Hello !
今晚冇 "英超聯" 賽事 , 剩番D盃仔賽 , 不如寫番篇網誌好過 .
寫乜野主題呢 ? 就寫近排睇完及睇緊既兩套劇啦 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~
首先第一套係電影 "127小時" , 呢套電影上映已經多時 .
在 "有線" HMC台亦都做左好耐 , 一直收錄在我既硬碟錄影機裡面 ,
近日終於的起心肝睇埋佢 , 雖然已經知道晒劇情既來龍去脈 ,
不過睇起上黎依然緊張 , 亦都戥佢心寒 . =_= !!
以前聽人講睇完 "大白鯊" 唔敢去海灘游水 ,
咁睇完 "127小時" , 可能唔敢一個人去旅行 . >_< !!
而我就至鍾意一個人去旅行 , 仲係鍾意捐窿捐罅果隻 ,
大吉利是起上黎好似主角咁 , 真係邊度都唔駛去 . haha ...
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
另外介紹呢套 , 叫做 "越空仁醫" , 即係 "韓版" 仁醫 .
究竟 "韓國" 方面有冇俾版費 "日本" ? 咁就不得而知 .
不過段估都唔會好似 TVB 咁無恥 , 明抄人地套 "神探伽俐略" .
講番呢套劇 , 逢星期日P.M.11:00在高清台播兩集 , 已經做左一半 .
依家逢星期1-5都同屋企人一齊煲 , 錄起黎慢慢睇 . ^^
雖然同 "日版" 一樣 , 講個醫生返回古代同歷史人物醫病及做手術 .
(我始終認為唔多Work , 因為在現代做手術 , 即使設備齊全 ,
亦都唔係十拿九穩 , 隨時細菌感染 , 不過聽古就唔好駁古咁話啦)
但係劇情方面就略有出入 , 我個人認為 "韓版" 比較好睇 .
除了衣著及人物靚D之外 , 劇情編排亦優勝D .
所以未等 TVB 高清台播放完 , 我已經上內地網睇晒成套劇 .
如果有時間既話 , 大家都可以一睇 , 冇介紹錯架 .
Bye Bye !
佢好似有俾版權原著漫画。
回覆刪除咁就差唔多 , 如果唔係既話 ,
刪除好似老馮抄人 , 同我地 "強國" 豈非一樣 . ^^
以科學角度去睇就唔 work, 前因後果係相對, 即係幾百年前某某已洗用過X光咁就唔洗等居理夫人呆居居用自己條命去搏, 又簡單果句如果上期有人中六合彩咁呢期就唔會出現多寶獎
刪除咁講都好有道理 , 都係用果句黎講啦 , "聽古唔好駁古" . haha ...
刪除嘻嘻, 所以呢D戲係女人睇, 因為只係想睇靚仔 ^^
刪除唔係丫 , 女角都OK架 , 靚仔靚女 , 共冶一爐 . XD
刪除睇完大白鯊唔敢去海灘游水, 好似無咁誇張啩, 我地班細佬己前住黃大仙夏天一放假成日都行去彩虹坐91單層巴士去大清游水. 反而果時喺麗宮睇呢套戲就大部分時間係合埋對眼睇 :)
回覆刪除係咪因為合埋眼睇所以先唔知驚 . haha ... (講笑)
刪除我睇錄影帶果陣都覺得好緊張喎 .
大白鯊一到緊張鏡頭就有詭異音樂出現即係要呢埋對眼仔時間 :)
刪除如果唔係船長谷壞副偈既話 , 都未必有咁險 . =_= !!
刪除細個時睇覺得最恐怖係架爛艇個㝫有個人頭飄出黎果幕, 凱聲播果時, 仲有大白鯊紀念品賣, 我大哥都買左條成十吋軟膠大白鯊比我, 我仲帶埋佢去游泳游水 ^^
刪除帶埋D軟膠大白鯊去游水 , 咁都得 ?
刪除笑死人 , haha ...
小姐, 咁你細個沖涼有無攞理公仔去玩 ^^
刪除老老實實 , 真係唔係好記得 , 不過印象中就冇喇 . ^_< !!
刪除