2015/08/21

國泰真係咁唔掂 ?




Hello !


今日頭條 : 335客滯札幌25小時 , 國泰服務太糟糕 ...


報導話日前一班原定由北海道札幌來港既CX581號航機 , 

因技術故障而跪低 , 連累335名乘客滯留札幌飽受折磨 , 

被逼入住酒店宿一宵 , 諗住翌日攪掂 , 點不知航空公司話機件故障未解決 ,

就算攪掂該班機都唔會載客 , 為疏導旅客 , 航空公司決定兵分三路 , 

有D搭直航 , 有D轉機 , 更甚至轉搭其他航空公司客機回港 , 

經25小時後終於攪掂 , 不過有乘客批評國泰服務太糟糕 . 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

其實呢篇網誌最主要係想談論國泰航空係咪真係咁唔掂 ?

剛上討論區度睇 , 真係好唔掂喎 , 簡單D講就係劣評如潮 ,

部份話服務態度差 , 航班經常延誤 , 個個都有自己既不快經歷 , 

再加上早排啊蘇 "兩條茂利" 事件 , 所以俾我既感覺真係好唔掂 .

但係呢D只不過係片面之詞 , 唔親身試下都唔可以咁快下判斷 .

只可惜國泰既自由行只做二人成行 , 因此近年都係幫襯ANA .

而對上果次幫襯國泰 , 係2009年果次北海道自由行 . (唔係自駕遊)

Gate24 CX580 09:40 ~ 札幌 ~ 


 有水有花生 , 服務OK丫 .


由於事隔多年 , 故此資料未能作準 .  =_= !!

唔知道各位Blog友近年有冇幫襯過國泰航空呢 ?

服務態度及各方面又係唔係傳聞中差得咁差呢 ?

真係要各位幫幫手 , 俾D意見 .

(無論結果好與壞 , 都改變唔到我幫襯ANA既決定)  XD

Bye Bye !

116 則留言:

  1. 我就覺得國泰既餐唔掂。

    回覆刪除
    回覆
    1. 國泰既餐唔掂 , 收到一個意見 . THX

      刪除
    2. 其實你同相熟旅行社出團體飛, 都有可能單拖坐 CX 到拾波羅. E, 2009年小姐同邊位結伴同時遊啊?
      坐長途機佢有迷你杯麵供應, 想起已前坐 NW 去美加, 佢地有煙三文魚三文治任你攞黎食, 坐過執左笠嘅機除左 northwest 外仲有 Canadian Airline, 第一次坐係架意外頗高嘅 DC10 由香港-多倫多, 好彩安全來回 ^^

      刪除
    3. t : 2009年果次我都係自己一個人到北海道 , 可能佢當年未設定二人成行 ,
      之後想再幫襯佢 , 次次都話要兩個人至得 , 所以先焗住幫襯ANA .
      咦 ~ 你都好多旅遊經歷喎 , 勁 !!

      刪除
    4. 小姐, 你知嗎, 已前D飛機臨飛前 crew 會真人 show 教你著救生衣逃生, 只靠個 projector 射去最前排度牆睇無得揀嘅娛樂, 後黎 d 747 400 開始喺通道近 pantry 位兩旁加14吋電視比坐兩邊乘客睇得清楚D, 其後 airbus 開始加裝坐位娛樂設備, 仲有任天堂64玩, 不過個 mon 解像度唔高又熱....跟住又不斷改良至今, 宜家有埋插蘇位, 遲D 有埋 wifi 上網

      刪除
    5. 真人示範在廣告我就見過 . https://www.youtube.com/watch?v=Ca3zmd7DwAo
      好老實講 , 依家D坐位Mon解像度都唔係咁高 , 再高D睇電影會好D囉 .
      多謝介紹航空發展史 . ^_^ !!

      刪除
    6. 嗰時國泰空姐既制服貼身 cutting,睇示範睇身裁好睇好多。

      刪除
    7. Nerissa : 如果身裁唔係咁好咪大鑊 . XD

      刪除
    8. 都係果句號 SIA 正 ^^

      刪除
    9. 諗起已前, 起飛後第一件事會派條熱毛巾比你醒一醒神

      刪除
    10. t : 熱毛巾 ? 令我諗起去酒樓食飯 , 又係有勁熱毛巾 . : P

      刪除
    11. 已前真係做到足, take off 前真人教導, 飛左上天就派熱毛巾, 然後派飲品, 收毛巾...娛樂廣播....開餐....臨到前又重覆一次派熱毛巾, 派飲品, projector 又投射套舒展筋骨操比你跟住做, 好攪笑

      刪除
    12. 其他野都可以理解 , 唯獨係舒展筋骨操 , 唔通叫D人在坐位裡面做咩 ?

      刪除
    13. 係坐喺度都得啊, 教你扭下頭, 伸下手扭下腳, 當然你可以走去逃生門較闊企下, 仲有大量茶水果汁花生三文治餅乾提供

      刪除
    14. 哦 ~ 仲以為係大幅度伸展果隻添 .
      有三文治 ? 唔錯喎 ~ 整番件先 . ^^

      刪除
    15. 前年坐英航,舊年坐德航都有熱毛巾,係環保嗰隻。

      刪除
    16. 1733 : 環保熱毛巾 , 都唔錯喎 , 反觀國泰早日又衰一鑊 .
      毀古典結他 ...

      刪除
  2. 嗱嗱嗱,舊年我都試過坐國泰 delay 咗幾粒鐘,不過平心講句架飛機有事你都唔想佢飛,人命黎架,調動飛機你估好似調動巴士咁易咩,又要arrange crew,又要arrange 餐食, 佢已經做到俾酒店住同埋有 arrangement,但係而家啲投訴文化動不動就將件事無限放大,其實呢啲事乜野航空公司都會發生,由我開始喺國泰做時已經有發生,只不過當時資訊唔發達冇乜人留意啫。

    回覆刪除
    回覆
    1. 收到呢位Blog友既大平反 . haha ...
      其實如果俾到酒店既話 (唔駛在機場露宿) , 都算係咁咯 , 學你話齋 , 調飛機唔同調巴士嘛 .
      香港投訴文化的確比以往勁 , 淨係睇郵輪事件都知啦 . ^_^ !!

      刪除
    2. 講起郵輪我諗啲人未試過打風坐嘞,我就試過由沖繩返台灣遇啱打風,啲浪高過隻船咁滯,連嗰晩應該有船長之夜都取消,嗰晚成晚唔敢瞓,所以俾我揀都情願改地方好過食驚風散。

      刪除
    3. 雖然我都未試過坐郵輪打風 , 不過都可以感受到 .
      D友一聽到改行程就發爛渣 , 大吉利是有意外又發爛渣 , 正式係生意難撈 . haha ...

      刪除
    4. CX delay 都試過幾次, 你唔行去閘口位問佢地乜事, 佢地都送上coupon
      嘩 titanic ! 大小姐有無震過貓王呀 ^^

      刪除
    5. t : 通常D coupon 係乜野黎架 ?

      刪除
    6. 好似5兜定7兜, 你可以去食嘢, 而上年喺福岡, 港龍都派左一千円

      刪除
    7. t : 1000Yen , 好過冇啦 . Yeah !!

      刪除
  3. 我鍾意坐 SIA, 因為鍾意睇靚女, 如果你係叧類想睇亞婆介紹你坐美國內陸機 :D

    回覆刪除
    回覆
    1. 我個friend 坐SQ 都一樣試過喺瑞士跪低滯留咗一日一夜,不過𠴱時冇人投訴。

      刪除
    2. 咁 MH 航空公司既機有冇試過 ?

      刪除
    3. Nerissa : 跪低一日一夜係去程定回程 ? 好大分別過喎 . XD

      刪除
    4. 好彩唔係喺埃塞俄比亞壞機, 可以喺瑞士住多日, 又有得唱下飄零燕咪益左佢 ^^

      刪除
    5. Nerissa : 回程壞機捱多日都好D , 如果係去果程壞機 , 打亂晒行程已經好扯火 , 好難會心平氣和 . =_= !!

      刪除
    6. 佢架機係直飛新加坡,途中要喺瑞士唔知算唔算緊急降落,咁就留咗一日,我同佢同日飛坐唔同航空公司,返到黎恨得我吖。

      刪除
    7. t : 迷途迷途孤燕 , 未得歸家 , 這小孤燕 ... 夠晒傳神 . ^_^ !!

      刪除
    8. 順便去買+字軍刀同撈石屎 :D

      刪除
    9. Nerissa : 係咁咯 ~ 同人唔同命 , 同遮唔同柄 , 唔恨得咁多 . haha ...

      刪除
    10. 我都試過去程坐ANA 由下午機 delay 到凌晨咪又係咁。

      刪除
    11. t : 不如順便改機票 , 玩埋瑞士至返歸 . XD

      刪除
    12. 嘻嘻, 小姐都識唱喎 ^^

      刪除
    13. Nerissa : 咁黑仔 ~ 幸運地我未試過勁 Delay , 頂多一粒鐘 . 好彩 !!

      刪除
    14. 去得瑞士, 就不如揸車去埋德國再到荷蘭至坐機返啦!

      刪除
    15. t : Youtube 有埋片睇 , 唔錯架 .

      刪除
    16. t : 玩到咁盡 ? 仲耐過正式去果程 . haha ...

      刪除
    17. 睇番屋企嘅匙更, 馬航都坐過由新加坡來回 ^^
      已前我都㑹有時攞下匙更返屋企用 ^^

      刪除
    18. 拎匙羹黎留念 ? 充滿強國Feel喎 . haha ...
      馬航都坐過 , 實在太勁 . XD

      刪除
    19. 太睇小強國人啦! 強國拎救生衣黎留念架.

      刪除
    20. 友季 : 真係唔知佢拎件救生衣黎做乜 ? 唔通擺上網必 ?
      聽聞強國人鍾意在行駛中開機艙門 . haha ...

      刪除
    21. 呢個超級匙更友 ^^
      http://www.giliguri.co.il/spoons/list.html

      刪除
    22. 嘻嘻, 強人如果有士巴拿帶埋上機, 可能連張櫈部拆走 ^^

      刪除
    23. t : Wow ~ 駛唔駛咁Pro呀 ? 款款都圖文並茂 . 佩服 !!
      仲有乜野可以拆走 ? 唔會連緊急氧氣罩都唔放過掛 .... XD

      刪除
    24. t : 唔通 MH370 就係拆拆下連部機都唔見埋 ?
      近排在某海島發現機翼部份 , 希望盡快搵番全部啦 , 起碼了卻左家人既牽掛 . >_< !!

      刪除
    25. 我飛去外地玩,我都會拎匙羹、义和刀,我唔理佢係膠還是金屬,主要係在旅途上會用得著,尤其是係自已整早餐添。

      刪除
    26. 1733 : 唔知佢地(航空公司)係預左D餐具俾人拎還是點樣呢 ?
      好坦白講 , 搭過咁多次機 , 我只係試過一次拎玻璃杯 . XD

      刪除
    27. 自911後全部經濟艙都轉哂膠餐具, 玻璃杯都變左膠杯, 要撻當然要救生衣啦, 如果有有降落傘都唔錯

      刪除
    28. t : 係喎 ~ 果位仁兄撻撻埋埋D匙羹 , 咪升價十倍 ?
      我個玻璃杯就唔見左咯 . =_= !!

      刪除
    29. 係咪細細好似要黎裝茶咖啡高度個果D? 已前我都有個SIA

      刪除
    30. t : 係呀 , 仲要係圓圓地 , 幾的式架 . ^^

      刪除
  4. 雖然飛機故障唔關服務問題事,不過維修保養方面係咪做得唔夠好呢?
    餐飲方面好多年前已經縮水,味道仲越嚟越差,都唔要求好食,但都唔好係難食,3年前坐過一次JAL由成田返香港,未食見到個賣相都好得,味道當然唔錯喇,仲有Haagen-Dazs雪糕添,同CX差得遠
    如果唔係因為儲AM為咗換機票,有時真係唔想坐CX,同埋CX因為係香港,所以時間比其他airline好班次及目的地又多,為咗方便咪侷住搭佢囉..

    回覆刪除
    回覆
    1. 我最後一次坐cx係2013年飛新加坡, 可能係搭零晨機, 飛機餐係包、蛋糕+維他檸檬茶><

      刪除
    2. 3J家庭 : 多謝意見提供 , 又多一位覺得CX唔掂檔 . =_= !!
      JAL既飛機餐又掂又有名牌雪糕 , 俾著我都揀佢啦 .

      刪除
    3. Maggie, Kaykie : 新加坡都屬於長線丫 ,
      得個包 & 蛋糕 + 維他檸檬茶 , 確實係過份左D .
      唔該晒資料提供 . ^_^ !!

      刪除
    4. CX淩晨機通常都係得個包,預D客唔食瞓覺,費時浪費卦

      刪除
    5. 包、蛋糕+維他檸檬茶...國際線咁都得 @@ 仲衰過我已前由 SFO 去 LAX UA內陸線, 全程約一粒鐘真係上左機痾完督尿都差唔多落機, 起碼有塊曲奇, 煙三文魚三文治同罐可樂招呼下

      刪除
    6. 3J家庭 : 哦 ~ 原來有不成文規矩 , 怪錯左佢添 . XD

      刪除
    7. t : 內陸機 札幌 --- 成田 , ANA 得野飲&果仁 . 機程粒半鐘左右 .

      刪除
    8. 小姐下年幾時出發同打算去邊?

      刪除
    9. 呢一刻暫定明年農曆年間出發 , 地點係北海道 , 不過未有具體行程 . ^^

      刪除
    10. 我2012年尾零晨機飛關西都仲有飯食,第2年聽人講已經冇飯得包咋。
      man wai, 農曆年間出發去睇雪祭?

      刪除
    11. Maggie, Kaykie : 不過話時話 , 凌晨時份整餐飯 ,
      真係未必食得落 , 為左環保 , 都係食包好D .
      至於農曆年出發北海道 , 只係為左出門睇雪 , 雪祭唔係重點 , 不過經過都會望一望既 .

      刪除
    12. 如果你真係打算農曆年出發,要預咗貴、人多 (強國人一定不能避免),機票同酒店要早book,札幌雪祭期間札幌酒店會又貴又緊張
      其實如果你唔係為咗睇雪祭,又除非為咗遷就假期,真係唔建議你農曆年去北海道,加上宜家日圓平,我相信嚟緊聖誕新年會超多人去日本,而且農曆年仲要係大陸長假期,唔多人先怪,香港人都算,強國人就....

      刪除
    13. 首先多謝通知 , 其實黎緊呢個農曆年之旅 , 正正就係為左要遷就個假期 ,
      否則非不得已之下 , 我都唔想假期出發 . (睇番我之前既出發日期就知) . >_< !!

      刪除
    14. 咁無計,建議你早D plan好,早 book除咗價會平D選擇都多D

      刪除
    15. 3J家庭 : 其實我冇乜 (長假期旅遊) 經驗 , 如果在農曆年出發 , 正常情況下應該幾時動手 ?

      刪除
    16. 我幾次農曆年去日本都係換機票,因為依D超旺日子機票會好貴,所以一早換定可以慳番機票錢,除非你响未加附加費前出發就會平D,可能要年廿四、廿五就要出發,回程就無所謂,視乎有無機位

      不過2011年嗰次農曆年去北海道就係用錢買,睇番記錄當年我7月尾已經同agent hold咗位,接近9月中已經要出飛,當時搵到嘅機票仲要唔係直航,買咗大韓航空零晨機經首爾轉機去札幌,中午12點幾到,年廿六出發初五返 (10日),連稅5,550,當時已經算係平,JAL同ANA一定唔得,CX直航簡直唔駛諗,有興趣可以睇番我個遊記,不過我唔係全程自駕,只响富良野、美瑛租咗3日2夜車
      http://3jfamily.blogspot.hk/search/label/2011%2001%20%E6%98%A5%E7%AF%80%E5%8C%97%E6%B5%B7%E9%81%93%E8%B3%9E%E9%9B%AA10%E5%A4%A9%E9%81%8A?updated-max=2011-02-12T09:51:00%2B08:00&max-results=20&start=20&by-date=false

      至於酒店,落實行程後見到有得book就要快手book,除非係D唔多人去嘅地方

      刪除
    17. 3J家庭 : Wow ~ 農曆年出發7月尾就要做野 ? 真係諗都未諗過 . =_= !!
      都好喎 ~ 去你果度睇番個遊記當搵料都唔錯 . THX

      刪除
    18. 其實當年我驚越遲越貴越無位,而且又要遷就阿仔學校放假日子,早一日出發唔得,遲一日出發又貴D,所以反正有得book就趁早book咗先,行程編排反而慢慢plan都得

      冬天自駕的話,強烈推介富良野及美瑛,雪景真係好靚,我上次幸運遇上好天,藍天白雪感覺超正

      刪除
    19. 我依家都係啦 , 淨係諗到去北海道 , 北海道既邊度都未有著落 .
      聽你咁講 , 加埋 富良野及美瑛 入考慮之列裡面啦 .
      雖然上次剛去完 , 睇唔到花開 , 試下睇佢雪景會係都唔錯 .
      話時話 ~ 你有冇試過冬季去 富良野及美瑛 等地 , 等我偷下師都好丫 .

      刪除
    20. 就係2011年去過先推介俾你,睇睇
      http://3jfamily.blogspot.hk/2011/02/2011_24.html

      刪除
    21. 3J家庭 : 好 ~ 一於追睇 . ^_^ !!

      刪除
    22. 搭訕: 香港仲有邊間 airline 有咁多機去日本? 根本無得揀.
      另外, 貪平免費飛無得計較咁多了.

      刪除
    23. 所以CX睇到自己有依個優勢咪唔理其他咁多囉...你投訴佢話知你,你唔like咪唔好搭囉...
      宜家坐CX都只係貪時間好班次多及免費機票先揀佢
      如果你係俾錢買機票的話就真係要認真考慮好唔好搭CX了

      刪除
    24. 我只可以講, 只要一路訂到免費 J or F, 無咩理由要自己比錢買其他 airline.
      Peak season travel, LCC 永遠無我份.

      刪除
    25. 你有方法儲到就話坐J or F,有好多人儲一張Y都唔容易,一年有一張已經算好
      我坐Y可以up到上J已經不知幾開心了

      刪除
    26. 係呀,我都係貪平,就無辦法啦,買就LCC,換就CX。

      久不久都大大隻字話邊間邊間airline唔掂,睇下好唔好彩。

      刪除
    27. 我估宜家開始如果要俾錢的話都要上LCC格下價,因為CX嘅機票都越嚟越貴,係fanfare叫做抵D

      刪除
  5. 剛寫完九州既blog,先至有留意原來我由九州回港,港龍都延誤左2小時50分。
    比左兩張面值1500円既餐飲代用劵我兩個人。

    回覆刪除
    回覆
    1. 1733 : 延誤2小時50分都可以接受既 , 每人有1500Yen , 唔錯丫 . ^^

      刪除
    2. 1733兄有得賠1500 yen 仲多過我, 要黎買薯條三兄弟啦!

      刪除
    3. t : 乜野係 薯條三兄弟 ? 串燒三兄弟就聽過 . XD

      刪除
    4. t : 搵到喇 , 原來紙盒裝果D就係 薯條三兄弟 , 仲要係北海道限定 , 真係失禮 .
      不過真係未食過 . XD

      刪除
    5. 宜家周圍日本機場都有得買啦

      刪除
    6. 係架,有1500円我都滿意架。

      刪除
    7. 1733 : 大家開心咪算囉 , 好多人一有問題就即刻發爛渣 , 何必呢 ? >_< !!

      刪除
  6. 喂,2016年2月去北海道 。。。E+已經好難訂房!
    行程有需要可以FbPM我。

    回覆刪除
    回覆
    1. 唔係掛 ? 咁激 ? 真係一房難求 , 好震驚 .
      多謝提供消息 . ^^

      刪除
    2. 我都相信小肥所講,你諗下香港假期+大陸假期+台灣假期 (港客+陸客+台客)、自由行+旅行團,再加上日本人
      自從yen平咗後連從來唔去日本嘅人最近都一窩蜂去,可想而知明年農曆年會係咩情況,所以如果你真係有心去,建議你真係要早plan早book,太遲的話有錢都訂唔到房

      刪除
    3. 3J家庭 : 咁我從來都冇懷疑過各位既判斷 , 黎緊呢個農曆年相信會爆到七彩 .
      而我仲有小小野要確認 , 攪掂先可以落實 , 俾多小小時間啦 . THX

      刪除
    4. 總之現在日本每一個月都在變化,一兩個月已經變哂,再不能用以前想法去處理。

      例如一件物品,上個月周圍有得賣,下個月可被內地人掃哂,你懂的。

      刪除
    5. 雖然我一向都唔係要去日本掃貨嗰D人,但就真係唔太喜歡宜家日本周圍都係遊客嗰種感覺,仲要嗰班討厭嘅內地人

      刪除
    6. コーさん : 我懂呀 , 就好似強國人瘋搶日本書包咁 .
      遲D都會整番篇 . ^_^ !!

      刪除
    7. 3J 家庭 : 去旅行都係想有個安安樂樂既清靜地 , 只要有強國人既地方 , 都好難樂得清閒 .
      不過都唔係淨係針對佢地 , 香港人都唔好得幾多 , 所以我遊覽既景點多數都係鬼影都唔多隻果種 .

      刪除
    8. 北海道都仲有好多偏僻地方都好D,札幌市宜家就唔知點,好似コーさん最近去完,唔知有無淪陷呢?

      刪除
    9. 關西先恐怖, 酒店貴過東京.

      12月酒店要半年前開始搶, 依家就 book 緊 2月同 3月.

      刪除
    10. 昨天返,JR駅就多啲強國人。最旺區,すすきの等,我都無行了。
      只是大清早去大通公園發呆,去下市郊,係無乜人。另外兩個outlet都冷清清。
      點都比東京好好好好好多。

      刪除
    11. Wow ~ 半年前就要開始搶 , 真係離譜到丫 .
      都係果句啦 , 日本實在太過吸引 . : P

      刪除
    12. 中國都好多歷史遺跡, 名山大川, 珍禽異獸... 如果唔怕人身安全, 食物真假, 醫療救援, 確實直得自由行 :D

      刪除
    13. t : 返內地 ? 真係咪攪 , 生命誠可貴 .

      刪除
    14. 內地可以自駕,但唔可以撞車昏迷,如果唔係就給人搶光光。

      刪除
    15. 聽人講有D村民會擺D動物死屍在路中屈你車死佢 . >_< !!

      刪除
    16. 嘻嘻, 大陸自駕有意外只可以撞死人而不可傷人仲要走得快至得, 旅遊人亦只有生或死而不做傷者就最安全.

      刪除
    17. 中呀 ~ 不過漏左見死仲要不救 , 否則好易一身蟻 . XD

      刪除
    18. 講個真實故事比你知香港報都有登出過, 80年代我有個姓蘇嘅朋友細佬剛大學畢業而九月就快為人師表, 趁放暑假就獨自返偉大祖國旅遊, 就係桂林石山被強人拮死, 不過最後都破案, 因為被搶單鏡相機去當舖而被店主懷疑舉報, 強人最終要把靶. 可隣係一位有大志嘅靑年出師未捷身先死刑

      刪除
    19. 其實內地既治安認真麻麻 , 細單既就拮死人搶相機 , 大單既就有千島湖事件 . =_= !!

      刪除
  7. Cathay Holiday 無左,先係問題, d機票貴左好多

    回覆刪除
    回覆
    1. 除此之外 , 近日報紙經常報導佢D失誤 , 幾乎三幾日一單 , 真係好唔掂呀 . >_< !!

      刪除

歡迎光臨 , 如果時間許可 , 請留番個言丫 ~