2014/05/21

2014出發記(預早暫別篇)




Hello !


今日打開電腦網誌 , 有兩件事值得欣慰 .  ^_^ !!

首先係再見唔到有波鞋廣告洗版 , 好開心呀 .

所謂 : 邪不能勝正 , 就係咁解 .

第二件事仲高興 , 雖然設置左關卡 , 但係留言依然踴躍 , 

承蒙大家不離不棄 , 請受小女子一拜 . haha ...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~

另外呢兩日俾佢攪一攪 , 正式係元氣大傷 , 

令到原本想寫既網誌都冇得出街 , 就好似尋日買既 Carcam , 

都冇時間拆開黎睇 , 唯有將佢 Pdf 說明書 Download 落板腦度 , 

在飛機上研究佢 , 好彩 Carcam 並非精密科學 , 

以我既冰雪聰明 , 要理解相信不難 .  ^_^ !!


仲有換日圓一事 , 亦已經攪掂晒 , 呢篇又係冇時間出街 .

(駛晒佢先至好返香港) Yeah !!


最後由於聽朝晨早要出門 , 相信都冇時間寫網誌 , 

所以呢篇就當係出發暫別篇 , 而旅遊期間相信都唔會寫網誌 , 

始終都係旅遊時旅遊嘛 , 爭取多D時間休息好過啦 .

頂多都係上網留意下香港新聞唶 .  ^^

OK ~ 寫住咁多先 , 依家睇電視 & 執野 , 

返黎香港仲有排寫 , 請呀 ! 

Bye Bye !

小小一個動作 , 可以好影響人 , 請三思 .




Hello !


依家時間係 2014年5月21日凌晨2:24 . 

用了幾近三個小時 , 終於將餘毒驅除 . 見到自己個網誌俾條 "孽畜" 佔舍 ,

(近排睇得 "西遊記" 多 , 鍾意叫D衰人做 "孽畜") 

真係有講唔出既唔舒服 , 所以谷盡在出門前都要攪掂佢 , 

希望聽晚返到屋企開電腦 , 唔會再見到所有留言都係垃圾 ,

(如果出到 "顯示字詞驗證" 呢招都頂唔順既話 , 我決定投降 , 以後都唔會再寫網誌)

果D垃圾留言 , 遍佈我每篇旅遊網誌 , 足足幾佰篇 , 

所以在短短三個小時裡 , 我重溫番每篇舊旅遊網誌 , 都叫做有D得著 .

而在每篇剷走垃圾留言既同時 , 發現只要按一按滑鼠 , 

就可以攪到人雞毛鴨血 , 即係話你隨意Click一Click , 

人地要花好多時間執你留低既 "蘇州屎" , 真係罪無可恕 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

唔 ~ 都夜喇 , 差唔多要訓覺 , 聽晚仲有一篇 "出發暫別篇" , 

寫完後日(星期四)就要晨早出發 .

Bye Bye !

2014/05/20

wuyuqun wu ~ 行開啦




Hello !


本篇網誌內容涉及不雅用語 , 敬請家長留意 .

~~~~~~~~~~~~~~~~~~~~~~~~~~~~~~~~~~~~~~

未開始之前 , 請容許我講句 : wuyuqun wu 正式仆街冚家剷黎架 .

尋晚打開網誌睇 , 個網誌俾人騎劫左 , 有成一佰幾十個垃圾留言 , 

全部都係 wuyuqun wu 呢條死剷 , 花左我個幾鐘頭 , 

先至全部剷除 , 今日一開網誌 , 更加有四佰幾個 , 

尋晚我已經將保安級別升級上 (擁有Google帳戶的使用者) .

之前係 (任何人 - 包括匿名使用者) . 難道要升到 (顯示字詞驗證) ? 

咁樣即係攬炒唶 , 非不得已我都唔想用呢招 .  >_< !!

 (  P.S. : 冇辦法 , 最終都係要用呢招 .  )

雖然我既網誌寫住 : 如果時間許可 , 請留番個言丫

不過D植入式廣告 , 就唔係咁歡迎喇 .

尋晚既感覺就好似間屋俾人淋紅油 , 今日既感覺就好似俾人老強 ,

真係唔得佢死 . 仲要撞到正我出發在即 , 本來仲有好幾篇網誌寫 , 

依家乜野心情都冇 , 仲要搵時間清楚門戶 , 唉 ...

其實呢度既瀏覽次數只係得四萬幾 , 人氣過我既大有人在 ,

何必偏偏選中我呢 ? 莫非我上世殺左佢全家 , 

今世有仇報仇 ? 認真黑仔 .  =_= !!

引用 "曾俊華" 既金句 : 行開啦 .

Bye Bye !

2014/05/18

2014預算景點大結局(十一)夕張篇




Hello !


唔記得之前有冇講過 , 黎緊呢個星期四 , 

即係5月22日 , 就係出發之日 , 今次呢篇 "預算景點篇" 係大結局 , 

因為最尾果日出機場 , 都冇乜訂方去 , 

倒不如一鋪過寫埋佢啦 .  ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~

上篇好似冇寫住邊間旅館 , 今次補番 , 就係 :

白金温泉 白金四季の森ホテル パークヒルズ


~~~~~~~~~~~~~~~~~~~~~~~~~~~~~~~~~~~~~~~~~~~~~~

解決埋第九日 , 依家由第十日開始講 , 食完早餐就出發 , 

第一個目的地係翻兜 青い池 , 因為上日去到可能黃昏 , 

既然呢個係重點行程 , 不妨睇多次早晨篇 , 睇過有乜唔同 .


之後就離開美瑛 , 去芦別市既道の駅 , 隔離有個大觀音像 , 

一於參觀埋佢 , 跟住係 金剛山展望台 ~ 三段滝 ~ 

再之後就係 桂沢湖 , 呢個湖好似冇觀光船 , 但係睇圖片 , 

見佢果度好似有隻 "哥斯拉" 響度 , 唔知係乜野黎呢 ?

唔通想玩 尼斯湖水怪 呢招黎招徠遊客 ??


遊畢 桂沢湖 , 下站就係 富良野芦別自然公園 , 

果度話就話 富良野 , 其實離開 富良野 好遠咯 , 隔離係一個湖 , 

順便參觀埋佢 , 之後都差唔多要進入 夕張地帶 , 

當然要參觀一下佢地 道の駅 啦 .

最後係 石炭博物館 , 攪掂都差唔多要往酒店 .

今晚既酒店係全程至貴 , 一晚要成 16200Yen , 真係骨罅都赤埋呀 .

就係佢喇 : ホテルマウントレースイ


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

同場加映第十一日 , 今日既任務就係往機場還車 , 

而亦係我第一次在機場還車 , 之前次次都係早一日還 , 

然後乘巴士出機場 , 不過都有小小時間走盞 , 

第一站就係千歲 "三文魚館" , 隔離有個 道の駅 , 可以一齊參觀 .

攪掂就冇架喇 , 臨還車前搵個油站入滿佢 , 跟手還埋車 ,

再搭順風巴出機場大堂等上機 , 返到香港就完成晒整個行程 .

Bye Bye !

2014/05/16

2014預算景點(十)美瑛篇




Hello !


上回講完 "富良野篇" , 今鋪當然係 "美瑛篇" 啦 .

離開旅館之後 , 第一個景點就係 : 千望峠駐車公園 ~

之後係 深山峠展望台 , 隔離有個美術館 , 順便可以參觀埋 .

攪掂就繼續上 美馬牛駅 ~ 新榮之丘展望公園 ~ 美馬牛小學 ~ 

四季彩之丘 ~ 拓真館 ~ 哲學之木 ~ 千代田之丘見晴台 ~ 

三疊之丘展望公園 ~ 美瑛駅 ~ 隔離既道之駅 ~

四季之塔 ~ 北西之丘展望公園 ~ Ken & Mary之木 ~ 

親子之木 ~ 之後係重頭戲 "青い池" .

如果有時間剩 , 仲可以參觀埋十勝岳展望台添 .  ^_^ !!

今次相片全部由 t先生 提供 , 特別嗚謝 !

~ 美瑛駅 ~ 


~ 北西之丘展望公園 ~ 


~ 呢度亦都係重點行程 ~


~ 亞斗夢之丘 ~


Bye Bye !

P.S. : 富良野最新賞花情報 !!


2014/05/14

2014預算景點(九)富良野篇




Hello !


經過星期日既火拼 , 大部份景點經已搵妥 , 

換言之呢個 "預約景點篇" 可以重新啟動 , 不過都係簡化版 , 

一切都長話短說 , 張就下啦 . haha ...

~~~~~~~~~~~~~~~~~~~~~~~~~~~~~~~~~~~~~~~~~~~~

好 ~ 言歸正傳 , 上回講到第七日尾段進入第八日 ,

當日離開 Tamamu 渡假村之後 , 第一個景點就係 "幾寅駅" .

呢度就遲利喇 , 唔知大家有冇睇過電影 "鐵道員" ,

戲中既 "幌舞駅" 就係呢個駅既場景 , 黎到呢度可以重溫一番 , 正 !

攪掂就過隔離 "道之駅" 南ふらの , 呢度已經進入 "富良野" 範圍 .

之後既景點 , 排名有分先後 , 一鋪過寫晒出黎 :

かなやま湖 ~ 樹海峠 ~ 富良野市博物館 ~ 富良野芝士工房 ~

富良野駅 (觀光中心) ~ ふらのワインハウス ~ レジャーガイド遊び屋 ~

(果個 遊び屋 , 聽講有熱氣球 , 經過純粹參觀 , 坐就咪攪)

中富良野駅 ~ 彩香の里 ~ 富田農場 .

富田農場D相 , 由 3J家庭 提供 , 特別嗚謝 !!


FARM TOMITA


嘩 ~ 好靚呀 !!


5月尾既 富田農場 會係點既呢 ?

希望唔會太過得人驚啦 .  =_= !!


攪掂 富田農場 之後就係 西中駅 , 夜晚住既旅館 , 

就在呢度隔離 , 叫做 : Spa & Hotel Resort ふらのラテール

有興趣可以 Click 入以下網址 :


今次旅館包早 & 晚餐 , 唔駛煩出去食乜 , 食完隔一陣就浸溫泉 .

不過往酒店之前仲有D景點要解決埋佢 , 就係 :

上富良野駅 ~ 上富良野神社 ~ 日の出公園 .

攪掂埋先至往旅館 Check in , 第八日就係咁上下 .

Bye Bye !

2014/05/12

KATIUSHA H3000Plus mp3播放器(開箱文)




Hello !


經過尋日連場火拼 , 終於都攪掂晒大部份景點 , 

上篇話爛尾既 "2014預算景點篇" , 可以繼續執行 .

如果唔係必要過必要 , 我都唔想爛尾 , 有始就要有終嘛 .

只要的起心肝 , 乜野都攪得掂既 . haha ...

星期三晚就可以更新 . Yeah !!

~~~~~~~~~~~~~~~~~~~~~~~~~~~~~~~~~~~~~~~~~~~

今次呢篇黎個產品介紹 , 今日行過 "黃金商場" , 

見到個 mp3 播放器幾型仔 , 價錢亦唔貴 , 

只係 $268.00 (冇藍芽果隻) 一於入貨 .

就係佢喇 , 長條型 , 夠特別 !


拆開個盒 , 充滿裝雞蛋盒 Feel .  ^^


打開個蓋 , 見到佢真身 . (說明書 & 線在下面)


裡面有 AUX 線 , USB充電線 , 遙控器 , 說明書 .

仲有一舊電 , 入左落部機度 .


求其插隻手指落去試刀 , 音質都唔錯 , 

$268.00 呢個價錢 , 算係咁咯 , 一於帶埋佢去 "北海道" .


Bye Bye ! 

2014/05/11

2014預算景點(八)爛尾收場篇




Hello !


今晚係 2013 至 2014年度英超球季煞科日 , 

一切恩恩怨怨都盡在今晚解決 , 之後就要展望下個球季 . 

當然6月仲有世界盃大戰啦 , 講開世界盃 , 早日睇新聞 , 

話佢地D足球場都仲未起好 , 即使起好 , 

交通配套都係好唔掂果隻 , 希望唔會爛尾收場啦 . 

(好彩我唔係果D狂熱到要飛去睇現場既球迷啫)  =_= !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

而講開爛尾 , 今次既預算景點篇 , 都係爛尾收場 , 

即係寫到第七日就大結局 , 點解呢 ?

皆因打後既景點 , 集中在 "富良野" & "美瑛" , 

全部都雜亂無章 , 唔好話搵 , 就算係寫到有排寫 , 

距離出發日仲有十日多小小 , 到依家都仲未搵得齊 , 

星期一至五又好多電視睇 , 基本上冇乜心機搵料 , 

所以寫完呢篇之後 , 又要繼續搵 , 

冇時間同呢輯 "預算景點篇" 埋尾 .

唔緊要啦 , 返到黎再完完全全咁黎個詳細匯報咪仲正 .

不過大家預左當長篇劇咁黎睇喎 , 可能寫到下次出門都未定 .   ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

旅遊天書 ~ 富良野篇 !!


另外仲有一個任務 , 就係將用爛紙寫落既電話 & MC , 

好有系統咁抄落個新 File 夾果度 .

左邊黃色果個係一直用開 , 睇都睇到厭 , 

今次買個白色新 File 夾 , 係咪好醒神呢 ?  XD


攪掂 ~ 又要繼續搵料及搬字過紙 .

Bye Bye !

P.S. : 另外聽聞 "富良野" & "美瑛" 果頭好多捉快車 ,

我諗我知道點解 , 因為由 Tamamu 渡假村直接駛往富良野果頭 ,

只需個半小時 , 由富良野駛往美瑛 , 更加係45分鐘左右 .

咁短既路程 , 若然仲要快車 , 有D走馬看花Feel .

所以佢地用心良苦 , 特登捉多D快車 , 等習慣快車既港人 ,

可以慢慢地駕駛 , 欣賞沿途風景 .

呢著真係妙呀 , 佩服 !

2014/05/08

壽司之神




Hello !


近排掛住寫旅遊料 , 好似好耐冇寫過新聞 , 今晚一於整番篇 .

今日頭條 : 刁蠻華女大鬧壽司之神分店 ...


早排咪寫過篇關於 "內地同胞" 既網誌 , 

內容話佢地既胡作非為 , 並唔係衝住 "香港" 而黎 , 

去到世界各地都盡顯強國風範 , 今次呢單發生在 "日本" .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

話說呢位林姓女子 , 2009年到 "日本" 留學 , 就讀日本大學

藝術學部電影學系 , 上月在微博數臭有 "壽司之神" 之稱

小野二郎之子所開始既 "數寄屋橋次郎壽司店" .

詳細內容就唔講喇 , 總之都係D無理取鬧野咁啦 .

微博公開後 , 網民有讚有彈 , 至於我咯喎 , 當然係企 "壽司之神" 果邊啦 , 

雖知堂堂一店之長都要搲爛塊面黎同對方理論 , 可想而知辣到佢有幾慶 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

講開壽司店 , 呢間 "數寄屋橋次郎壽司店" 我就無緣幫襯 , 

築地既 "壽司大" , 倒有幸幫襯過一次 , 果個 "旬魚" 套餐 , 

至到家陣都仲回味緊 , 頭果10件就唔在講 , 

就算係最尾果個蒸蛋壽司 , 都令人津津樂道 .  ^^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

呢單料唔知 "日本" 方面有冇報導呢 ? 如果有既話 , 

我都想睇下佢地既詳情 , コーさん兄搵料就最堅 , 

若然搵到既話 , 請通知我一聲 . Thx !!

Bye Bye !

2014/05/05

2014預算景點(七)Bear Mt篇




Hello !


近日好鬼死忙 , 星期六 & 日 又要睇足球 , 

不過玩埋本星期日就結束呢個球季 , 至於 "車仔" , 真係唔好提 ...

~~~~~~~~~~~~~~~~~~~~~~~~~~~~~~~~~~~~~~~~~~~~

講到搵料 , 早日上 "黑岳纜車網" , 裡面好似話停駛 , 

即係話只可以上一程 , 之後兜型果程好似停駛 , (5月07日 -- 5月29日) 

唔知係咪呢 ? 希望我理解錯啦 , 否則都幾可惜 .  >_< !!

今次相片大部份由 3J家庭 提供 , 特別鳴謝 !!

~ 黑岳纜車 ~ 


連接番 "黑岳" 纜車 , 下一站係附近既 "小函" , 

呢度有幾個景點 , 包括有 : 銀河の滝 & 流星の滝 .


流星の滝 ...


對面仲有個 "雙瀑台 , 之後再行落小小就係 "大函" .

又係D睇瀑布既地方咁啦 .

~~~~~~~~~~~~~~~~~~~~~~~~~~~~~~~~~~~~~~~~~~~

再攪掂就上車 , 沿路南下將會見到 "大雪湖" .

之後係 "三国峠" , 講開 "三国峠" , 好多地方都有架 , 並非層雲峽特產 .

再繼續落去就到 "糠平湖" , 呢個湖都幾大 , 要分幾個地方參觀 .

跟住就到分叉路 , 如果 "然別湖" 冇封路就去果度 , 

若然封路就要兜另一邊 , 點都要有兩手準備 .

另一邊就係 "上士幌氣球公園" , 果度2011年雪駕遊曾經經過 , 

當時乜都冇 , 得雪地一片 , 今年會點呢 ? (不過要 "然別湖" 封路先去呢度)

最後就係今日既重中之重 , Bear Mt . http://www.bear-mt.jp/

相片由網頁提供 .


參觀完都差唔多要往酒店 , 之前介紹過 , 當晚入住 ,

星野リゾート トマム (旧アルファリゾート・トマム)


呢度好多 Blog友都入住過 , 無需多介紹啦 . 

今晚講住咁多先 , 搵日再講過 . 

Bye Bye !

2014/05/02

天然温泉やすらぎの湯 北のたまゆら桑園




Hello !


今次網誌本來星期日先寫 , 不過尋晚搵到好料 , 

急不及待即刻出番篇 .  ^^

不過未開始之前 , 講番尋晚小小野 , 根據 Blog友 jokelib 透露 , 

原來 Toyota 86 唔係入 レギュラー , 而係入 ハイオク .

呢樣唔講真係唔知 , 雖然今年並唔係租 86 , 不過一向認定 86

係入 レギュラー , 好彩依家知道咋 , 萬一入錯油就麻煩 .  XD

(P.S. : 經Blog友 コーさん 解釋後 , 原來兩種油都互通 , 嚇得我丫)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

OK ~ 講番正題 , 早幾篇既 "預算景點" 咪話由 "積丹岬" 果頭

返回 "札幌" 之後 , 晚餐食乜呢 ? 經各界Blog友介紹之後 , 

本來諗住幫襯 "根室花" 既姊妹店 町のすし家 四季 花まる .

不過依家改左咯 , 因為搵到D好野 ...

預算當日回到 "札幌" 約莫 P.M.5:30左右 , 擺好部車 Check in 後 , 

即刻搭 JR 去 "桑園駅" , 上面有間叫做 : 



果度類似係錢湯既浴場 , 不過又高級小小 , 

呢D地方我就至鍾意 , 俾小小錢 (420Yen)就可以浸到啊媽都唔認得 , 

實在係抵到爛 , "札幌" 果晚酒店並無浴場 , 呢度可以話係合晒何車 .  ^^

~~~~~~~~~~~~~~~~~~~~~~~~~~~~~~~~~~~~~~~~~~~~~~~

浸完之後順便在呢度食埋晚飯 , 唔知大家覺唔覺 , 

我就好鬼覺 , 浸完溫泉之後 , 零舍好胃口 , 就算D食物好普通 , 

都會覺得好正 , 至於點解唔駛埋部車去 , 攪掂先返酒店呢 ?

因為要飲啤酒嘛 , 所以搭 JR過去 , 咁就冇有怕啦 . 

~~~~~~~~~~~~~~~~~~~~~~~~~~~~~~~~~~~~~~~~~~~~~~~

最後講番呢間 "天然溫泉" , 係集團式經營 , 

有好多間分店 , 詳細可以 Click 入下列網頁 .


雖然唔知係咪真正溫泉水 , 不過有得浸都好過癮 .

Bye Bye !

2014/05/01

2014預算所需物品




Hello !


今日係 5.1 勞動節假期 , 首先祝大家 "勞動節" 快樂 .

今次本來又想寫 "預算景點篇" , 奈何仲未攪掂 . 

(即使今日假期 , 只係搵到些小咋 , 等多幾日先至得) 

唯有搵 "預算所需物品篇" 黎頂住檔先啦 .  ^^

首先左邊係 "念慈菴" 川貝枇杷膏旅行裝 ,

果度天氣咁乾燥 , 點都要帶番D滋潤野 , 唔係好易火山爆發 .

右邊係 "九製陳皮" , 試過其他野 , 始終都係呢味最適合 . 


跟住就係行山拐杖 & 勞工手襪 .

手襪之前介紹過 , 至於行山拐杖咯喎 ~ 其實都唔知今次冇乜野行 , 

不過係咪都帶埋去 , 總好過要起上黎冇得用 .


再跟住就係餅乾 & 貓糧 , 後者介紹過啦 , 

餅乾就係海鷗既至愛 , 其實佢地乜野都食架啦 . XD


再黎就係水壺 & mp3播放機 , 

正常既情況下 , 飲熱野始終都好過飲凍野 , 

有D酒店有水煲 , 臨出發前煲定壺水 , 沿途都有熱野飲 , 

啤酒汽水就冇得好講啦 , 一定要飲凍既 , 越凍就越正 .

mp3播放機上次出門都帶過 , 長途車有佢 , 易過好多 .


最後就係入油紙 , 左邊果張係平時用開 , 

今次換過張新既 "日文版" , 希望佢地睇得明啦 .


同場加映 Asahi 啤酒一箱 , 呢樣與旅遊無關 , 

買定一箱黎睇門口 , 返到黎 "香港" 即時打開雪櫃就OK .


今次就介紹住咁多先啦 , 遲D可能仲有 .  ^^

Bye Bye !

星期日見 ~