2014北海道11天自駕遊D3-7登別熊牧場篇B

(因為記憶咭遺失左 , 所以暫時冇相睇 , 遲D會接續番)


Hello !

上回講到到達 "登別熊牧場" , 正在乘搭纜車 ...

話咁快就到達山上 , 其實呢度大把Blog友黎過 , 都唔駛多介紹 ,

倒不如講下感受仲黎得實際 , 今次如果係第一次黎呢個熊牧場既話 , 

真係會覺得俾佢 "搵笨實" , 首先 "賽鴨場" 冇開檔 , 呢樣都係其次 .

因為就算有開檔都未必會投注 , 最重要係D "棕熊" , 

場裡面得果小貓三幾隻 , 仲要係死蛇爛鱔果隻 , 冇黎火氣 , 

同 "洞爺湖" 果D為左要蘋果 , 三叩首絕招都出埋既情況 , 

簡直差天共地 , 我諗呢度都要去 "知床" 果邊班馬至得 , 

再係咁落去 , 真係搵鬼幫襯咩 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

不過值得慶幸既係 , 上次黎睇唔到既 "俱多樂湖" , 今次可以一覽無遺 .

在 "展望台" 觀完湖之後 , 順便落下層食堂攪掂埋個午餐 , 

今次求其叫個咖哩肉餅飯 , 再加支可樂 , 咁又一餐 .

正所謂好又一餐 , 唔好又一餐 , 就係咁解 .  XD

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

之後再行下 "熊出沒注意" 商店 , 不過冇乜野合適 .

最後 ~ 落斜路果個民族村都冇參觀 , 因為上次睇過 .

攪掂就搭纜車落山 , 正式結束 "登別" 既行程 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

之前網誌 "預算景點篇" 咪話去果個 "八雲町育成牧場" 既 .

但係時間唔多容許喎 , 因為由 "登別" 直踩落 "大沼" , 

都要相當時間 , 去到仲要搭觀光船 , 所以都係直接去 "大沼" 好D .

呢個牧場都係遲D先至去 , 一於就咁決定 , 上高速公路去 "大沼" .

聽日見 . Bye Bye !

如果冇相又好似好寡 , 不如睇片咯 , 往 "大沼" 途中 ...