Hello !
自早幾日ANA藍天假期套餐價目表出左之後 ,
一直在腦交戰 , 究竟做生不如做熟繼續幫襯佢 ?
還是試下轉會改乘 LCC (低成本航空公司) ?
其實我既要求好簡單 , 只要佢準時起飛 , 準時降落 ,
係乜野航空公司或者乜野型號飛機根本就唔重要 ,
正如Blog友 Nerissa 所講 : LCC乃係大勢所趨 ,
咁就一於搏一搏 , 將今個農曆年檔期既命運交晒俾佢 ,
既然落實就訂位咯喎 , 又正如Blog友 3J家庭 所講 :
係就要早D Book,遲D有錢都未必有位 .
咁就上Jetstar既網頁度揀日期 , 呢個檔期都唔錯喎 .
第一程凌晨機 香港往新千歲 , 加埋轉機時間要成12個小時 ,
去到當地係 A.M.9:55 , 相信好大機會在機場攞車 .
2月正值大雪天時 , 淨係件大褸都唔小野 ,
加錢 20公斤托運行李組合 .
繼續之後就入到呢個頁面 , 暫時未係佢會員 .
輸入乘客詳細資料 , 名字千祈唔好打錯 .
您是否需要特別協助 ? 另外仲有點數 ~ 里數或機上禮券 .
20KG托運 , 相信夠喇掛 ?
再填多次個人資料 , 冇難度丫 .
加入我的捷星 , 入就入啦 , 只需自設密碼就OK .
機上禮券 , 聽講機上就算飲滴水都要俾錢 ,
兼冇免費飛機餐 , 預左架啦 .
順便講埋 , 填表時佢有時間限制 , 不過填唔切都可以叫佢補時 .
攪掂就揀座位 , 大把位任你揀 , 我鍾意通道位 .
內陸機果程都係任你揀 .
之後就係俾錢 , 輸入信用咭姓名及咭既到期日 ,
仲有咭背後既3個位數目字 . (呢度唔影出黎咯)
最後完成整個交易過程 , 佢會Send 個 Email去你郵箱 ,
只要印果張紙出黎就OK . 我諗係掛 ? XD
另外有D行李Size尺寸咁啦 .
呢Part叫做攪掂 , 其他果D可以慢慢黎 .
Bye Bye !
all in! show hand ^^
回覆刪除直情係曬冷 . haha ...
刪除我暫時都未試過搭廉航。
回覆刪除我都係第一次咋 , 一生總有第一次嘛 . ^^
刪除我既第一次廉航未知幾時出現。
刪除忠告: 好似我咁嘅亞伯盡量不要坐廉航 :D
刪除1733 : 你有足夠既經濟能力 , 又何必攞苦黎辛呢 . XD
刪除t : 此話怎解 ?
刪除你咁睇得起我?
刪除1733 : 最低限度你都有部車丫 , 點都勁過我多多聲 . (香港地養部車都唔簡單架)
刪除好多 blog友已經轉咗搭LCC,是但去一度都有經驗分享,尤其係コーさん簡直就係 expert!
回覆刪除=_=
刪除LCC 你當坐巴士咁啦。最好申請一張可入lounge的信用咭,食飽就上機大覺瞓。
廉航只坐過hk express, 暫時都好滿意
刪除Nerissa : 我諗真係正如你所謂既 : 大勢所趨 . ^^
刪除所以我諗想試一試 LCC , 希望唔好令我失望啦
コーさん : 當巴士 ? 唔會有企位掛 ? haha ... (爛gag) XD
刪除Ivy : 咁有冇試過旺季坐佢呀 ?
刪除我上次就係掉轉咗打姓同名,打去CS問可唔可以改,佢話只要冇串錯字就得,唔使改。
回覆刪除好彩咁樣都接受 , 正因為咁 , 所以先要好小心咁輸入 .
刪除加加埋埋最後張機票幾錢
回覆刪除我諗小姐不是用上面個畫面價錢買嘅。
刪除コーさん : 好 ! 又要再講多次 : 知我者 , 莫約コーさん你 .
刪除的而且確唔係用上面既價錢黎訂票 , 上面果D畫面只供參考 .
3J 家庭 : 其實我只要買左去果程 , 即係 香港往大阪 , 大阪上新千歲果程 ,
刪除加埋20KG附加費 , $3640.00 至於返港果程 , 由於暫時未諗到行程係點 ,
仲有時間選擇 , 返黎果陣過晒假期 , 選擇多好多 . ^^
呢啲就係LCC既彈性。
刪除Nerissa : 四程機可以分拆黎買 , 著著都機關算盡 , 都幾過癮架 . haha ...
刪除有時仲可以吼佢地做 promote 至出擊添 XD
刪除Nerissa : 如果玩特價出擊 , 相信要隨時有假既人先至得 .
刪除我呢類就唔多適合咯 . >_< !!
同意man wai所講,我哋依D要返工嘅唔係隨時可以放得假,所以未必可以享用到優惠
刪除我宜家都未坐過廉航,不過都唔抗拒,有機會都會試下
自問已經無得返轉頭, 我有空間乜乜症.
刪除另外 Man Wai 記得買份有咁貴得咁貴的旅遊保險喇......
咁啦,最抵係搶$100樓下UO機票,再加$160買sweet seat,咁就係類似Premium Econ空間。^_^
刪除3J 家庭 : 今次返黎之後 , 除左寫正式旅遊網誌之外 , 仲要寫埋廉航心路歷程
刪除jokelib : 買保險 ? 仲要買有咁貴得咁貴果隻 ? 人壽定航班行李延誤先 ?
刪除唔好嚇我喎 , 我唔係好嚇得架咋 . XD
コーさん : 咁抵玩 , 梗係搶到飛起架啦 , 幾時輪到我丫 . =_= !!
刪除好明顯係嚇你啦
刪除不過記住冬天要多幾個 backup plan.
jokelib : 好彩 ~ 真係俾你嚇親架 . ^^
刪除backup plan 呢樣野 , 盡量啦 . =_= !!