Hello !
睇番上果篇網誌 , 距今已經兩個多月 , 其實經常都想整番篇 ,
不過每到執鍵盤之時 , 都會話 : "聽日先啦" ... 跟住就不了了之 . >_< !!
所以襯今日假期 , 點都要谷盡整番篇 , 否則真係對唔住大家 .
未開始主題之前 , 先講近況 , 近況就離唔開一個愁字咁啦 ,
之前既社會事件 , 令到公司生意一落千丈 , 跟住輪到疫情 , 生意簡直係直插谷底 ,
類似果D寒冬 , 冰河時期既字眼 , 媒體上都聽埋唔小 .
直至到早幾日 , 終於見番D曙光 , 就係早排申請左果個 "零售業防疫抗疫基金" 有回音喇 ,
好小收到電郵會 "Yeah" 咁叫出黎 , 皆因今次呢畢真係救命錢黎架 ,
雖然唔係乜野天文數字 , 不過捱得一陣得一陣啦 , 以後既事冇人知 ,
所謂明天會更好 , 呢個世界永遠都會有人慘過你 ,
向好果邊諗 , 點都好過向壞果邊諗 . ^_^ !!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
至於旅遊一事 , 短期之內都要Hold住先 , 因為日本果邊仲大劑 ,
全國正值緊急狀態之中 , 5月黃金假期 , 奧運等大項目都要取消及延期 ,
相信要段長時間先至可以復完 , 大家都休生養息中 .
放心 , 只要一有聲氣 , 一定會通知大家 , 我D車癮及旅遊網誌癮 ,
都忍得好辛苦架 , 期待好消息啦 .
Bye Bye !
今年睇怕大家都吾使去旅行啦,大家要忍忍,但香港零售業就更加難想像會迅速復甦,可能要慢慢。
回覆刪除冇辦法啦 , 彼此也在捱嘛 .
刪除man wai,大家努力,加油呀!
回覆刪除全港都要努力 , 一齊加油 , 頂硬上 . XD
刪除👍
刪除多謝支持 . ^^
刪除小姐原來係事頭婆😱
回覆刪除小生意啫 , 正式係黃腫腳 ~ 不消提 . XD
刪除好耐無來 哈個老先 HELLO
回覆刪除呢個時間做生意真系好慘 希望大家都崖過呢關啦 加油
我今年都吾會去日本先啦 呢幾日東西都上番成100個個案.....唉
Hello ! 係呀 ~ 好耐冇見 , 別來無恙嘛 . ^_^ !!
刪除除非個別行業 , 否則真係淡到啊媽都唔認得呀 .haha ...
去旅行真係唔好諗住咯 , 個疫情正式係欲斷難斷 , 今次又黎本地感染 ,
唉 ~ 就算你攪掂 , 人地都未掂 , 點解咁難斷尾架 .