2014北海道11天自駕遊D5-3黃金岬展望台篇

(因為記憶咭遺失左 , 所以暫時冇相睇 , 遲D會接續番)

Hello !

上回講到參觀完冇野睇既 "積丹岬" , 無奈地返回停車場攞車 .

下一站就係去 "積丹水中展望船" , 去呢度並唔係想坐船 , 

而係想過碼頭另一邊玩餵海鷗 . 唔駛半粒鐘就到達 , 去到碼頭售票處睇睇 ,

今次玩船隻維修欠航呢招 . 好彩上年坐過唶 , 

否則又一次失望而回 , 險呀 !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

參觀完冇船搭既碼頭之後 , 拎定D餅乾條出黎 , 

過碼頭另一邊準備餵海鷗 , 點知 ... 一隻海鷗都唔見 . 

唔係化 ~ 唔通季節唔啱 ? 咁D餅乾點呀 ? 莫非要原封不動打回頭 ? 

(當然唔駛啦 , 遲D有奇遇)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

既然冇海鷗 , 唯有繼續行程 , 就在冇幾遠既 "黃金岬展望台" , 

其實呢個展望台 , 2012年果次霧駕遊都想參觀 , 不過一時之間搵唔到入口 , 

而又趕時間往 "知床" , 所以先至放棄 , 今次搜集足夠資料 , 一於崔護重來 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

去到差唔多到入口之際 , 經過一間冇開檔既舖頭 , 本來就平平無奇 , 

奇就奇在門前有3隻大肥貓在地上休息 , Wow ~ 咁正 ?

"定山溪" 見唔到貓響呢度補償番俾我 ? 咁就唔好客氣 , 上車拎包貓糧出黎 , 

試下佢地食左飯未 ?  ^_^ !! 拆開倒D出黎擺佢地面前 , 咦 ~ 有反應喎 , 

雖然唔算太踴躍 , 點都好過唔蘇我 . haha ...

D貓在進食過程中任我魚肉 , 好爽呀 . (平時D流浪貓 , 稍為行近D都走夾唔抖 , 激死人)

同佢地影左好多相 , 唔見左張咭 , 再一次激死人 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

玩完貓之後都要做正經野 , 上呢個展望台 , 都要行一輪樓梯 , 

相裡面果個展望台就係喇 , 2012年影落既 .  ^^

呢個展望台 , 對正個 "寶島" , 又係有排影 . Yeah !!

今晚講住咁多先 , 聽晚見 .

Bye Bye !