2014/04/27

搵 Mapcode




Hello !


今日係四月最後一個禮拜日 , 距離出門之日不足一個月 , 

好心急呀 , 希望快D到出門果日啦 . (小學生去旅行咩 ? ) haha ...

今次呢篇本來寫第七日既 "預算景點" , 不過都仲未搵齊 , 

唯有寫住其他野頂住檔先啦 . XD

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

早排咪講過 , 租車方面原先想平平地租 K-Car , 

後尾見 Toyota 86 有MT版 (棍波) 推出 , 諗住谷盡一試 , 

再之後佢突然黎個 30% 大割引 , 最後轉租 Prius . 

依家又有小小後悔 , 想轉番 86 MT , 因為棍波車娛樂性豐富好多 .

可惜已經太遲 , 該段時間已經 Full 左 , 不過就算有得轉 , 

都未必一定會轉 , 因為其實之前已經轉過一兩次 , 

如果再轉 , 租車公司可能會話 : $#@^*X+Y 乜D香港人咁麻煩架 , 

揀好先至好Book丫嘛 , 知唔知乜野叫做買定離手架 ?

所以在舉手不回既大前題之下 , 決定唔會再轉 , 下年啦 ~ 

只要佢再推出 86MT版 , 就算其他車款50% , 都要揀佢 , 非常堅定 !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

另外搵料方面 , 之前都出左D "蝦碌事件" , 好彩好快擺平 . 

就係以為 Mapion 果個地圖 , 冇左搵 Mapcode 既功能 ?

當然唔係啦 , 係自己唔醒爬唶 , 原來收埋左 , 要個箭咀推埋佢先出現 .

就咁睇落去 , 點解唔見左 地圖URL 既 ?


咪嚮度 ~ 要個箭咀掂落去 (便利XXX) 先出現 , 最尾果行就係喇 .


就好似想搵呢個 星野リゾート . トマム


Mapcode 就係 608 511 279


而呢度就係第七晚所住既酒店 , 又係冇晚餐 Plan , 要食自己 .

酒店有電話號碼提供 , 點解仲要搵 Mapcode 呢 ?

原來試過果次 "蝦碌事件" 之後 , 打後每次搵酒店 , 都要搵埋先放心 .

詳細可以 Click 入下列網誌 :


依家出發前 , 所有景點都會搵埋 Mapcode , 咁就放心好多 . 

講住咁多先 , 夠鐘出去食晚飯 .  ^^

Bye Bye !

2014/04/24

黑色外遊警示除下




Hello !


今日頭條 : 對菲旅警 , 黑降至黃 ...


尋日 "菲律賓" 方面終於派人黎 "香港" 就人質事件道歉 , 

雖然並非由現任總統 "阿基諾三世" 親自前來 , 

而係由前任總統 "埃斯特拉達" 與及市議員 "洪英鐘" 共同執行 ,

總算叫做有個交代 , 至於道歉字眼接唔接受 , 呢個由遇難者家屬決定 .

經過一輪商議之後 , 家屬決定接受佢地既道歉及賠償 .

而港府亦於當日解除對 "菲律賓" 黑色外遊警示 , 轉為黃色 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

今次網誌主要內容 , 係問大家會否再去 "菲律賓" 觀光呢 ?

先講我既意見 , 話說3年前得悉呢單人質事件係下午2:00聽收音機 , 

當時都未知乜野事 , 以為有個傻佬上車搗亂一番 , 應該好快就解決 , 

之後到放工回家食飯睇新聞時 , 事件依然未解決 , 

最後既發展大家都好清楚 , 俾班 "特蠢步隊" 攪到雞毛鴨血 . 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

所以我既答案係 "絕對唔會再去菲律賓" , 雖然未至於發毒誓 , 

但係可以好肯定咁講 , 除非情況好唔正常 , 否則都唔會再踏足該國 .

皆因除了 "人質事件" 之外 , 早排 "上海" 女生遊覽 "馬來西亞" 

沙巴州仙本那海上度假村被擄走 , 好似都係同 "菲律賓" 有關 , 

所以呢D咁危險既國家 , 都係小惹為妙 .  >_< !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

以上只係我既意見 , 如果大家有任何意見 , 都歡迎發表 .

(正反都得) 

Bye Bye !

2014/04/23

好行夾唔送




Hello !


近排掛住寫旅遊網誌 , 好似忽略左港聞 , 今晚一於整番篇 .

今日頭條 : 內地籲罷遊香港 , 本地網民叫 "快D" ...


呢一單料起源於早日既 "小孩在街頭小便事件" 引發 , 

伸延至 "中港罵戰" , 其實中港罵戰時有發生 , 不論網上或街上 , 

可謂三日一小罵 , 五日一大罵 , 近既就有早排 "驅蝗行動" .

究竟點樣先為之 "蝗蟲" 呢 ? 每個人既定義都唔同 , 就以我黎計 , 

只要有手有腳唔做野 , 立心不良蠶食香港福利 , 咁樣先稱得上 "蝗蟲" , 

而 "蝗蟲" 本身並無國籍之分 , 可以係內地人 , 亦可以係印巴佬 , 

甚至本地人 , 並唔係衝住內地人而設 , 千祈唔好對號入座 .

至於講到部份內地人唔守規矩 , 嘈喧巴閉 , 財大氣粗 , 呢樣只係天性 ,

佢地亦唔係衝住 "香港" 而黎 , 皆因去到世界各地都係咁做 . 

呢樣冇辦法啦 , 只能夠隔多幾代先可以慢慢進化 , 急都急唔黎 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

而今次最想講既係 , 天下萬物 , 本身都有佢既完美配搭 , 

就好似炸雞要配啤酒 , 刺身配wasabi , 步驚雲配絕世好劍 , 曼聯配費Sir , 

(曼聯今季交棒俾 "莫耶斯" , 成績大家有目共睹)  >_< !!

仲有好多項目可以講 , 不過當中最重點就係 : 香港一定要由英國管治 ,

先可以發揮到香港既特質 , 所謂切肉不離皮 , 雖然夾硬回歸祖國 ,

但人心歸向始終都記掛英國 , 所謂得到你個人 , 得唔到你個心 , 就係咁解 .

唔信你出街抽樣調查 , 問人鍾意睇 "英超聯" 還是鍾意睇 "中超聯" ,

世界盃支持 "英格蘭" 還是 "中國" , 相信答案必定一面倒 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

若然內地政府真係大仁大義 , 就當幫自己積番D陰德 . 

誠意邀請英國繼續管治香港 , 將奸黨及瘀血一一清除 , 咁樣香港就有運行喇 .

衰左17年 , 終於黎個大翻身 , 情況有如傳說中既 "火鳳凰" , 經過浴火重生 .

總好過家陣上樑不正下樑歪 , 你貪 ~ 你D手下比你更貪 ,

盛事基金變喪事基金 , 正式係優差肥缺 , 上欺下瞞 ,

將納稅人D血汗金錢 , 轉個手就落入自己袋裡 , 仲勁過吸星大法 .

最慘既係呢一單只係特區政府裡面既冰山一角 . 唉 ...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ 

最後若然內地人想 "罷遊香港" 黎教訓港人 , 唔該佢地俾多小小誠意 ,

好似發番個毒誓 , 話我 XXX 本人 , 發誓今生今世唔再踏足香港半步 , 

如有違誓絕子絕孫 . 仲要將呢個訊息發放出去 , 希望多D同胞仿效 , 

咁樣先至可以狠狠地教訓香港人 . XD

Bye Bye !

2014/04/21

2014預算景點(六)旭川篇




Hello !


今次網誌黎到 "預算景點篇" Part6 , 

呢日行程相當簡單 , 首先在 "札幌" 酒店度食早餐 , 

即係上年話勁多款果間 Century Royal Hotel . 


食完 Check Out 連隨出發往 "旭川" , 行高速公路的話 , 

只需兩個多小時就到達 , 呢段行程可以試試 Prius 既速度感 , 

相信同 86 唔好差得太遠掛 ? 

而第一站就係聞名已久既 "旭山動物園" , 去過咁多次 "北海道" , 

今次都係第一次去呢個動物園 , 真係見笑 .  ^_^ !!

旭川市旭山動物園入口 . (相片由 コーさん 提供 , 特別嗚謝)  


北極熊 , 正呀 !


仲有 "小鹿純子" , 唔係 ~ 係 "小鹿斑比" 至真 . haha ...


參觀到差唔多時候 , 過隔離無幾遠既 あさひかわラーメン村

相片在網上班返黎 , 特別嗚謝 ?


~ 歡迎光臨 ~


呢度中文叫做 : 旭川拉麵村 , 裡面有好多選擇 , 包括 : 梅光軒 ~ 

火頭山 ~ 天金 ~ 青葉 等等 ... 感覺上有D似 "拉麵共和國" ,

可能比較大型D掛 ? 唔知呢 ~ 正式返黎再話過俾大家知啦 . 

~~~~~~~~~~~~~~~~~~~~~~~~~~~~~~~~~~~~~~~~~~~~~~

之後輪到過遠小小既 "層雲峽" 黑岳" , 要坐吊車 , 好刺激架 .

呢個地點及相片由 t先生提供 , 特別嗚謝 .  ^^


黑岳五合目 . (相片係冬天 , 我出門果陣係夏天)


上山參觀完落黎 , 都要往旅館 Check in , 已經揀好 , 

就係 : 層雲峡温泉 , 朝陽リゾートホテル  唔錯架 .


本來想訂 "大雪" , 不過佢D Plan 唔包晚餐 , 把幾火之下先幫襯呢間 , 

希望唔會令我失望啦 . 

OK ! 又攪掂一日 , 今日行程係咪好簡單呢 . XD

Bye Bye !

2014/04/20

放假仲攰過返工




Hello !


早日見個 DVD盤舊舊地 , 不如換過部新既 , 

於是去 "黃金商場" 入貨 , 拖到今日先有時間裝上去 .

就係佢喇 Pioneer DVR-S21FXV


拎部電腦落黎打開佢 , 起初諗住就咁裝上去就算 , 

不過拆開個蓋 , 發現裡面封晒塵 , 若然夾硬裝上去 , 恐怕過唔到自己果關 , 

於是乎將所有組件拆晒出黎 , 再打掃一番先重新裝番上去 .

D風扇仔既扇葉都積晒塵 , 要逐片咁黎清理 , 

結果10分鐘左右攪掂既野 , 要3個小時先至完成 ,

不過抹到乾乾淨淨 , 感覺上清爽好多 , (包括拆除唔多用既野)

但係就好鬼攰 , 預算行程篇都冇乜時間寫 .

其實係冇乜心機寫 , 因為 "車仔" 輸波 , 

就算中左14.5倍既 "客勝" 都係咁話 .

遲小小再寫過啦 . 

Bye Bye !

2014/04/18

Seagate 2.5" 外置硬碟




Hello !


今日係 "復活節" 假期第一日 , 

首先祝大家復活節快樂 , 假期玩得開心D .  ^_^ !!

今次都冇乜特別主題 , 一於黎個產品介紹啦 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

日前在 "黃金商場" 買左幾個 2.5"硬碟 , 

每個 1TB ($529.00) 買左3個 , 其實呢個系列有四個顏色 , 

分別係黑 ~ 銀 ~ 紅 ~ 藍 . 不過唔多鍾意黑色 , 

所以買呢3個色 , 勉強叫做一套咁啦 . 

依家D檔案 , 係咁咦都一兩GB , 年中都儲埋唔小相片&短片 , 

電腦裡面既硬碟都差唔多滿瀉 , 所以買黎分流 , 

遲D出發往 "北海道" , 又係一場火拼 , 買定就實冇衰 . 

OK ~ 係時候介紹一下佢地 , 紅 ~ 藍 ~ 銀色各一個 .


拆開包裝紙盒 , 內有硬碟一個 , USB連接線一條 , 說明書一份 .


呢邊插入硬碟果度 .


另一邊自然係插落電腦 USB 插頭啦 . 


好快電腦就偵測都有新硬體加入 , 甚本上都唔需要設定D乜 , 

正式係即插即用 , 入番D資料落去先 . Yeah !!

Bye Bye ! 

星期日先至寫旅遊景點 , 到時見 ~ 

2014/04/16

食死冇命賠




Hello !


今日頭條 : 11款寵物糧 , 傷貓狗肝腎 ...


近年話去超市買野 , 要睇食物標籤 , 

睇過乜野成份先決定買唔買 , 估唔到家陣連貓 ~ 狗糧都唔放過 ,

D友一樣照出蠱惑 , 雖然好多樣都唔知係乜野 , 

不過淨聽到 "三聚氰胺" , 已經唔多老黎 .  >_< !!

其他人唔知 , 如果以我黎講 , 養得隻寵物 (除非唔養 , 要養一定係貓)

基本上已經當佢係屋企人咁黎看待 , 即係就算自己冇飯食 , 

都要養得佢肥肥白白 , 開開心心 , 咁樣先對得佢住 .  ^_^ !!

(可能係咁 , 所以至今我都冇諗過養寵物 , 因為環境唔許可)

依家咁攪法 , 如果有我果種心態既主人 , 真係唔知點算咯 , 

唔通要自己試食 , 食到冇事先至俾佢食 ?

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

講完公事講私事 , 下月出門咪有個餵貓環節既 , 

所以今晚收工果陣 , 特登去超市買包貓糧 , 還記得2012年果次 , 

又係買左一盒貓糧 , 結果搵唔到貓 , 在 "小樽" 附近既碼頭用黎餵海鷗 , 

結果大受歡迎 , 今次又係啦 , 如果搵唔到 "定山溪" 二見公園D貓既話 , 

包貓糧又要黎餵海鷗 & 烏鴉 , 在 "余市" 水中展望船隔離有個碼頭 , 

得D吉船泊嚮度 , 側邊有好多海鷗 & 烏鴉 , 在果度玩餵佢地 , 

包保冇人騷擾 , 玩得好開心架 , 詳細可以Click入下面兩篇舊網誌 . 


http://1226manwai.blogspot.hk/2013/05/201210d2-7.html

相信到時一定好過癮 , 期待中 ...

Bye Bye !

2014/04/14

2014預算景點(五)積丹岬




Hello !


上回既預算景點篇講到攪掂晒 "二世古" 行程 , 

進入下一日 , 呢日打算黎個舊地重遊 .   ^^

首先去番 "岩內町" 果頭 , 再轉上 "神威岬" 睇睇乜野環境 .

之後過去正式 "積丹岬" , 以我所知 ~ 上次去過既 "島武意海岸" , 

只係屬於 "積丹岬" 部份範圍 , 並非正宗既 "積丹岬" .

今次橫掂有時間 , 想去埋佢黎個全餐 , 

呢張相係網上搵番黎 , 唔知係咪咁既樣呢 ??


攪掂晒之後 , 如果午餐時間到既話 , 順便在果度附近

黎個 "海膽丼" , 相信一定好正 .  ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~

午餐過後都要返 "札幌" , 不過中途仲有景點 , 

就係 "前田森林公園" , 睇圖好似好正咁喎 . 


如果時間許可 , 去多一個公園 , 就係 : モエレ沼公園 .


之後都要返 "札幌" , 由於今晚住套餐酒店冇晚餐 , 

所以擺低部車就出去食晚餐 , 諗住去 コーさん 介紹果間

難陀 碰碰運氣 , 如果一個人都做既話 , 咁就在果度食餐勁 .

果度有飲品放題 , 可能勁飲啤酒 , 所以部車要擺酒店 , 

再行過去 , 就係咁解 , 食完返酒店休息 , 係咁先 !!

Bye Bye !

2014/04/13

今晚有大戰




Hello !


今晚有 "紅藍大戰" , 藍既並唔係 "車仔" 係 "曼城" ,

紅既亦唔係 "曼聯" 而係 "利記" .

呢場波最好就打為平手 , 大家和氣生財嘛 .  ^_^ !!

旅遊方面暫時都冇乜野講 , 就當休息下啦 .

Bye Bye ! 


2014/04/11

Carcam 建奇功




Hello ! 


今日頭條 : 警靠車Cam片閃電破傷人案 ...


Carcam呢樣野對駕駛者黎講 , 可以話係非常之重要 ,

除左有乜突發意外可以作為逞堂證供自保之外 ,

仲可以錄起D意想不到事件 , 近既就講呢單 ,

遠既就講上年 "俄羅斯" 殞石墜落事件 , D短片仲話可以

幫助科學家研究添 , 如果冇Carcam既話 , 又點可以捕捉到

呢D突發野 , 所以政府應該強制各類車輛都要安裝 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

其實今次呢篇想帶出D訊息 , 就係上次自駕遊果陣 ,

咪買左部Carcam既 , 好老實講 ~ 質素認真麻麻 ,

當時見價錢平平地 , 又第一次試用 , 所以買黎試試 ,

好似係$180 , 都覺得幾平下 , 最平見過$138 , 可謂低處未算低 .

黎緊呢次出門 , 我想買部質素好小小既 , 要黎錄低道路情況 ,

得閒睇番可以順便懷緬一下在 "北海道" 既景況 .

依家四出咁搵料 , 睇下邊部係心水 .  ^^

Bye Bye !

2014/04/09

台灣超Pro既Blog友




Hello !


尋晚果場 "歐聯" , 車仔反勝出線 , 勁呀 !

今晚收工整番兜三文魚刺身黎賀一賀佢殺入四強 . 

順便一邊食一邊睇錄影 , 恭喜晒 !! 


講番正題 , 今次繼續講車 ...

打從決定租Prius之後 , 四出搵佢既資料 , 搵到一位台灣Blog友既網誌 , 

好詳細咁介紹呢款車 , Pro既程度比我有過之而無不及 .

以下係佢既網誌地址 , 有時間可以一睇 , 除了介紹Prius之外 , 

仲詳細介紹在 "北海道" 租車 , 對於首次租車既Blog友非常之有用 .




原來Prius係冇手掣 , 只係用極力子黎當手掣 , 另外支波棍又古靈精怪 , 

同Aqua相差甚遠 , 唔睇過佢介紹都唔知 .

仲有果個黃綠色箭咀標貼 , 原來係小心新手 , (有D似P牌)

又係唔講唔知 , 真係多謝佢咁詳細介紹 .  ^^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

講到搵自駕遊或者景點資料 , 近年台灣既Blog友水準甚高 , 

反觀我地香港 , 自從Yahoo執左笠之後 , 可謂人材凋零 , 

希望我完成今次旅程後 , 可以為港爭光 , 寫番Part有用網誌 , 

等Blog友有個依歸 , 有時間記得收睇呀 . 

(講到好似好勁咁) haha ...

Bye Bye !

2014/04/08

2014租車記 ~ 無可抗拒的誘惑




Hello !


早幾篇網誌咪話本來今次自駕遊 , 想去 "稚內" 果邊D離島 , 

不過因為租車價錢太貴 , 放低兩日唔用有D唔抵既 ...

就係因為租左呢部 "秋名86" . 雖然佢正確名稱叫做 トヨタ86 , 

但係我鍾意叫佢做 "秋名86" , 咁叫親切好多 .  ^^


點解租呢部車呢 ? 除左部車有型之外 , 另一個理由就係MT(棍波) .

揸開車既Blog友應該知道 , 棍波車與自動波車 , 根本就係兩回事 .

在第一次自駕遊租Axio完成行程之後 , 跟住心諗 : 

如果可以在 "北海道" 揸棍波車黎兜風 , 咁就正咯 .  ^^

之後搵Toyota睇下有冇棍波車租 , 包括有個樂字果間Toyota ,

全部都係自動波 , 即使有一欄AT/MT俾人揀 , 都係Click唔入 .

再加上翌年係雪駕遊 , 所以都冇堅持 , 不了了之 .

就近排發現有間叫做 Times Car RENTAL , 表面上可以揀AT/MT車 , 

不過次次揀親都話冇 , 即係得個講字 , 直至見到幫襯開果間Toyota , 

有限定86既MT車出租 , 但係租價實在太貴 , 等同普通車租兩次 .

交戰左好耐 , 貴就貴啦 , 終於落實租佢 , A4紙都印好埋 .


為左多D了解86呢部棍波車 , 我特意參考好幾段短片 .



~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

誰料到尋晚上Toyota租車網 , 發現佢久違了既30%春の大割引又重現 .

講番今次租 86 , 10日9夜既價錢係 119502Yen . (5%折實價)

同 Prius 比較之下 , 貴25000Yen左右 .之但係推出30%優惠之後 , 

相距接近45000Yen , 足足港幣3363.00 , 咁就真係要考慮一下喇 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

考慮包括價錢 , 路線 . 首先講價錢 , 早前買左部 "空氣清新機" , 

再加上月尾要交差餉/地租 , 簡單D講就係駛大左 .  =_= !!

(遲D可能仲會買 LEDTV , 冷氣機)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

而路線方面 , 今次以 "富良野" & "美瑛" 為首 , 速度上已經有所限制 , 

租得86呢款車 , 都預左飛車 , 第二段片台灣果位仁兄話 :

86要踩到6000轉以上先可以發揮其性能 , 否則只係一部普通棍波車 .

再加上有Blog友話果度 (富良野) 經常捉快車 , 真係俾佢嚇親 .  XD

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

經過詳細而慎重既考慮之後 , 決定取消86既訂單 , 

改為轉租 Prius , 就係佢喇 ... 


唔好噓住 , 其實Prius都好有型 , 不過珠玉在前 , 

先至感覺上差咁一皮唶 , 12萬Yen與7萬幾Yen , 相差實在太大 .


就係咁 ~ 今次既行程相伴既車 , 就係 HV2 既 Prius .


除了租價之外 , 油錢都慳唔小架 , Check 過D資料 , 

86既耗油量絕對比Prius多 , 因為Prius始終都係混能車嘛 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

最後 ~ 如果佢明年又有86MT租 , 相信一定會租番佢 ,

留得青山在 , 那怕冇柴燒 .

度定條沿海飛車路線 , 86 ~ 我會番黎報仇 . haha ...

Bye Bye !

2014/04/06

2014預算景點(四)有島牧場




Hello !


上回果篇預算景點 "大沼篇" , 第二張相有D艇仔泊在岸邊 , 

唔知係咪租俾人扒既呢 ? 我都好有興趣 , 時間充裕又唔太貴既話 , 

我想扒番兩轉 , 不過對手可能會粗晒 , 都係帶埋佢穩陣D ,

上次雪地自駕遊買落既手襪 , 估唔到今次可能用得著 .  ^^

P.S. : 我識唔識扒艇既呢 ? 有冇扒過呢 ? 我自己都唔記得 ? 


返回預算行程 , 上回講到解決完果間冇晚餐既ホテル ,

跟手去到第四日行程 , 今日預算行程係 "二世古" 周邊地帶 .

~~~~~~~~~~~~~~~~~~~~~~~~~~~~~~~~~~~~~~~~~~~~

搵料果陣見到有個駝鳥牧場 , 見到呢段片 ,

好正呀 !! 令到呢個牧場景點由唔知去唔去 , 變左一定要去 .

呢個牧場叫做 : ダチョウ牧場

 

之後既景點搵唔到相呀 . (其實係唔積極唶 , 要搵又點會冇)

就咁口述算數 . XD

就係 : 名水の郷きょうごく , 果度既係 "道の駅" , 又係景點 , 擺車夠晒方便 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

之後係 "二世古駅" , 呢度之前去過 , 叫做重溫一番 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

跟住過隔離 "有島記念館" , 唔知記念乜野呢 ? 可能就咁門口影相就算 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

再之後另一個 "二世古道の駅" , 上次在果度飲左支酸奶 , 今次再重溫 .  ^^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

下一站 : さくらんぼの木 , 棵樹對住個 "羊蹄山" , 應該都幾好景 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

睇完過隔離 "高橋体驗牧場" , 相信都係屬於過境性質 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

好快就去到 1000m展望台 , 好似話要6月先開檔 , 去到睇下點啦 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

尾聲係去 "大湯沼" 重溫 , 攪掂再上 "神仙沼" 睇睇 , 

後者條路又係要6月先解封 , 如果封路既話 , 早D往酒店浸過飯前溫泉 . 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

酒店方面亦已經揀好 , 就係翻兜上次既 "甘露の森" , 

佢地個晚餐 & 溫泉都係咁正 , 記得啤一啤佢呀 . haha ...


Bye Bye !

2014/04/05

2014預算景點(三)大沼國定公園




Hello ! 


上回講到參觀完 "八雲町育成牧場" 之後 , 

往下一個景點 , 就係 "函館大沼國定公園" , 講起呢個公園 , 

幾乎係進出 "函館" 既必經之路 , 我都經過好幾次 , 

不過就從未試過停低參觀 , 今次時間充足 , 一於細心咁欣賞佢 .  ^^

相片借住Blog友先 , 返黎先至還 . 


不過人地影得咁靚 , 未必還得番 .  XD


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

攪掂完個 "大沼" , 都差唔多要往旅館 Check in .

第三晚既旅館亦揀好 , 就係 : 函館大沼プリンスホテル


不過個Plan係冇晚餐 , 到時先睇下點 , 

如果附近搵唔到心水餐廳 , 必要時便利店都殺住先 , 

所謂好又一餐 , 唔好又一餐 , 始終浸溫泉先至係今程主打目標 . 

第三日完 . 

Bye Bye !

2014/04/03

旅行團都要增值



(今次網誌內容 , 涉及廣告 , 不過與我無關 , 幫襯與否 , 悉隨尊便)


Hello !


雖然我鍾意自由行多D , 不過見到旅行團賣廣告都會望多兩眼 , 

尤其係 "北海道" 既團種 . 今日睇到 "縱橫遊" 一篇廣告 , 同以往有D分別 .

加入左幾個新行程 , 証明就算係 "北海道" , 都要不斷增值加強吸引力 ,

否則玩黎玩去都係果幾味 , 好難再有回頭客 .  =_= !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~  

就好似下圖右下角既 "利尻島" 行程 ...


講開 "利尻島" , 係 "北海道" 五大離島之一 , ( 唔計 "北方四島" )

隔離有 "禮文島" , 落小小有 "天売島" & "焼尻島" , 

再落多D有上次去過既 "奧尻島" , 全部合計五個 . 

唔講唔知 ~ 其實我今程有諗過去埋前面四個離島 , 叫做儲齊一套 , 

不過今次所租既車實在太貴 , 如果掉低兩日唔用 , 未免太過浪費 . 

所以留番下次或者再下次先諗佢地 , 家陣居然連旅行團都有呢類行程 , 

真係估佢唔到 , 所謂不進則退就係咁解 .  ^^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

另外再睇下圖中間果度 , 有團道央5天 , "札幌積丹岬" ...


"積丹岬" 呢類海邊景觀 , 就算自由行都唔係咁熱門 ,

只有自駕遊兼好似我咁鍾意 "瓹窿瓹罅" 既人 , 先至有興趣去參觀 .

依家又係連旅行團都有團去 , 睇黎要再搵D山卡啦既景點至得 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~ 

至於隔離 "二世古" 鶴雅杢の抄 , 呢類豪華團 , 一個人都要兩皮幾野 , 

簡直係貴都冇朋友 , 呢類團種 , 相信只可以睇下D資料 , 

參加就一定未夠班 . OK ~ 今晚講住咁多先 , 

星期六 "清明節" 假期 , 到時再講過 . 

Bye Bye !

2014/04/02

又到週期性生理失調



(以下網誌內容 , 涉及不當用語 , 敬請家長留意)


Hello !


尋晚收工返屋企果陣 , 經過信箱時順便望一望 , 

見到有個白信封 , 再望下個嘜頭 , 立即心感不妙 , 

原來又到交差餉既月份 ...


之前講過 , 每逢交差餉果個月份 , 心理及生理都會失去調節 , 

喜怒無常 , 坐立不安 , 總之就經常想搵人黎鬧 , 

尤其係見到呢類新聞 ...


好坦白講 , 依家呢個政府 , 攪到個社會一劈屎咁 , 

根本就冇資格問納稅人攞錢 , 就好似早排 "太陽報" 連日報導 , 

D "印巴佬" & "非洲黑鬼" 不斷湧港尋求難民政治庇護 , 

有良心果D都仲會去做下苦力搵錢 , 無良果D就加入黑幫就打手 , 

自己以酷刑聲請來港 , 卻不斷向人施予酷刑 , 係咪好諷刺呢 ?

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

另外新移民未住滿七年就可以領取綜援呢單 , 

唔記得邊條躪癱講過 , 當中所佔人數好小唶 , 唔駛驚喎 .

有呢種諗法既人 , 正式係 "仆街冚家剷" 黎架 .

3個月都未夠就有成接近四千個申請個案 , 呢個簡直係無底深潭 .

講到呢度 , 又有D心如刀割既悲痛 , 講住咁多先啦 .

Bye Bye !