Hello !
上回講到參觀完 "時空翔" , 呢篇繼續 .
之後行過另一邊 , 去 "奧尻島津波館" 繼續參觀 .
就在呢邊入去 .
入場券500Yen , 另送簡介一份 .
入場後 , 有位職員過黎 , 問我在邊度黎 ?
我答 : 香港 .
佢話 : 好遠既呢 . (唔通冇乜 "香港人" 黎呢度 ?)
之後佢想做嚮導 , 即係邊行邊講解果隻 .
我話 : 唔駛喇掛 , 因為佢既日文 , 我聽得明一成都偷笑 ,
都係自己參觀影相就算數 . ^^
道別過後 , 自己四圍影相 , 牆邊好多掛畫 , 詳述當年地震既情景 .
一直去到盡頭 , 繞場一周 .
就係咁樣 , 災情極之慘烈 .
一片頹垣敗瓦 , 生靈塗炭 , 慘 ...
銀色既波浪片 , 唔通想模仿巨浪 , 好抽象呀 .
呢邊一定係描述地震 .
波 . 炎
(我諗應該係津波後再大火掛 ?)
振動 .
咁詳細既記錄 , 果次既海嘯 , 肯定唔簡單 .
睇唔睇得明呀 ?
中間有D模型 , 介紹島上既生活 .
每一個箱都有詳細介紹 .
逐個睇晒都有排睇 .
造得幾精細 , 讚呀 .
過另一邊參觀 .
見到牆上掛畫 , 再影多兩張 .
估唔到十八年後 , 東日本又一次大津波 , 唉 ...
去到另一邊 , 果位職員又過黎 , 話有片睇 ,
片長大約10分鐘 . 所謂盛情難卻 , 又睇埋佢啦 .
睇完過右手邊 , 有D遺跡展示 .
佢話D展品 , 係屬於繩文時代 ,
乜野係繩文時代呢 ? 咁就不得而知 ?
都係D陶瓷類展品啦 .
勾玉物語 .
上網Check過 , 繩文時代即係16500年前 .
參觀完畢 , 其實裡面有好多野睇 , 不過篇幅所限 , 不能盡錄 .
最後一張 , 津波爪痕 , 好可怕 .
繼續起程 , 今次由個島底部 , 行番上頂部 , 沿途好多海景睇 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~