Hello !
近排既日子 , 相信大家都唔會好過得去邊 ,
日日都過佰人中招 , 在新聞度見到有確診者大廈名單 ,
心諗 : 好彩 ~ 唔係我住果座樓啫 ...
點不知 , 呢個世界永遠都係咁邪 , 就在日前 , 我住果座大廈就有確診者 ,
真係好既唔靈醜既靈呀 . >_< !!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今次既話題 , 並唔係生意唔好呀 , 雪上加霜之類 ,
因為果D就梗架啦 , 唔駛再多加解釋 .
而想講既係口罩及存貨量 , 早在疫情初期 , 即係一罩難求果陣 ,
托各界人士既支持 , 總算唔駛冇罩用 , 果陣真係好誇張架 ,
又話天價一盒仲要預訂之餘 , 有D衰到係騙案添 .
由於真係咁難求 , 最差果陣我試過一個口罩用兩日半 ,
(真係唔建議大家咁做 , 唔衛生兼且臭到自己都頂唔順 . haha ... )
再之後供應稍為穩定 , 市面上280.00一盒叫做良心價 , 跟住至到依家市面大量返貨 ,
最平既50.00一盒 , 買兩盒90.00都見唔小 .
呢段期間我見到合心水既都會買 , 最高峰期有成10盒在家裡 ,
跟住介紹下我既口罩存貨 , 同大家交流一番 . ^_^ !!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
依家剩番6盒 , 全部都唔同牌子 .
有D獨立包裝 , 有D就50個一大袋咁 .
通常開封之後 , 搵個大膠盒放晒落去 .
出門時拎一個戴上就OK , 平均一日用一個 , 另外放D獨立包裝既在袋裡 ,
整污糟左就即換 , 依家大把貨 , 唔駛太過慳住黎用 .
同場加映 , 政府銅心口罩 ,
呢個話可以洗60次 , 不過有人話似底褲花紋 ,
所以從未用過 , 拎黎做紀念居多 .
最後係政府送一次性口罩 .
一包10個 , 有時間都可以一用 .
好 ~ 講住咁多先 , 第日有話題再講過 .
盡量唔好幾個月先至出一篇啦 .
Bye Bye !
年初時我喺杜拜買咗十幾盒口罩,之後返工每日派一個,老公公司又有派,加埋政府、區議員又派,所以到今天我都未有再買過口罩,而杜拜既口罩都仲未用完。
回覆刪除銅心口罩我會星期六日先帶,因為要洗。
杜拜口罩 ? 真係估佢唔到 , 係杜拜生產還是中國進口 ? 公司有供應咁好福利 , 真係要俾心機工作呀 . haha ,,,
刪除銅心口罩會唔會好焗 , 我未用過 .
中國同歐洲進口都有買。
刪除我公司冇野好,係福利最好,哈哈!
銅心口罩望落好似好厚,但其實唔厚亦唔算焗,不過入面層布都幾貼面,早排天氣太熱就唔太舒服,最近加咗個膠托就好好多。
銅心口罩聽落唔錯咁喎 , 至於貼面既問題 , 家陣熱到人都癲 , 乜鬼口罩都唔舒服 .
刪除膠托我見到街邊有售 , 最平見過3蚊一個 , 仲有透明眼鏡 , 最平既見過10蚊兩副 .
我在最決口罩時好幸運在美國訂到一批口罩給我的致親家人用,這時大家才放心,現在疫情還嚴重過年初,睇怕今年到下年年中都要戴口罩,大家要預備口罩存貨呀﹗
回覆刪除訂到一批口罩 , 咁又真係幾好彩喎 , 還記得果陣邊度話有貨 , 邊度就有人龍 , 誇張到呢 !!
刪除係呀 , 依家仲嚴重過果陣 , D人防疫意識反而冇果陣咁高度戒備 .