2014北海道11天自駕遊D4-4道の駅名水の郷きょうごく篇

(因為記憶咭遺失左 , 所以暫時冇相睇 , 遲D會接續番)

Hello !

上回講到參觀完 "駝鳥場" , 依依不捨地離開 .

跟住去 "道の駅" 名水の郷きょうごく .

如果 "羊蹄山" 係中央 , "駝鳥場" 係8點鐘位 , 咁跟住去呢個 "道の駅" , 

就係2點鐘位 , 正式係打對台 , 雖然係咁 ~ 不過車程都唔算太遠 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

話咁快就到達 , 之前有冇講過 , 當日係星期日 , 

呢個名水之鄉道の駅 , 可謂人氣十足 , 未正式入去 , 停車場已經有員工在外指揮交通 , 

都咪話唔誇張 . 擺好部車行入去 , 見到攤檔外有帶子BBQ等小食 , 正呀 !!

之後落去名水之鄉 , Wow ~ 果然小橋流水 , 到處水聲潺潺 . (見圖)

相裡面既後面 , 仲有好大地方架 .

左手邊果度 , 有好多人拎埋水樽黎裝水 , 真係咁名水 ?

咁就不得而知 , 皆因未經煮沸既溪水 , 我就唔夠膽就咁裝黎飲喇 .

呢度除左小型瀑布多之外 , 仲有好多一家大細黎參觀 , 好溫馨既呢 .  ^^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

攪掂呢度之後 , 即刻趕下場 , 就係 "有島紀念館" , 

其實呢個館紀念D乜 ? 真係唔係好清楚 , 不過旅遊天書介紹到而又順路 , 

即管又去睇睇 , 去到只係在門口影相 , 冇入到去 , 

因為入館有料 , 又唔知講乜 , 都係慳得就慳算數 .  XD

今晚講住咁多先 , 一陣記得睇 "夏日悠遊" 呀 .

Bye Bye ! 

聽晚見 ~