Hello !
今日係 5.1 勞動節假期 , 首先祝大家 "勞動節" 快樂 .
今次本來又想寫 "預算景點篇" , 奈何仲未攪掂 .
(即使今日假期 , 只係搵到些小咋 , 等多幾日先至得)
唯有搵 "預算所需物品篇" 黎頂住檔先啦 . ^^
首先左邊係 "念慈菴" 川貝枇杷膏旅行裝 ,
果度天氣咁乾燥 , 點都要帶番D滋潤野 , 唔係好易火山爆發 .
右邊係 "九製陳皮" , 試過其他野 , 始終都係呢味最適合 .
跟住就係行山拐杖 & 勞工手襪 .
手襪之前介紹過 , 至於行山拐杖咯喎 ~ 其實都唔知今次冇乜野行 ,
不過係咪都帶埋去 , 總好過要起上黎冇得用 .
再跟住就係餅乾 & 貓糧 , 後者介紹過啦 ,
餅乾就係海鷗既至愛 , 其實佢地乜野都食架啦 . XD
再黎就係水壺 & mp3播放機 ,
正常既情況下 , 飲熱野始終都好過飲凍野 ,
有D酒店有水煲 , 臨出發前煲定壺水 , 沿途都有熱野飲 ,
啤酒汽水就冇得好講啦 , 一定要飲凍既 , 越凍就越正 .
mp3播放機上次出門都帶過 , 長途車有佢 , 易過好多 .
最後就係入油紙 , 左邊果張係平時用開 ,
今次換過張新既 "日文版" , 希望佢地睇得明啦 .
同場加映 Asahi 啤酒一箱 , 呢樣與旅遊無關 ,
買定一箱黎睇門口 , 返到黎 "香港" 即時打開雪櫃就OK .
今次就介紹住咁多先啦 , 遲D可能仲有 . ^^
Bye Bye !
星期日見 ~
你果兩張紙:Regular Full Cash,不如唔好帶啦!
回覆刪除唔帶點講得佢明呀 ? 你就得唶 , 我就唔多掂 . =_= !!
刪除勞工手襪我諗起已前有幾條粉腸去東京銀座爆格 :D
刪除天賞堂果單 ?
刪除張入油紙我都啱用呀:-D
刪除小姐,你今年帶,下年租86就唔好帶喇。
刪除試想,油站員工,見到部紅色86“轟轟”聲,好型咁駛入,點知入油見呢兩張A4紙,大打折扣!
Maggie, Kaykie : 你都係咁話先算啦 ,
刪除仲等 コーさん兄 話唔好帶喎 . haha ...
コーさん : 點樣先至可以在一年裡面學識紙上面果3項發音呢 ??
刪除我呢d一句日本都唔識,係要預備d貓紙架XD
刪除你三分鐘就學識啦!
刪除レギュラー 照讀Regular
満タン 照讀mountain 慢吞
現金で 你記得「元気」寿司的genki,就記得genkin = 驚堅 (倒轉記,堅驚)
搞掂。
Maggie, Kaykie : haha ...大家咁話啦 ,
刪除冇漢字 & 貓紙 , 好難溝通 . ^^
コーさん : 即使學得成 , 佢(油站大哥)點都會知我係外國人啦 . XD
刪除佢地一望就知我地係支那人啦, 不過同佢地講番英文, 佢地就猜我地係傷講人 :D
刪除Koosan 講得啱 レギュラー 照讀 Regular, 佢地會知道你入乜油
咁多數都係講英文架啦 , 唔通同佢講普通話咩 . XD
刪除レギュラー & 満タン 都攪得掂 , 現金で 方面有D難度 .
咁你俾信用咭。
刪除カードで = 卡﹣墮,或者照讀英文credit card,visa。
哦 ~ 咁又唔駛 , 只要拎定D錢出黎 , 佢就知你俾現金啦 . ^^
刪除(入一次油頂多咪4000Yen左右 , 費時碌咭啦)
用咭儲里數吖!koosan有推介,年年都有免費飛 XD
刪除月巴,你好似講緊隔離台,3Jfamily,年年夠分換飛。
刪除不過,入油用咭,一來儲里數,二來入満タン,唔洗找太多散紙。
刪除兩位果然心思細密 , 精打細算 , 佩服 !!
刪除86唔可以入 レギュラー 架!!!
刪除就算識講 レギュラー満タン 一啲都唔型.
一定要 ハイオク
笑死,係呀,86要入ハイオク!
刪除傻啦! 用咭儲里數3J 都系同大家一樣, 應用得用. 我講系嗰位出晒Blog, 上埋報介紹人地用咩咭賺分最好嗰位呀 . . .^0^
刪除阿 C9 都係入門版咋喎
刪除佢D數又成日計錯
哦,講呢D!
刪除果位個秘技,去外地,攞張富邦狂碌,買返十幾廿萬貨攞分,返來放上taobao慢慢散(如果賣得出嘅話)。
日本水貨我都走過幾年,邊會咁樣做架?!
識玩既邊會公開教人, 班卡精都只會私底下交流啦.
刪除咁佢有收commission架? 如果咁係唔會寫到咁,佢啲post同我平日收信見到credit card leaflet無分別喎。
刪除佢嗰啲應該無, 不過都叫做幫到下平時無玩開的人啦.
刪除認真玩的啲分係多到要套現啦, 就算兩個人飛 First/Business 一年 3-4次都用唔晒.
之前睇生果報佢篇訪問⋯⋯下面啲留言,全部狂插,記得有個仲話碌りんご產品,一個月都碌咗幾球<- 係咪呢D多到要套現。XD
刪除我响香港都只係簽正常消費,無話為咗積分而專登簽多D,亦只係集中一兩張咭
刪除去旅行都只簽酒店和租車,食飯會俾cash,一年勉強都儲到一張日本機票
老公除咗用咭俾一年要俾嘅費用外,因為佢要經常出差,簽公數及坐飛機都可以儲多D,可以儲埋阿仔個張,但都只限一年一張咁多咋...
jokelib : 乜 86 唔係入 レギュラー 既咩 ? 唔講真係唔知喎 ? =_= !!
刪除果位 C9 既事跡 , 完全冇聽過 , 真係脫節 ? XD
刪除重有你個温度濕度計未出山喎哈哈
回覆刪除張貓紙就做兩手準備,講吾掂先擰出來呢
溫濕度計未決定帶新還是舊果個 , 相信要到臨出發先決定得到 .
刪除都可以既 , 就照你咁講 , 貓紙先收埋 , 講唔掂先拎出黎 . ^^
北海道有很多自助加油站 (self-service), 唔駛講野. 當然幫你入油d 服務人員都明簡單英文
回覆刪除我都有同小姐講,不過佢唔多鍾意自助入油,要人服侍。XD
刪除係呀 ~ 我都未試過自助式入油 , 次次都係幫襯人手果隻 .
刪除果然係充足嘅準備, 比你咁樣一提, 我都要帶啲滋潤嘢去沖吓嚟飲先得, 次次去到先醒起好乾, 真係唔該晒你呀!
回覆刪除咁又唔駛唔該 , 大家互惠互利唶 . ^^
刪除仲有面膜同埋 Cream , 點都唔小得 ,
最好就成Set拎晒出門 . haha ...