紹隻船 .
大堂有部電視及沙發 , 可以睇電視 .
對面係小賣部 , 有零食及手信賣 .
另一邊係喫煙室 . (吸煙危害健康)
暫時介紹住呢幾味 , 依家要解決D重要野 , 一齊上二樓 .
在 "奧尻島" 碼頭食左碗拉麵 , 一別六粒鐘 ,
又到晚餐既時候 , 呢度餐廳係靠叮 , 在隔離售賣機買食物 ,
放入呢度叮一叮 , 唔駛請人煮 , 夠晒方便 .
(唔記得影D售賣機添 , 唔怕 ~ 回程時補番)
等候中 ...
攪掂 , 先黎個叮意粉 & 可樂 .
唔夠喉呀 , 黎多個壽司 , 飽晒 .
食完繼續參觀船艙 , 呢度二等室都有幾間 ,
保証唔會堆堆質 , 呢間係301號二等室 .
隔離自然係302號啦 .
洗手間都有幾個 , 急起上黎都唔駛排長龍 . XD
呢行係一等室 , 當然係貴D啦 , 幾貴 ? 我都唔知 .
另一邊係寵物室 , 如果有貓狗同行 , 就要入裡面 .
展望室 .
一個人都冇 , 打橫訓都得 . ^_^ !!
夜間航海中 , 外部通路 , 出入禁止 .
(回程果Part係日航 , 到時再補番D外景)
另外基於保安理由 , 開船期間唔可以落去停車場 .
舊款遊戲機 , 冇乜心機打 . =_= !!
遊戲機自備 , 點都係 "憤怒鳥" 正D .
玩到夠皮之後都要梳洗 , 呢個洗手間 ,
除常規洗手間之外 , 仲有埋花灑沖身 , 乜都唔駛講 , 沖番個涼先 .
呢程船要成3小時50分左右 ,
所謂夜幕低垂 , 個個都訓覺 , 攪到我都有D睡意 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~