2015/04/26

羅臼隆起




Hello !


今日頭條 : 北海道岸邊離奇升高15米 .


圖文並茂 .  ^^   (相片在Yahoo新聞網借用)


根據 太陽報 既報導 , 都唔駛點引述喇掛 , 自己睇篇文啦 . 

今次要探討既係 , 點解無端端海床會自動升高既呢 ?

係人為還是外星人所為 ? 定抑或係簡單既地殼變動所致呢 ?

就算係日本方面 , 都眾說紛紜 , 有D話溶雪之後大量水份滲入泥土 , 

質低在岸邊地下重量 , 壓到海邊升高 . (好似遙遙板效應)

以呢度既討論 , 當然唔會有肯定既答案啦 , 不過講開又講 , 

本來今年既行程 , 落實左Plan C . (不過種種原因未能成行)

若然真係去既話都會經過 羅臼町 , 又如果佢冇封路 , 

都想睇一睇呢個北海道新增領土 , 雖然地方唔大 .  XD 

Bye Bye !

2015/04/15

Jetstar 又黎料




Hello !


今日地鐵報賣廣告 , 往東京機票只需 $88.00 


繼上次網誌 有冇人幫襯過Jetstar ? 話Jetstar 有平機票 , 

手快有手慢冇 , 今次又黎料 , $88.00 飛東京 , 真係抵到爛呀 .

其實呢類平價機票 , 聽就聽得多 , 究竟有冇Blog友真係成功競投 ?

另外早排新聞亦有講過 , 廉價航空既投訴按年上升 , 

有貼士話落實幫襯之後 , 最好就唔好改日期 , 

唔好有寄艙行李 , 仲唔好祈望好似正價機票咁有飛機餐 , 

皆因佢已經做到咁平 , 當然係乜鬼都要收費啦 , 

一個抵唔住頸搵滾水潑空姐 , 要由警方介入 , 咁又何苦呢 ? 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

攪掂輪到下一單 , 呢單由 友季姐 推介 .  ^^

吉祥物氾濫 , 日下格殺令 .


唔講唔知 , 原來日本都有好多吉祥物 , 當中有成功亦有失敗 ,

報導話單係 大阪 , 就曾經有92隻吉祥物 , 都咪話唔誇張 .

至於成功既 , 莫過於 熊本熊 , 就頭先經過 OK便利店 , 

都見到佢既蹤影 , 不過佢又紅得有道理既 , 個樣真係好過癮架 .  ^^

今晚攪晏左 , 講住咁多先 .

Bye Bye !

2015/04/12

哥斯拉大使




Hello !


雖然我既日本旅遊暫時告吹 , 不過都經常留意日本料 .

今次搵到幾單分享一下 , 如果有Blog友路經既話 , 

請通知聲 , 等我上你果度參考參考 .  ^^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

首先第一單 : 特別居民 ~ 哥斯拉 .


哥斯拉 ~ 日文叫 : ゴジラ , 風行日本都成幾十年 , 

美國電影都拍過兩套 , 不過造型攪到不倫不類 , 始終不及日本版順眼 .

東京市政府為左帶動旅遊業 , 特登搵佢黎做形象大使 , 

為左隆重其事 , 更在電影公司新宿東寶大樓8樓戶外露台 , 

設置一個巨型頭像 , 遊客從地下望上去 , 

十足十見到哥斯拉在攪破壞 , 都咪話唔攪鬼 .

而地址就在大家熟晒路既歌舞伎町附近 , 唔駛驚搵佢唔到 .

邊位Blog友有機會去開新宿果頭 , 記得參觀埋佢呀 , 

返到黎請通知聲 , 等我都可以一睹佢既風采 .

如果想詳細D , 請Click入佢個官網 :


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

攪掂呢單 , 輪到下一單 : 日多處古蹟遭惡意噴污 .


呢一單唔駛多講 , D人真係衰到冇朋友 .

究竟係當地人做 ? 還是外國人呢 ? 以我估計後者機會高好多 .

點解要咁做喎 ? 如果因為當年俾佢侵略過既國家後所為 , 件事隔左都幾十年 , 

乜都煙消雲散 , 況且冤有頭 ~ 債有主 , 咁樣破壞人地古蹟 , 

並唔係乜野英雄所為 , 如果真係想為國爭光 , 不如學民建聯 Tree根 話齋 , 

趁日元低水 , 去日本豪一豪 , 睇下櫻花咪算囉 . haha ...

Bye Bye !

2015/04/05

升價兩倍




Hello !


今日頭條 : 華客大增 , 日酒店房價升兩倍 .


日前同Blog友談及 , 日本好似冇左淡季 , 只有旺區與非旺區 .

可能近年我去開果D , 係所講既非旺區 , 所以都唔係咁覺 .

唔知有冇近排去開東京 ~ 新宿等旺區既Blog友 , 

可以講解下係咪真係勁得咁交關 ?

不過從早排內地客搶購廁所板與及電飯煲既跡象黎睇 , 

相信情況都幾得人驚 .

一直以為香港得豆腐潤咁細地方 , 招呼唔到佢地就唔出奇 , 

估唔到連日本咁大地方都出現頂唔順之勢 .

睇番報導 , 東京首都圈酒店床位嚴重不足 , 解決方法就係加價 , 

部份加到成兩倍咁多 , 簡直就係唔憂做 . 

如果情況持續 , 相信其他非旺區都會逐漸被波及 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

講番自己 , 由於仍在守孝期間 , 相信今年都唔會出門 , 

唔知北海道有冇受影響呢 ? 即使依家冇 , 將來都唔敢包 .

Bye Bye !