Hello !
一別數周 , 今日又黎過 , 而話題離唔開疫情與檢測 ...
上篇咪話住果座大廈要強制性檢測既 , 點知今個星期 , 連做野果度都要強檢 ,
一中就中個孖寶 , 都算係唔好彩 , 不過唔駛被封街強檢 , 都未算最黑 .
於是乎去 楓樹街 球場度做強檢 , 今次同上次唔同 , 有成百幾人排隊 ,
(現場唔俾影相 , 否則必定上載番幾張俾大家睇下實況 , 可惜)
由於果日都幾猛太陽 , 又冇帶定雨遮 , 結果曬足粒幾鐘先至攪掂 ,
真係做多多美白都補唔番 , >_< !! 隔日之後有結果 ~ 陰性 , 咁都好D
登記果陣話係強制檢測地帶 , 附送漂白水一支 , 多謝晒喎 .
其他自願檢測既人冇得送架 , 現場只有三幾個有漂白水 , 包括我在內 .
隔左幾日行過球場 , 咦 ~ 冇乜人做檢測既 ?
同早幾日賓墟咁既場面相差甚遠 , 橫掂我做野果度屬於高危地帶 ,
不如檢測多一次 , 要多支漂白水都唔錯丫 . ^_^ !!
之不過今次唔係送漂白水 , 而係送口罩一盒 , 真係估佢唔到 .
一盒50個 , 加埋上次支漂白水 , 呢個政府都算唔話得 .
講完檢測就講其他野 , 去日本一事就冇限期柙後 ,
今日在日本城見到有青森蘋果汁賣 , 咁就整番支黎頂住癮 .
35.00/支 , 當去左日本 , 都唔錯架 . haha ...
再加一粒冰 .
飲杯 .
Bye Bye !
個隻蘋果汁我在青森飲過好飲呀,日本城有得賣等我去入貨先﹗
回覆刪除唔錯架 , 幾好飲 , 不過唔知係咪間間日本城都有返貨 ?
刪除依家既日本城 , 多左好多其他野賣 , 以前淨係賣家庭用品 .
我做幾次都係自願檢測,係第一次有口罩派。有時經過球場見冇人排隊咪去做檢測囉,始終自己日日都有出街,有時仲要去探下老人家,做多d檢測都係為己為人。
回覆刪除如果唔駛排長龍 , 不妨做多幾次檢測 , 就算冇野送都係咁話 .
刪除況且免費嘛 , 聽講台灣每次收5000-7000台幣費用 , 都幾貴下 .