2014北海道11天自駕遊D6-1旭山動物園篇A

(因為記憶咭遺失左 , 所以暫時冇相睇 , 下篇會接續番)

Hello ! 

上回講到在 "桑園" 浸溫泉兼食飯 , 攪掂返回 "札幌" .

在酒店房裡睇多陣電視就訓覺 , 起身就踏入行程第六日 .  ^^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

梳洗過後落樓下食早餐 , 由於係同一間酒店 , 早餐情況可以睇番早日果篇 .

食完早餐執齊野 Check out , 套餐包酒店所以唔駛俾錢 , 

不過要俾停車場費1000Yen , 俾晒錢後 , 佢俾張空白既泊車券我 , 

話出停車場時先插入原本果張泊車券 , 當顯示收費時 , 再插入剛俾果張空白券就OK .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

拎齊行李過番 Times 租車公司樓上停車場攞車 , 向第一個景點出發 .

就係今日重頭戲 "旭山動物園" . 由 "札幌" 自駕遊去果度 , 

相信十居其九都會上高速 , 我當然都唔係例外 , 在高速公路途中 , 

天上烏雲密佈 , 幾驚去到果陣落大雨 , 好彩烏雲地帶唔算太廣泛 , 

否則落雨遊動物園就太冇癮咯 .  =_= !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

花了相當時間 , 終於到遠目的地 , 唔講唔知 , 呢度泊車都有小技巧 , 

之前我在其他網誌都睇過 , 不過唔記得用 , 今次輪到我再講多次啦 .

在正門入口附近 , 有好幾個有料停車場 , 附近有員工指示你泊入去 , 

原來正門係有免費停車場 , 當日我唔知唔知見有人指揮就駛左入去有料停車場 , 

去到正門售票處先見到免費位大把任泊 , 雖然500Yen就唔係好多 , 

不過冇必要嘛 , 食多碗拉麵好過啦 .  >_< !!

停車場 ~ 500Yen .

入場券 820Yen .

之後入場影相再影相 , 不過冇得睇 , 因為唔見左張記憶咭 , 慘 ...

Bye Bye ! 

星期日見 ~