2015/07/29

庄閒不分




Hello !


前兩日都有更新網誌 , 今晚本來都想休息架喇 , 

不過今朝睇報紙見到呢單野非寫不可 , 

正所謂 : 睇唔過眼要出聲 , 寄黎我地眼中釘 .  XD

開始前先食個晚餐 , 大家樂雞鮑翅餐 .  ^^


食完 ~ 今日頭條 : 法女比堅尼曬太陽 , 被斥暴露遭圍毆 ...


報導內容話法國蘭斯市有位少女與友人在公園聊天時 , 

由於身穿比堅尼泳衣 , 遭5名懷疑伊斯蘭國女子指摘露肉太多 , 

少女不忿回應 , 一言不合於是大打出手 , 雖然很快便平息 , 

不過少女已經嚴重受傷 , 翌日都返唔到工咁話喎 .  >_< !!

5名行兇女子已經被捕 , 她們均來自伊斯蘭國 , 

有法國民眾認為傳統價值觀遭受威脅 , 對伊斯蘭國極為不滿 .

事件亦引起網民不滿 , 紛紛在社交網站上載泳衣相片作為聲援 , 

並加上 "我在公園穿泳衣 ~ 吹咩" 等標纖 , 更有示威者

穿泳衣到事發公園抗議 , 警方強調事件與宗教無關 , 

只係少女們既私人恩怨 , 希望令到事件可以降溫 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

唉 ~ 正式係天下烏鴉一樣黑 , 在香港報紙新聞裡面 ,

有邊一日冇南亞人士犯案既新聞 ? 果D人聲稱自己受酷刑逼害而呃居留權 .

非洲黑鬼就販毒 , 印巴佬就做黑幫打手 , 又爭女又劈友 , 

打交多過食飯 , 攪到香港好似佢地個戰場咁 .  =_= !! 

估唔到連法國都唔放過 , 人地個政府都冇出聲話唔准著比堅尼遊公園 , 

正式係關你叉事 , 你自己鍾意包到密密實實就你既事 , 

唔鍾意咪返番自己國家度囉 , 正式係庄家裝家都唔識分 , 離晒譜 !!

Bye Bye !

2015/07/28

午後の紅茶




Hello !


未開始之前 , 先跟進番尋晚果篇網誌 .

今日依然收到冒牌 順豐快運 既電話 , 不過唔係朝早 , 

而係下午4:30左右 , 都係老規矩收線算數 , 費時同佢玩野 .

今朝聽商台 88.1 節目 , 主持人話佢地都有收到呢類追魂Call , 

仲係連環響果隻 , 睇黎滲透率真係高到得人驚 , 

不過都好既 , 經報章與電視台及電台廣泛報導 , 

多D人知道佢地既衰野 , 落踏人數自然回落甚至冇晒 , 

等佢本都蝕埋 . (雖然佢既成本只係好低)  =_= !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

好 ~ 輪到講番正題 , 呢篇主題叫做 : 午後の紅茶 

話說星期日果日途經阿信屋 , 見到佢做特價 , 順手買左一支 .

特價$18.8 , 會員再九折優惠 , 即係$16.9 

飲左三份一左右 .  XD


今晚收工見到佢仲有貨 , 一於整多兩支 , 

再順手買多兩包零食 .  ^_^ !!


還記得好耐之前 , 每支起碼都要二十幾蚊 , 

家陣做到呢個價位 , 真係好難忍得住手唔入貨 .

講真 ~ 午後の紅茶 並唔算係頂級好好飲既奶茶 , 不過當年 ...

第一次北海道自駕遊果陣 , 午餐通常都冇乜時間食餐勁 , 

只係在便利店買個麵包或蛋糕仔 , 再加支 午後の紅茶 就當一餐 , 

當時覺得佢好飲到不得之了 , 返到黎香港對佢產生左一份情意結 , 

每逢飲起佢都會諗起當日在北海道自駕遊既情景 , 

尤其今年冇出門 , 更加需要佢黎解決雙思之苦 , 

一陣寫完呢篇又再飲多杯 , 好正架 , Yeah !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

另外講起出門 , 假設下年農曆年間真係成功出門 , 

距離依家大約只係6個月多DD , 正所謂細路哥剃頭 ~ 快喇快喇 .

再過多3個月左右就可以正式籌備 , 等左佢好耐喇 .

Bye Bye !

2015/07/27

貓店長 ~ ^_^ ~




Hello !


上個星期掛住煲 最強名醫 第3季 , 

攪到網誌都唔記得更新 , 依家攪掂晒 , (只欠特別篇未睇)

都係時候攪一攪個網誌 , 不過未開始之前 , 有小小野講先 , 

就係香港遲早變騙案之都 . (可能已經係添)

點解咁講 ? 唔計早幾日黑鬼油事件 , 因為果D畢竟只係攪遊客 . 

而呢單就新鮮滾熱辣 , 就呢幾日在公司裡 , 

每朝都會接到個電話 , 係用錄音發聲 , 內容係 : 

您好 ! 我係順豐速運 , 你有一個郵件未領取 , 如需聯絡 , 請按0字 .

聽到呢類電話 , 第一時間都係收線 , 因為我都冇幫襯順豐任何野 , 

又點會有郵件呢 ? 最重要係早幾日睇過 東張西望 , 

有藝人都中過呢招 , 另外仲有報紙新聞 , D電話內容仲誇 , 

又話自己係中聯辦 ~ 港澳辦 ~ FBI ~ KGB等等 ... 

話你收藏多本護照 & 洗黑錢 , 受害人被騙成50萬 , 認真慘情 .  >_< !!

唔知聽朝仲會唔會收到電話呢 ? 如果真係按左0字 , 又會點呢 ?

不過即使收到 , 都會即時收線居多 , D人真係卑鄙 , 唉 ...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

講左咁耐終於都入正題 , 上星期書展大家有冇大量入貨呀 ?

我就脆脆地入左一本 , 叫做 : 貓店長 .  ^_^ !!


不過並唔係在書展會場買 , 係在 三聯書店 買 , $98.00

好正架 ~ 可惜版權所限 , 唔能夠影裡面內容同大家分享 .

之前每晚臨訓前 , 我都會用手機黎打幾局機先至訓 , 

依家改為每晚睇幾頁 , 好正既呢 .  XD

睇完零舍好訓 , haha ...

Bye Bye !

2015/07/19

Asahi啤酒杯套裝




Hello !


星期日大家好 !!

呢篇係上篇網誌既延續 , 近排電視&足球 (熱身賽) 都返番黎 , 

除左零食要入貨 , 啤酒都唔可以缺少 , 頭先就去超市入左一箱Asahi , 

$80.00 12罐 + 啤酒杯 + 一支燕京啤酒 , 都幾抵玩 .  ^^

一套裝 ~ 吳彥祖 Angel Ring 杯 .


拆開有12罐啤酒 + 杯一隻 .


仲有一支燕京啤酒搭單 .


影完相就放入雪櫃 , 零食加啤酒 , 睇波必備 . 

今日 18:00 有線 201台 浦和紅鑽 vs 廣島三箭 , 約定你架喇 !!

記得捧主隊場 , Yeah ~ 

Bye Bye !

P.S. : 俾客隊反敗為勝 , 失敗 .  >_< !!

2015/07/17

求其搵D野黎講




Hello !


睇番上果篇既日期 , 接近十日冇更新過網誌 ,

可能熱情冷卻左啦 , 還記得當年在 Yahoo Blog , 

幾近每日都有野講 , 求其搵D新聞時事黎講 , 都幾過癮架 .

依家除非旅遊網誌 , 否則都好難做到每日更新 , 

咁忙乜野呢 ? 都係煲劇 & 足球啦 .  XD

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

剛剛睇完 Doctor X 3 , 轉頭去睇 Blog友 Fung Mandy 介紹既

最強名醫 1-2季 , 第一季睇左3集 , 果然冇介紹錯 , 

雖然冇 Doctor X 咁誇 , 不過都值得一煲 , Thx ~ 

另外足球季前熱身賽亦經已開鑼 , 早幾日睇完 利記vs泰國 , 

下一日又有 阿仙奴vs新加坡 , 仲要睇TVB基本電視劇 , 

正式係忙到啊媽都唔認得 , 為左隆重其事 , 

特登整番幾包零食黎煲劇煲波 , 好正架 , haha ...


至於正式港聞 , 只能係咁咦講下呢單 ...


食水呢D野 , 人人都要用 , 家陣個勢好似越掀越多地區中招 , 

沒完沒了咁 , 遲早燒到自己果度 . 真正原因亦眾說紛紜 , 總之有排驗啦 , 

果D濾水器公司今次真係發達喇 .  XD

好 ~ 就黎P.M.9:00 , now110台做變形金剛 , 聽晚做忍者龜 , 

夠鐘埋位 , 講住咁多先 , 有時間再見 .

Bye Bye ! 

2015/07/08

大阪 . 京都 Handy Bible 2015




Hello !


尋日在地鐵車廂裡 , 得閒無事四圍望 , 見到有人睇晴報 , 

順便睇埋一份 , 其中某頁內容話佢地(晴報)邁向5周年明益讀者 . 

由7月7日至7月14日 , 憑印花+$35.00 , 到指定OK便利店換購 : 

大阪 . 京都 Handy Bible 2015

全書逾200頁 , 一書在手 , 

助你輕鬆策劃完全屬於你既大阪京都假期 , 玩盡新蒲點 . 

數量有限 , 換完即止 !!

於是今朝晨早出門落地鐵站睇下有冇人派晴報 , 

(我果度好衰架 , AM730就大把 , 晴報好快派晒 , 所以要早D起身)

好彩都仲有 , 於是剪下左下角印花去換購 .


就係呢本喇 .  ~ ^_^ ~ 


雖然明年之旅未必係去大阪 . 京都 . (多數都唔係)

不過平平地換黎食飯時間慢慢刨都唔錯架 .  ^^

咪睇佢$35.00以為冇料到 , 係咁咦掃過幾頁 , D料都幾堅 , 

起碼連比較冷門既兔島(大久野島)都有介紹 .

如果有心想去大阪 . 京都等地 , 不妨換番本 , 

手快有 ~ 手慢冇 , 記得換番本呀 . 

Bye Bye ! 

2015/07/05

烏龍新聞部




Hello !


唔覺唔覺又到星期日 , 日子好似過得好快咁 .

既然星期日 , 都無謂寫D嚴肅野 , 就搵單爆笑新聞黎講下啦 .

不過未開始之前 , 先講其他野 , 

尋晚果集 "滾動四國" 介紹果D地方認真正呀 ,

好似 : 大步危小步危既溪降與激流 ~ 仲有祖谷溫泉 ~ 阿波舞 ~

雞刺身 ~ 道後溫泉 ~ 東島海峽大橋 ~ 大三島 ~ 超平海鮮丼 ~ 

同埋今治市毛巾館 . 就算齋睇都唔錯 , 自己去埋當然更正啦 .

下個禮拜記得繼續收睇呀 . ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

跟住輪到入正題 , 日自衛隊驚現高達 . 


淨係睇個標題都夠爆 , 係爆笑果個爆 . haha ...

呢單新聞都出左好幾日 , 今次只係加多腳笑多佢一笑 .

話說在央視一個時事評論節目裡 , 談論日本首相安倍晉三修訂

美日安保條約乃針對中國 , 唔知係主持定嘉賓批評日方不自量力 , 

本來都冇乜所謂 , 奇就奇在背面畫面出現太空戰士高達 , 

節目出街後當然引來各界熱議 , 高達加入埋自衛隊 , 點夠佢黎 ?

其實我對高達都唔係咁熟 , 淨係聽過阿寶 ~ 紅彗星馬沙 ~ 渣古 ~ 蟹魔等等 ...

不過據我所知 ,高達應該身處台場 . XD

而網民們既創意 , 一樣不容忽視 , 好似話 : 今次就高達 , 

下次可能係 : 變形金剛 ~ 無敵鐵金剛 ~ 哥斯拉 ~ 咸蛋超人 ~ 

蒙面超人 ~ 鐵甲萬能俠 ~ 六神合體 ~ 宇宙飛龍 ~ 大鐵人17 ~ 巴別二世 ~ 

千年女皇等等 ...   總之就應有盡有 , 創意無限 . haha ...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

唔知邊位仁兄咁大整蠱 , 俾大家一個咁大娛樂 , 

平時生活咁緊張 , 幾難先有樣野可以爆笑一番 , 應該加佢人工 . 

Bye Bye !

2015/07/01

2015半年結




Hello !


今日係7月1日 , 代表乜野呢 ? 

可以係回歸18年慶祝 , 亦可以係普通一個假期 , 

總之個個人都有唔同答案 , 如果問著我 , 

就代表2015年過左一半 , 講番今年 , 雖然只係過左一半 , 

不過無論個人或者其他消息 , 都係唔好既多過好 .

最唔好既就當然係農曆年頭果單啦 , 用左幾個月時間黎平復 ,

大致上都OK , 只係間唔中諗起有D黯然 .  =_= !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

另外早幾日台灣果單 粉塵事件 , 又係令人悲痛莫名 .

開開心心參加派對 , 結果發生咁既事 , 傷者固之然痛苦 , 

家人都要承受好大悲痛 , 只要投入咁去諗佢地既境況 , 

真係諗多陣都想死 , 聽講7月25日香港都有類似既派對 , 

我個人建議取消比較好D , 依家風頭火勢 , 點會玩得開心丫 . 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

講完D唔開心野 , 點都要搵番D開心野黎溝淡佢 .

黎緊呢個星期六 , 即係7月4日 , 晚上7:35 TVB有旅遊節目 , 

叫做 : 滾動四國 , 自己冇得去 , 睇下人地介紹都唔錯架 .

仲有 ~ 下星期一 晚上10:30 TVB有 杜如風 回歸既 東京攻略 , 

雖然有人認為佢衰衰咁 , 不過我覺得冇乜問題丫 , 

始終都係睇節目唶 , 咪當旅遊介紹囉 ,

又唔係做人世 , 要求唔駛咁高掛 ?

記得捧場咯喎 .  ^_^ !!


Bye Bye !