Hello !
仲有三幾日就係農曆新年 , 呢篇相信都係歲晚收爐篇 .
(因為今明兩晚都有 "英超聯賽" , 淨係錄影都有排睇) ^^
首先同大家拜個早年 , 祝大家花開富貴 , 如意吉祥 ,
龍馬精神 , 橫財就手 , 出入平安 , 恭喜 !!
~~~~~~~~~~~~~~~~~~~~~~~~~~~~~~~~~~~~~~~~~~~
好 ~ 輪到講主題 , 今次既主題叫做 : 因幡之白兔 .
咁乜野叫做 "因幡之白兔" 呢 ? 我都係呢幾日內先聽過 ,
皆因早幾日睇日劇 "Doctor X" , 劇裡面有講及 ,
於是上網搵料 , 睇下佢係乜東東 .
原來係一個日本既童話故事 , 傳到現代亦有警世作用 .
內容係講有隻白兔想過對面岸 , 但係相距實在太遠 ,
於是白兔問鯊魚 , 問誰的親戚比較多 ? 鯊魚話梗係我地多D ,
於是Call齊一眾親朋戚友一字排開 .
於是白兔問鯊魚 , 問誰的親戚比較多 ? 鯊魚話梗係我地多D ,
於是Call齊一眾親朋戚友一字排開 .
白兔亦老實不客氣 , 踩住佢地過對面岸 , 差唔多埋岸時 ,
一時得意忘形 , 踢爆自己既詭計 , 鯊魚們老羞成怒 ,
咬到隻白兔啊媽都唔認得 , 後來白兔又被眾神整蠱 ,
教佢錯既療傷方法 , 結果痛上加痛 .
一時得意忘形 , 踢爆自己既詭計 , 鯊魚們老羞成怒 ,
咬到隻白兔啊媽都唔認得 , 後來白兔又被眾神整蠱 ,
教佢錯既療傷方法 , 結果痛上加痛 .
最後 "大穴牟遲神" 傳授佢正確療傷方法 , 咁先救番小命一條 .
~~~~~~~~~~~~~~~~~~~~~~~~~~~~~~~~~~~~~~~~~~~~~
呢個故事教訓我地 , 要呃人既話就要呃一世 , 千祈咪鬼拍後尾枕 .
至於案發現場 , 就在 "日本" 既鳥取縣鳥取市附近 .
有晒石像及典故 .
講開 "鳥取" 呢個地方 , 其實我都想去 , 果度既 "境港市" ,
係 "鬼太郎" 既故鄉 , 附近既街道 , 都會見到佢既蹤影 .
不過今年既配額俾左 "北海道" , 所以遲D先諗佢 .
最後 ~ 在 Youtube 搵到條短片 , 好攪鬼架 , 有時間可以一睇 .
Bye Bye !
馬年再見 .
新年進步!萬事如意!步步高陞!
回覆刪除好 ~ 大家咁話 , 新年快樂 , 身體健康 . Yeah !!
刪除個故事真係敎人“呃人呃一世”,咁堅?
回覆刪除個個人解讀都唔同 , 我就領悟到呢樣 ,
刪除可能其他人有唔同見解 . XD
各位弟兄姊妹,
回覆刪除http://www.youtube.com/watch?v=7sTMpb424Dw
1977 ? 果然歷史悠久 , 多謝晒 . ^^
刪除唔知點解果時過年氣氛特別熱鬧, 唔講唔知, 已前細個去過大磡村買炮仗同穿雲箭 ^^
刪除以前乜都無,得過年同中秋可以玩,當然熱鬧。
刪除依家因為商業promotion,每個月都有“節日”活動,又有回雞國慶。
現在小姐現居附近即係已前我地嘅軍火庫 ^^
刪除我都同意 コーさん 既講法 , 依家D小朋友過年 ,
刪除都掛住玩板腦 , 相信都冇乜過年氣氛 . >_< !!
t : 大磡村果頭想起插針式公屋 ,
刪除星河明居業主真係唔得佢死 . 反對 !!
大磡村,我淨係諗起陳果套戲「香港有個荷里活」。
刪除我未睇過添 . =_= !!
刪除係你屋企拍架。^_^
刪除小姐祝你今年財源滾滾,青春常駐!(^_^)
回覆刪除多謝晒 , 大家咁話 , 再祝你龍馬精神 , 大吉大利 . ^^
刪除新年快樂,祝你今年搵多D,去多次日本,年年都咁靚哈哈
回覆刪除我由年三十發燒到初二先好D炸
你今年目標都會係北海道嗎,我上年沒去今年希望去東北呢
Hello ~ 恭喜發財 , 今年搵多D , 大家咁話 . ^_^ !!
刪除發燒 ? 保重喎 , 新年流流 , 有冇睇醫生呀 ?
今年好大機會去 "北海道" , 你去 "東北" , 好丫 , 果度唔錯架 ,
祝大家都順順利利 , 開開心心 .