劇集介紹

Hello !

之前好多篇網誌都講過 , 近排非常之忙碌 .

其實忙黎忙去都係睇電視 & 煲劇集 . (遲D球季開鑼會更忙)

今次呢篇介紹兩套我煲緊既劇集 , 首先第一套係 : 民王

呢套尋晚先開始收睇 , 係報紙介紹 . (唔係都唔知有呢套劇)

內容講兩父子身份對調 , 即係老豆幫個仔處理事務 , 

個仔又幫番老豆咁啦 , 由於老豆既身份係日本首相 , 身份特殊 , 

所以笑料百出 , 暫時出左兩集 , 大部份都係個仔幫老豆誤打誤撞完成任務 .

講番主角 ~ 兩父子都講唔出名 , 不過就經常會在日劇裡見到 .

老豆果位就在 Doctor X 飾演過醫生 海老名敬 .

個仔就在 35歲高中生度見過 , 講番呢類身份互換劇情 , 

最經典莫過於電影 衰鬼媽咪 (Freaky Friday) , 

通常都係透過互相了解而大團圓結局 , 不過爆笑過程先至係重點 .

相信打後果D集數都會繼續追睇落去 .  ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

另一套叫做 : 來自未來的史密特 .

 

一聽個名就令人聯想到 來自星星的你 . (兩劇當然全無關連啦)

呢套劇大玩未來Feel , 內容充滿懸疑 , 我只係睇左一集 , 

暫時資料唔多 , 有時間煲多幾集再講過 .  XD

Bye Bye !