Hello !
今日本來應該講行程初盤篇 , 可惜又係果句啦 : 未攪掂 .
唯有求其搵D野黎頂檔 , 講乜野好呢 ? 就講日前與Blog友談及既 : 水之教會 .
就星期五果日 , 友季姐 留言 , 話 : Oh! No! 可以不去了sosad ...
當時我R晒頭 , 心諗 ~ 可以不去 ,Why ? 再上佢留低既網址度睇 ,
原來係講 北海道TOMAMU度假村 俾中國某財團100%收購 .
咁大單新聞 , 點解唔多覺既 ? 因為星期五既報紙 , 成本字典咁厚 ,
淨係逐頁揭都揭到手軟 , 有D兩頁當一頁 , 所以Miss左都唔知 .
跟住翻查一輪 , 終於搵到佢喇 , 星期五 AM730 報導 .
北海道水之教堂 , 中國財團擲11.5億收購 .
講起呢個 トマム 星野リゾート 度假村 , 我有幸去過一次 ,
詳細可以Click入呢度 , 果度俾到我既感覺係正到爆之餘 ,
仲節目多多 , 去一次絕對玩唔晒 , 印象最深刻既 , 莫過於佢既房間 ,
似一個家居單位多過一間酒店房 , 黎緊呢次北海道之旅 ,
都有諗過佢 , 只可惜農曆年期間唔止貴之餘 , 仲好難有單人房 ,
所以打消左個念頭 , 經過呢一別 , 恐怕後會無期 . =_= !!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
唉 ~ 冇辦法啦 , 所謂商業決定 , 冇乜邊個敵得過銀彈政策 ,
一堆堆銀紙咁掟過黎 , 唔通企硬唔賣俾佢咩 ?
在於(我呢個)旅客立場 , 對果度興趣大減就在所難免 ,
皆因咁難得先至出門去日本 , 都唔多想見到日本以外既人 ,
而佢整個度假村被收購 , 難免一車車強國人進注遊覽 ,
碰口碰面都係佢既人 , 氣氛好似返左內地 , 咁就蛇都死啦 .
如果有Blog友去開果頭 , 唔該報一報料 ,
睇下災情如何 , 仲可唔可以一遊 .
Bye Bye !
如果屬實, 佐藤乙松個老友杉浦仙次可能失業
回覆刪除屬實啦
刪除冇囉冇囉!友季跟進報導:
內地商人豪擲11億買下北海道TOMAMU度假村,晴天霹靂,簡直是滑雪人士的惡耗。計劃了起行,未訂酒店的話,還有避開強國人的機會。即查旅遊網站Tripadvisor的推介,除了星野TOMAMU之外,還有五間度假村被評為北海道滑雪首選,當中四間(Akazora、Niseko Northern Resort An'nupuri 、Kiroro Resort Hotel Piano及Rusutsu Resort Hotel)位於二世古附近,其餘的Clubmed向來被視為家庭客首選,跟星野TOMAMU的位置較近,不過以Club Med在內地的名氣,亦很大可能被普通話覆蓋,想盡可能避開的話,選擇非國際品牌方為上策。
source: apple (唔係steve jobs,係肥佬) http://hk.apple.nextmedia.com/realtime/supplement/20151116/54425009
本來諗住去星野TOMAMU滑雪,依家要Plan B (╥﹏╥)
t : 玩 鐵道員 ? ^^
刪除友季 : 好彩我今次冇編排 Tamamu 在行程內 .
刪除去北海道好似要攪到避大媽咁 , 真悲情 . =_= !!
唔係話怕乜,最怕去到Tamamu個女湯入面個個玩自拍,原來全部係大陸來的僞娘,你話驚唔驚 (╥﹏╥)
刪除如果在女湯見到有人自拍 , 唔理係大媽定偽娘 , 幾大都遮住自己塊面黎自保 . XD
刪除咁都比小姐估中鐡路員 ^^ 呢套我都係前排喺 now tv 睇到, 有段講高倉建個老友退休後會去星野做, 叫高倉建如果關站後過去幫佢手.
刪除記得睇高倉建戲最有印象係果套黑雨
我都有睇鉄道員
刪除http://1226manwai.blogspot.hk/2014/09/201411d8-5-b.html
髙倉健個簽名好型,死都唔去Tamamu明智 (ಥ_ಥ)
t : 邊駛估架 , 乜你唔記得我去過 幌舞駅 咩 ? 高倉健 仲有套 網走番外地 都係好正架 . ^^
刪除友季 : Tamamu 呢單野其實都唔唏噓架 , 如果佢唔係攪成咁 ,
刪除果度確實係一個理想既度假勝地 , 最好就住番佢三日兩夜 , 可惜此情不再 ...
友季 : 唔好意思打錯字 , 應該話係 幾唏噓 !!
刪除網走番外地...你都未出世 ^^
刪除t : 套戲我就未睇過 , 淨係睇過D劇照 , 網走監獄果度有得睇 . ^^
刪除http://1226manwai.blogspot.hk/2013/02/201110d4-11b.html
另外可以上Youtube睇片段 . XD
今次行程都有網走 , 不過唔會再去監獄咯 .
刪除