2014北海道11天自駕遊D4-2八雲町育成牧場篇

(因為記憶咭遺失左 , 所以暫時冇相睇 , 遲D會接續番)

Hello !

上回講到乘坐觀光船遊覽 "大沼" , 跟住上埋個展望閣 , 

再行多陣都差唔多 , 其實呢度地方都好大 , 遊覽左既只係皮毛 , 

不過當日烈日當空 , (同尋日烏雲密佈差得遠) 加上仲有其他地方去 , 

所以非走不可 , 否則租部單車作深度遊覽都唔錯 .  ^^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

離開 "大沼" 之後 , 第一站就係 "八雲駅" , 黎呢度有兩個目的 , 

第一個係感受番當年在呢個駅既洗手間裡面 , 差D漏左部相機 , 詳細可以Click入下面 .

http://1226manwai.blogspot.hk/2012/12/201010d3-8.html

第二個目的係聽閒 "新幹線" 即係子彈火車會在呢度設站 , 

想參觀一下佢既施工進度 , 第一個目的就辦妥 , 至於第二個目的咯喎 .

係我收錯風還是工程延誤 ? 附近完全冇動靜 , 就算係香港高鐵延誤事件 , 

都應該有番些小動土跡象 , Why ?

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

參觀完 "八雲駅" 跟住去 "八雲町育成牧場" , 就在附近架咋 .

如果有Blog友又係想黎呢度參觀 , 記得留意以下重點 , 

下圖展望台果度 , 係可以擺車 . 

當日我部車停在下面車位 , 跟住行路上去 , 點解唔駛部車上去呢 ?

第一唔知上面有冇位擺車 , 第二上去條路只容許單線行車 , 

如果中途有車落黎就好麻煩 . (雖然機會好微) 有兩味路我最驟忌 , 第一就係上述果隻 , 

第二就係碎石路 , 行得快好震之餘又驚拮爆車軑 , 行得慢又遲遲未到 .

每次自駕遊都會遇到以上果兩味 , 真係諗起都怕怕 .  =_= !!

講番行程 , 呢度叫得做牧場 , 附近果然有料到 , 包括有馬 (又係短腳品種) ,

同埋有牛 , 牛又有分幾味 , 有D純黑色 , 有D啡黃色 , 最正都係黑白色 , 

就好似過幾日 "富良野芝士工房" 果隻咁款 , 不過果隻係塑膠造 , 

果度既係生勾勾 , 好睇好多 .  ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

由我部車擺下面個位行上去展望台 , 需時10分鐘左右 , 

一上一落就20分鐘 , 都幾花時間 , 兼行到腳軟 .

去到展望台 , (當然係一個人都冇啦) 整個 "內浦灣" 盡收眼底 , 好正架 .

在果度都影左好多相 , 真可惜 . (唔通報仇地點都要預埋佢?)

影完相行番落去攞車 , 差唔多到之際 , 有部車黎緊 , 車上有對老夫老妻 , 

佢地問我部車可否直接上去展望台 , 我話OK架 , 上面有位擺車 .

佢地就好彩啦 , 有我做先頭步隊 , 否則好似我咁又要行餐飽 .  XD

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

離開牧場之後 , 下一站就係上 "二世古" 羊蹄山果頭 , 

該處都有好幾個景點參觀 . 

今晚講住咁多先 , 聽晚再見 .

Bye Bye !

P.S. : 今晚世界盃大結局 , 雖然好夜 , 不過都要起身睇 , 

支持德國 . (錢就投注落阿根廷度 haha ... )