Hello !
雖然我既日本旅遊暫時告吹 , 不過都經常留意日本料 .
今次搵到幾單分享一下 , 如果有Blog友路經既話 ,
請通知聲 , 等我上你果度參考參考 . ^^
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
首先第一單 : 特別居民 ~ 哥斯拉 .
哥斯拉 ~ 日文叫 : ゴジラ , 風行日本都成幾十年 ,
美國電影都拍過兩套 , 不過造型攪到不倫不類 , 始終不及日本版順眼 .
東京市政府為左帶動旅遊業 , 特登搵佢黎做形象大使 ,
為左隆重其事 , 更在電影公司新宿東寶大樓8樓戶外露台 ,
設置一個巨型頭像 , 遊客從地下望上去 ,
十足十見到哥斯拉在攪破壞 , 都咪話唔攪鬼 .
而地址就在大家熟晒路既歌舞伎町附近 , 唔駛驚搵佢唔到 .
邊位Blog友有機會去開新宿果頭 , 記得參觀埋佢呀 ,
返到黎請通知聲 , 等我都可以一睹佢既風采 .
如果想詳細D , 請Click入佢個官網 :
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
攪掂呢單 , 輪到下一單 : 日多處古蹟遭惡意噴污 .
呢一單唔駛多講 , D人真係衰到冇朋友 .
究竟係當地人做 ? 還是外國人呢 ? 以我估計後者機會高好多 .
點解要咁做喎 ? 如果因為當年俾佢侵略過既國家後所為 , 件事隔左都幾十年 ,
乜都煙消雲散 , 況且冤有頭 ~ 債有主 , 咁樣破壞人地古蹟 ,
並唔係乜野英雄所為 , 如果真係想為國爭光 , 不如學民建聯 Tree根 話齋 ,
趁日元低水 , 去日本豪一豪 , 睇下櫻花咪算囉 . haha ...
Bye Bye !
manwai 姐: 點可以唔分享一下
回覆刪除嫌嘥米飯, 日本「屠殺」吉祥物
哦 ~ 果一單呀 , 仲未有靈感 , 得閒先至寫啦 . XD
刪除