Hello !
今晚本來睇波休息 , 不過呢單料新鮮滾熱辣 ,
攤凍左未必會拎黎寫 , 襯住仲有Heart , 攪掂埋佢先至睇波 .
~~~~~~~~~~~~~~~~~~~~~~~~~~~~~~~~~~~~~~~~~
早排咪話好忙既 , 除左搜集旅遊資料外 , 仲搵緊 "空氣清新機" 既資料 .
內地受到霧霾天氣既影響 , 天色變得一片陰霾 , 所謂冷空氣南下 ,
霧霾空氣亦都會南下 , "香港" 難以獨善其身 , 有見及此 ,
買番部 "空氣清新機" 在房裡 , 隔一隔都好丫 .
~~~~~~~~~~~~~~~~~~~~~~~~~~~~~~~~~~~~~~~~~~
市面上有成90幾種機款 , 經過詳細篩選之後 , 剩番呢兩個選擇 .
Sharp FU-D40A
另一款 Philips AC4074
經過詳細考慮之後 , 決定揀後者 .
因為寧願揀部貴D有料到 , 好過平小小不過冇料到 . XD
由於屋企冇人收貨 , 谷盡自取 , 好重既呢 . =_= !!
拆開包裝後 , 部機就係咁款 , 幾型仔喎 . ^^
千祈唔好即刻插電開機 , 皆因裡面有四重過濾網用膠袋包住 ,
要逐一拆開再裝番上去 . (使用前先睇說明書穩陣D)
拆開膠袋裝好之後就係咁樣 , 裝番個蓋上去就可以正式開機 .
起初以為個大窿係要黎出風 , 好似無葉風扇咁 , 其實唔係架 ,
基本上只係裝飾 , 圈內有四級指示燈號 , 空氣最差果陣 , 會變紅色 .
後記 : 其實呢類 "空氣清新機" , 只不過屬於安慰劑 ,
因為唔通呢世都在房裡唔出街咩 , 出到街咪又係四圍都污染 .
叫做好過冇咁啦 . >_< !!
Bye Bye !
果然好PRO喎!
回覆刪除⋯⋯
⋯⋯
⋯⋯
貼咗北海道地図!
haha ... 攤開張地圖黎睇 , 宏觀好多 ,
刪除唔駛鋪鋪都搵 Google . ^^
貼張地圖喺度唔通準備跳傘 ^^
刪除其實買抽濕機比較好D?
刪除跳傘 ? 有既咩 ? 頂多都係 "富良野" 熱氣球唶 .
刪除t : 抽濕機仲要貴D喎 .
刪除抽濕機令間屋無咁潮濕, 仲可以隔一隔細菌
刪除前排我都買左個 airfree, 貪佢唔駛更換隔麈網
刪除呢部都唔平。
刪除http://www.price.com.hk/product.php?p=116504
t : 抽濕機耗電量或者會高D .
刪除コーさん : 係呀 ~ 好貴既呢 . >_< !!
刪除抽濕機耗電量一定高但用途多D
刪除如果抽濕既話 , 開冷氣都可以做到抽濕效果 . ^^
刪除Airfree 都幾型仔喎 . ^^
刪除部機遮咗張北海道地圖啊!
回覆刪除唔緊要啦 , 張地圖一早已經在心中 . haha ...
刪除架機幾型仔有D似lPhone呢,功效如何等你的測試結果呢哈哈,吸一吸可能鼻敏感都無咁勁
回覆刪除i-Phone ? 唔講過又唔多覺 , 講開又有D覺喎 . ^^
刪除有時間整番篇測試結果都好喎 . XD