Hello !
唔覺唔覺 , 寫完個旅遊網誌都成個多星期 ,
呢段時間去左邊 ? 之唔係幫個 Pokemon Go 埋尾 , 打到上頂級 Level 40 .
幾經艱辛之下 , 終於都完成晒整個歷程 , 到達 Level 40 .
XP 果欄已經冇左 , 即係再打都唔會有分計 .
左下角果度都係咁 , 條紅線到達盡頭 .
話時話 , 近排要賺取XP , 都唔係咁難 , 出左神獸之後 ,
打贏一場團體戰 , 都有10000XP , 所以先至咁快升呢 .
還記得 利基亞 & 急凍鳥 , 係8號風球果日推出 , 當日即刻出去打團體戰 ,
急凍鳥只係推出一周就Bye Bye , 利基亞 到今日都仲有得捉 .
呢隻比較難捉 , 只係捉到6隻 . 最高果隻 CP2025 .
急凍鳥捉左5隻 , 最高CP係1676 , 唯有自己慢慢升佢 .
火鳥比較多D , 捉左7隻 , 最高CP係1851 .
今日都仲有得捉既 雷鳥 , 有8隻進賬 , 最高係 CP1902 .
其他既 班吉拉 , 寫 FULL 果D就係升到盡頭 .
雖然已經到達 Level 40 , 不過並唔代表會放棄呢個Game ,
相反 ~ 仲要捉多D野黎賺取 星塵 要黎升呢 , 所以仲有掛忙架 . XD
至於旅遊方面 , 暫時都未諗到去邊度 , 仲有大把時間 , 慢慢都未遲 .
(唔記得之前有冇講過 , 只得農曆年檔期可以出門)
有進一步消息再通知大家 .
Bye Bye !
隻GAME 已經 產走左了....
回覆刪除我出年3月都系主打北海道 札幌 旭川 雲層峽 網走 (重點在破冰船)
到時要參考下你的行程
剷走左 ~ 點解呀 ? 依家加入新元素 , 更加好玩喎 . ^_^ !!
刪除重點在破冰船 , 咁就要睇個天喇 , 3月份唔知冰量點呢 ?
不過話時話 , 去親北海道既破冰船 , 心情都好複雜下 ,
冇乜雪又驚白走一趟 , 大雪又驚交通延誤 , 正式係矛盾到極點呀 . haha ...
明年我去唔去北海道呢 ? 仲諗緊 . XD