2015/09/28

中秋節快樂




Hello !


今日係農曆八月十六日追月 , 祝大家中秋節快樂 .

(雖然過左中秋節 , 不過遲到好過冇到)  XD

榮華月餅啱唔啱呀 ? 


一打開 , 小左兩個 ? 唔係入漏 , 屋企人食左咋 .   ^_^ !!


同場加映尋晚中秋正日既美心月餅 .


唔客氣喇 , Yeah !!


Bye Bye ! 

2015/09/25

請槍度行程




Hello !


今日星期五 , 聽晚有英超早場 , 襯得閒攪掂埋佢先 .

上篇訂左出發果程機票 , 返黎果程由於仲未諗得掂 , 所以暫時未有行動 . 

(果程相信都過晒農曆年假 , 機位唔會太緊張 , 有大把水位慢慢度)

而每日放午飯既時間 , 就係度行程既好時機 , 

不過今日度左呢D , 聽日可以全部否定晒 , 後日又返番晒黎 .

就今日度緊果陣時 , 忽發奇想 , 不如由大家幫我度行程 , 

咁樣可以慳番唔小功夫喎 , 都幾好丫 .  XD

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

一諗到呢度 , 不其然令我諗到Yahoo Blog果陣既 Blog友 , 

叫做 : 電占豆豆 幸の旅日 . 當年佢寫日本遊記網誌 , 寫到出神入化 ,

可以話係達人之中既達人 , 讀者人數遠遠在我之上 , 

我都經常拜讀佢既遊記 , 希望能夠學番一招半式 .  ^_^ !!

當中見得最多讀者既問題就係 : 電占&豆豆 , 您好 ~

我下個月出發北海道道東 , 大約去八日左右 , 

唔該你幫我度個行程出黎 ... (類似係咁上下啦)

所以我先至諗起不如叫大家幫我度行程 , 集思廣益嘛 .  : p

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

以上既野純屬講笑 , 度行程呢D咁過癮既事 , 我又點會假手於人 ,

好話唔好聽 , 就算喎左 , 都係自作自受 , 最怕就係聽到 :

一日都係你啦 , 諗埋D咁既行程 , 簡直係失敗之中既失敗 ...

(不過呢D說話只會係兩個人以上同遊先會發生 , 一個人絕對唔會聽到)

照日子黎數 , 仲有成佰多日 , 慢慢度都未遲 , 

依家夠鐘睇 張保仔 , 再見 .

Bye Bye !


2015/09/21

將前途押晒落Jetstar度




Hello !


自早幾日ANA藍天假期套餐價目表出左之後 , 

一直在腦交戰 , 究竟做生不如做熟繼續幫襯佢 ? 

還是試下轉會改乘 LCC (低成本航空公司) ?

其實我既要求好簡單 , 只要佢準時起飛 , 準時降落 , 

係乜野航空公司或者乜野型號飛機根本就唔重要 , 

正如Blog友 Nerissa 所講 : LCC乃係大勢所趨 , 

咁就一於搏一搏 , 將今個農曆年檔期既命運交晒俾佢 , 

既然落實就訂位咯喎 , 又正如Blog友 3J家庭 所講 : 

係就要早D Book,遲D有錢都未必有位 .

咁就上Jetstar既網頁度揀日期 , 呢個檔期都唔錯喎 .


第一程凌晨機 香港往新千歲 , 加埋轉機時間要成12個小時 , 

去到當地係 A.M.9:55 , 相信好大機會在機場攞車 .


2月正值大雪天時 , 淨係件大褸都唔小野 , 

加錢 20公斤托運行李組合 .


繼續之後就入到呢個頁面 , 暫時未係佢會員 .


輸入乘客詳細資料 , 名字千祈唔好打錯 .


您是否需要特別協助 ? 另外仲有點數 ~ 里數或機上禮券 .


20KG托運 , 相信夠喇掛 ?


再填多次個人資料 , 冇難度丫 .


加入我的捷星 , 入就入啦 , 只需自設密碼就OK .


機上禮券 , 聽講機上就算飲滴水都要俾錢 , 

兼冇免費飛機餐 , 預左架啦 .


順便講埋 , 填表時佢有時間限制 , 不過填唔切都可以叫佢補時 .

攪掂就揀座位 , 大把位任你揀 , 我鍾意通道位 .


內陸機果程都係任你揀 .


之後就係俾錢 , 輸入信用咭姓名及咭既到期日 , 

仲有咭背後既3個位數目字 . (呢度唔影出黎咯)

最後完成整個交易過程 , 佢會Send 個 Email去你郵箱 , 

只要印果張紙出黎就OK . 我諗係掛 ?  XD

另外有D行李Size尺寸咁啦 .


呢Part叫做攪掂 , 其他果D可以慢慢黎 .

Bye Bye ! 


2015/09/16

貴到啊媽都唔認得




Hello !


剛剛上ANA藍天假期既網頁度睇 , 

2016農曆年間既報價出左 , 搵番自己出發日期對一對 , 

即係2016年2月5 --- 10日 , 該段日期叫做 G期間 .

再搵番札幌Century Royal Hotel單人房 , 當堂嚇左一跳 .  >_< !!

機票 + 2晚酒店要成 $7750.00 仲有機票附加費成人 $1700.00

合計即係 $9450.00 另外機場稅&雜費都未計 (大約八佰蚊左右)

加加埋埋總共一萬零幾佰 , 平時淡季去開全套都係6仟蚊多DD , 

唉 ~ 認真攞命 , 都係果句啦 , 如果可以淡季出發 , 幾大都揀淡季 .

不過就係唔得唶 , 大家一齊唱番句 : 可以笑的話 , 不會哭 ... 

~~~ 無奈中 ~~~

Bye Bye ! 

2015/09/14

有冇人幫襯過Jetstar 2




Hello !


足足有個多禮拜冇同大家見面 , 

近排依然係忙於煲劇 , 加上球季開左鑼 , 總之就節目多多啦 .  ^^

唔知大家有冇留意日本新聞 ? 佢地呢排認真流年不利 .

繼 鬼怒川 果頭暴雨缺堤 , 頭先睇新聞又見到阿蘇火山爆發 .

先講鬼怒川 , 起初聽收音機話佢連場暴雨以為好濕碎 , 

之後睇到新聞片 , Wow ~ 簡直同當年海嘯分別不大 , 

D屋被洪水衝到淨係見到個頂在飄浮 , 都咪話唔得人驚 .


跟住講 阿蘇火山 , 今次係剛剛晚飯時睇新聞片 , 

又係啦 ~ D火山灰噴到周圍都係 , 令我諗起好耐之前睇過果套 ,

由 皮雅斯布士南 飾演既 烈燄狂峰 , 片尾果段又係火山勁爆 , 

D煙塵爆到上半空咁高 , 旅遊人士冇鞋挽屐走 , 

好彩冇乜傷亡數目 , 不過要去果頭相信都要過一排咯 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

講到呢度先至正式入正題 , 之前咪話要解決D事 , 

解決左先至可以決定能否農曆年出門既 , 今日終於大功告成 , 

可以落實出門 , 睇番ANA既網頁 , 套餐只係賣到10月31日 .

未有農曆年既報價 , 跟住上Jetstar度睇睇齋機票 , 

Check過D時間都唔錯喎 , 幫襯左咁多次ANA都想轉一轉會 , 

唔知道有冇人幫襯過 Jetstar 呢 . (今次好似係第二次問)

口碑如何 ? 經唔經得起農曆年既考驗呢 ?

如果口碑唔錯 , 真係有誠意幫襯佢架 .  ^_^ !!

Bye Bye ! 

2015/09/05

在那遙遠的地方 ~ 北韓




Hello !


今晚星期六冇英超賽事 , 可以抽空整番篇 .

( P.S. : 休息一下都好既 , 車仔開季既走勢 , 認真不妙 , 再係咁落去 , 護級都有份 . )

講乜野好呢 ? 就講旅遊節目 , 叫做 : 在那遙遠的地方 ~ 北韓 .

呢套係承接住四個小生去旅行既旅遊節目 , 

話時話 ~ 四個小生我都冇睇 , 反而北韓呢一輯我就集集都有睇 .

北韓喎 ~ 淨係聽個名都夠晒神秘啦 , 對於果度 , 

相信大部份人既消息來源都係來自新聞報導 , 難得有個旅遊特輯 , 

幾大都追睇啦 , 可惜 ~ 只係得五集咁大把 . 

(可能度度都唔影得既關係 , 所以剪剪埋埋只係得五集)  XD

有報導話主持 洪永城 做得唔係幾好 , 我就持相反意見喇 , 

覺得佢OK掂喎 , 攪笑得黎夠晒抵死 , 如果換轉 杜如風 黎做主持 , 

相信未必有咁既效果 , "流行平壤" 咁攪野 ? haha ...

講番 北韓 呢度俾我既感覺 , 比 俄羅斯 更加鐵幕 , 

呢樣唔得 , 果樣又唔得 , 乜野都以 已故頌導人為首 , 

自幼被灌輸愛國愛黨 , 抗美援朝之類既訊息 .

總之就要慎言慎行 , 稍有差池都可以好大鑊咁啦 .

仲有 ~ 佢地唔鍾意人地叫佢做 北韓 , 叫 朝鮮 就OK喇 .

見到佢地既人民 , 令我諗起電影 : 謊島叛變 (Island)


電影裡面既人民 , 又係乜野都受到嚴密監控 , 

包括衣著 ~ 工作 ~ 食物 ~ 運動 ~ 興趣 , 全部都被安排好晒 , 

完全冇自由意見 , 不過冇人會問點解 ? 當然除左主角之外 .

內裡其實有個驚世大陰謀 , 至於係乜野陰謀 ? 

自己上網搵影評 , 或者買番套 DVD 黎睇啦 , 好好睇架 .

今晚講住咁多先 ~ 

Bye Bye ! 

2015/09/01

悠遊卡




Hello ! 


今朝賴床時聽收音機 , 聽到關於悠遊卡與波多野結衣的新聞 , 

由於仍在半夢半醒 , 因此不明所以 , 返到屋企上網搜尋 , 

睇下係咩野一回事 , 經搜尋後得知 , 原來所謂悠遊卡 , 即係台灣版既八達通 ,

可以用黎搭車或者買野 , 悠遊卡既口號係 : 一卡在手,悠遊全台 .

目前使用範圍已幾乎普及全台灣,發行量多達5千幾萬張 .

另外增值上限在1萬蚊新台幣 . (八達通上限好似1仟蚊港幣)


至於天使卡既源起 , 來自發咭公司以公益名義發行3萬張印有

AV女優 波多野結衣 既限量版 .

悠遊卡公司分別推出了波多野結衣身穿黑衣既 惡魔造型 與及

白衣既 天使造型 兩個版本 , 而該卡銷售既收入將會捐給慈善機構 , 

而悠遊卡公司決定使用波多野結衣消息傳出後 , 

即時引起台灣社會輿論及新聞媒體熱烈討論 , 

反對意見在於波多野結衣在日本從事AV女優 , 身份比較敏感 , 

用佢張相黎以公益名義發咭 , 似乎有點兒那過 ...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

對於此 ~ 波多野結衣本人則表示悠遊卡上既相並非色情照 , 

同時仲發表聲明表示 : 只因為我是AV女優 , 難道就不能參與慈善活動 ?

不能對於我愛的台灣付出行動來報恩咩 ?

另外又有話佢張天使咭版本 , 涉及AV封面版權問題 , 

總之就一波三折啦 , 最後發咭公司好似話會回收該咭 .


既然係回收 , 咁就即係絕版啦 , 所以網上炒賣價急升 , 簡直係瘋狂喎 . 

如果有時間既話 , 可以Click入以下影片 , 有更詳細既報導 .


Bye Bye !

P.S. : 如果香港八達通都跟風既話 , 我諗我都會整番張黎留念 .  ^_^ !!