2014北海道11天自駕遊D5-1神仙沼篇

(因為記憶咭遺失左 , 所以暫時冇相睇 , 遲D會接續番)

Hello !

上回講到在 二世古甘露の森裡面食晚餐 , 之後浸溫泉 , 

攪埋D手尾就休息 , 一覺醒來 , 又到第五日 .  ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~

起身梳洗後落去食早餐 , 早餐同上次黎既一樣 , OK呀 . (有時間可以睇番上次果D)

http://1226manwai.blogspot.hk/2013/01/201010d7-2.html

食完上房執齊野 Check Out , 尋日黎果陣睇路牌 , 話 "神仙沼" 條路通車 , 

咁就一於去睇睇喇 , 點知越行越唔對路 , 又玩大霧 ? 唔好喇掛 ...

好彩大霧只係持續幾分鐘 , 過左就正常番晒 , 去到 "神仙沼" 停車場 , 

擺好部車諗住行入去 , 但係 ... 條路被雪遮住晒 , 基本上寸步難行 , 

所以呢個 "神仙沼" 行程 , 宣佈失敗 !! (難怪之前搵料話呢度7-8月先係遊覽季節)

唔緊要啦 , 呢條路叫做過境性質 , 經佢去 "神威岬" 果頭 , 慳好多時間 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

跟住沿住山路黎行 , 冇耐就到達第一個目的地 , 就係岩內町既道之駅 ,

いわない , 呢個道之駅 , 又係上次黎過 , 只係普通道之駅一個 , 

冇乜特色 , 至在鬆鬆腳 , 去下洗手間咁啦 .  ^^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

再跟住行多冇耐 , 又見番我鍾意睇既海景 , 沿途經過好多漁村 , 

配上旁邊既奇岩怪石 , 好好睇架 , 好快又到另一個道之駅 ,

オスコイ！かもえない , 呢個比上果個更加簡單 , 又係至在鬆鬆腳 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

之後就到達短期目的地 , 就係 "神威岬" , 今次黎呢度 , 

只屬淺層參觀 , 叫做探一探呢個老朋友 , 上到去木門大閘 , 今日冇乜風 , 

所以門常開 , (第一次黎大風關門大吉 , 去唔到燈塔 , 都幾遺憾架 , 

不過上年已經報左仇 , 今次上黎只係睇下有冇開閘 , 話晒都叫做 : 女人之禁地) 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

參觀完落番下面商店買野 , 買乜野 ? 下篇話你知 .

聽晚星期六例假 , 星期日見 ~ 

Bye Bye !