2014北海道11天自駕遊D4-3第2有島駝鳥牧場篇

(因為記憶咭遺失左 , 所以暫時冇相睇 , 遲D會接續番)

Hello !

未開始之前 , 先叉開一陣 , 今晚P.M.10:30 , TVB 有旅遊節目 . 

叫做 "夏日悠遊" , 由 "黃心穎" 與 "梁烈唯" 帶領遊覽 "鹿兒島" .

雖然 "鹿兒島" 並非我短期目標 , 不過齋睇都唔錯 , 記得收睇呀 .  ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

返回正題 , 上回講到參觀完 "八雲町育成牧場" 之後 , 繼續行程 .

下一站就係 "羊蹄山" 附近既 "第2有島駝鳥牧場" .

首先上番高速公路 "八雲" 入口 , 經過一場火拼 , 到達 "黑松內" 出口 .

進入正常公路 , 都仲有一段路要行 , 不過中途有一段插曲 , 

就係我輸入果個電話號碼 , 原來只係附近既役場 , 

唔怪得去到完全唔係果回事 , 好彩我搵埋 Mapcode 咁先搵到 , 

(如果 "旭川拉麵村" 都係咁就唔駛miss啦 , 失敗) 經過一段我最忌既碎石路 , 

終於到達目的地 , 呢個駝鳥場 , 當日預算行程都有介紹過 , 有興趣可以睇番 .

http://1226manwai.blogspot.hk/2014/04/2014_6.html

去到果度 , 又有問題 , D駝鳥在遠處另一邊 , 咁點呢 ?

正在諗緊點做之際 , 問題即刻解決 , 因為佢地見到有人企響果個位 , 

即刻急急腳過黎 , 果然訓練有素 , 跟手買兩包飼料 (100Yen一包)

一包放在欄杆上 , 一包拆開緊 , 點知佢即刻啄左我欄杆上面果包 .

嘩 ~ 未拆紙袋架大哥 , 容乜易佢連紙袋都吞埋 , 食死左點算 ?

包野俾佢拎左入去 , 我就唔夠膽入去拎番 , 見佢久攻不下 , (啄唔穿個紙袋)

於是我拆開另一包灑在遠處引開佢 , 再伸隻腳入去勾番包野出黎 .

好彩我隻腳足足43寸長 , 否則伸左入去都勾唔番包野出黎 . haha ...

結果玩左好耐先至捨得走 .  ^_^ !!

再一次講明先 , 相裡面果個唔係我 .

聽晚再去下一站 .

Bye Bye !