Hello !
今次呢篇網誌 , 本來應該繼續講行程 ,
點解改為講心路歷程 ? 一切就要從午飯時說起 .
話說放午飯時在 "大X樂" 裡面 , 拎部手機出黎 Check 網誌 ,
見到一段來自Blog友 Paul Lui 既留言 , 內容係 :
我去年九月去北海道,看左您的blog非常有幫助. Thank you !
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
之後食飯期間 , 突然思潮起伏 , 種種前塵往事 , 湧上心頭 ...
早在 2009年果次 "北海道自由行" (非自駕) 之後 , 開始計劃明年 ,
即係2010年既 "北海道之旅" , 當時不斷查找旅遊天書 ,
搵下由 "札幌" 去 "登別" 應該點去 ? 搭 JR 去到 "登別駅" ,
再轉巴士上 "登別溫泉駅" 落車 ? 定抑或係Book旅館房間時 ,
預約埋接送服務呢 ? 但係我D日文咁水皮 , 點樣同佢溝通呢 ?
其他既景點又應該點樣行 ? 旅館又點接駁呢 ? 呢個問題都困擾左幾耐下 .
直至到在 Yahoo Blog度見到Blog友 Piggybread姐 以自駕遊方式黎遊覽 .
覺得都唔錯喎 , 不過果陣確實有D淆底 , 皆因一直都認定左自駕遊
要對 "北海道" 非常了解與及日文能力有番咁上下 ,
再加埋資深既駕駛技術方可成事 , 所以果陣經常向其請教 ,
包括問夜晚泊部車在邊度 ? 入油入邊種 ? 多唔多抄牌 ? (正式係問題少女)
搜集到充足資料後 , 先至夠薑膽粗粗地自駕遊 , 所以Blog友
Piggybread姐 可以話係我自駕遊既啟蒙老師 , 又要特別嗚謝一番 . ^^
就係咁 ~ 由2010年開始 , 我既自駕之路正式展開 ,
第一次自駕時所駕駛既車輛亦係 PiggyBread姐租既 Axio ,
呢部車係一部好好既練習車 , 我都係靠佢先至重拾番學車時既感覺 .
雖然係搜集充足 , 不過都發生左唔小蝦碌事件 ,
包括唔識得點樣拎番條車匙出黎 , (原來要質入去再扭)
同埋未鬆手掣就開車等等 ... 好彩只屬小問題 , 叫做得啖笑咁啦 . ^_^ !!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
時至今日 , 經過四次自駕遊既歷煉 , 已經成為左高手 . (自己認為) XD
如果大家有乜野自駕遊既問題 (我知既話) , 都樂意為大家解答 .
因為自駕遊實在太好玩 , 自我既感覺太過良好 . haha ...
若然仲係要搭 JR加接駁巴士既話 , 相信即使會去 "北海道" ,
都係三幾年先去一次 , 亦未必會寫落網誌度記錄行程 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~
而今年既行程 , 將會在兩個月後開始 , (賣定廣告先)
期待今年既行程各方面 , 會比以往更加精彩 .
Bye Bye !
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
P.S. : 行程景點聽晚再講過啦 . 再 Bye Bye !
https://www.youtube.com/watch?v=tzNaPCVqi08
回覆刪除^^ 不過我未聽過。
葉世榮 ~ 薪火相傳 . 勁 !!
刪除你而家直情係北海道自駕遊既老前輩啦!
回覆刪除haha ... 老前輩 ? 咪玩啦 , 係都你先啦 . ^^
刪除網上高手如雲 , 就好似 3J家庭既自駕遊 , 直情係出神入化 .
仲有 Nerissa , 廿幾日自駕遊 , 我果D真係望塵莫及呀 .
嘻嘻,揸車嗰個唔係我,我做領航員唧 :P
刪除度得出咁堅既行程 , 應記一功 . ^^
刪除我無車牌架,都唔係司機,只負責策劃同領航及上網攞料咋....
刪除無法喇...鬼叫司機工作忙,依D嘢唯有我負責做
man wai小姐緊係“老前輩”,我都學咗唔少野,尤其認識“蝦碌”事件方面。XD
刪除3J 家庭 : 你地創出半自駕遊 , 非常之唔簡單 . 讚呀 !!
刪除雖然我都好想模仿 , 不過我都係鍾意全自駕多D . ^^
コーさん : 前輩 ? 仲要老果隻 , 幾大都唔認啦 ,
刪除叫到老晒 , 容乜易D Blog友 以為我係 "老餅" 架 . haha ...
其實我好後生架咋 . XD
其實半自駕遊唔係我創出,相信都有唔少網友都有咁做
刪除半自駕視乎個行徎覆蓋範圍有幾大,移動嘅地方有幾廣,交通方便有JR到的話坐火車都唔錯,仲可以眠一眠抖一抖,當然如果要去一D山卡拉嘅地方就緊係要自駕喇,所以如果要去太遠嘅地方不妨坐一程JR,去到然後先租車玩周邊嘅地方,可以慳番D時間
依幾年响日本(老公)揸過唔少地方,東北、關東、關西、中部,九州,沖繩,始終都係北海道最好揸,難怪你咁鍾意去北海道,不過有機會都試吓去其他地方揸吓,感覺會唔同
3J家庭 : 如果遊覽地方比較廣闊既話 , JR + 自駕遊確實係唔錯 .
刪除至於衝出 "北海道" 呢個問題 , 真係要好好咁考慮一下 . ^^
不過聽聞其他地區既自駕遊 , 經常會遇到大塞車 ,
唔知你有冇試過 ?
以純揸車計,我比較鍾意長野那邊山路。
刪除コーさん : 長野在何方 ? 有乜名勝 ? 近唔近東京 ?
刪除上Google搵一搵先 . ^^
塞車都有試過,但大塞車好似暫時唔覺有 (touch wood先),不過關東關西一帶比北海道多好多車,要較為小心
刪除コーさん : 山路通常都好多彎,轉左轉右轉到頭到暈,不過山上嘅風景又唔同,嚟緊9月打算去群馬榛名山 (秋名山)揸吓,你有無揸過條山路
山路多彎,要打醒十二分精神。以駕駛者計,揸車就享受,乘客會坐到暈。
刪除榛名山我無上過呀,不過早前睇返和豚媽媽舊blog(無搬文章):
http://blog.xuite.net/master1010/hkblog/103854118
3J 家庭 : 如果太多車既話 , 我會好緊張 , 暫時都係以 "北海道" 為自駕首選 . ^^
刪除コーさん : 長野縣正係 "日本" 既中央區域 , 唔太近 "東京" .
刪除如果他朝去 "能登半島" , 可以順便去埋 . ^^
小姐,長野係東京西北方,三小時車程左右。主要景點⋯⋯最出名應該係軽井沢,Nerissa去過幾次,你可去睇。
刪除其次大名氣,立山黑部,係長野〜富山之間,1733第二次日遊就主要果頭,不過,唔可以行車嘅。
仲有好多乜乜高原,温泉,SKI場之類,過多少少就到白川鄉。
コーさん : 呢個 "長野縣" , 果然幅員廣闊 , 要玩晒都有排 .
刪除去長野, 緊係住番晚上高地
刪除t : 你有冇去過 "長野縣" 呀 ?
刪除頭D條路有乜理由唔去朝聖, 2011年去咗 lu http://huinerissa.blogspot.hk/2011/12/149.html
刪除Nerissa : 頭文字D 五連髮夾灣 , 勁喎 .
刪除無人影低個GPS,睇睇髮夾灣乜樣。
刪除我諗國道28呢個位比較激。
刪除https://goo.gl/maps/2kunr
唔睇都唔知 , 原來隔離仲有個 "榛名湖" 喎 .
刪除我有影到 Vcam 不過唔方便擺出來。
刪除如果有 CarCam 影低條賽道就正喇 . ^_< !!
刪除Nerissa你mute咗條聲咪得囉。
刪除コーさん : 其實你知唔知究竟拓海鬥車係邊條路,係咪國道33
刪除基本上日本好多山路都有唔少髮夾彎,都揸過好幾次
man wai︰係呀,榛名湖响頭文字D都有出現過,都幾靚架....
真係要請教一下 コーさん . ^^
刪除榛名湖出現係電影版定卡通版 ?
佢地有好多條⋯⋯
刪除http://goo.gl/fqGz0u
你揀啱“賽道”,去google map search,對一對地形,應該揾到。
例:いろは坂
就是日光去中蟬寺湖。
https://goo.gl/maps/8QeFU
睇youtube,都幾嘔。http://youtu.be/l7JrzXBzM9A
電影係咪只有秋名賽道呢? 我只係睇過電影無睇過漫畫
刪除秋名 上級 7.5km 下り/上り
刪除真係國道33。
コーさん : 好有第一身Feel , 真係有D想嘔 . haha ...
刪除不過就唔好學喇。
刪除コーさん : (飄移)想學都學唔到啦 , 你估我係 "秋名86" 咩 . ^^
刪除日光嗰九十九個S 彎一直在心中, 始終有日要會一會.
刪除嗰次喺輕井澤鬼押出し園夜後去松本,嗰d 彎都唔睇得少, 一樣係劈住劈住咁落山.
大小姐,你唔係去過咩,日光喎?
刪除去過兩次添, 不過係坐巴士 :P
刪除哎呀,日光我去過三次,果個「いろは坂 」劈過兩次。
刪除不過唔好大期望,車多行30,好慢㗎。
其實日本都好多山路好劈, 車又唔多, 反而出名既景點太多車唔過癮.
刪除上次呢條女開175, 你班友仲叫小姐飛車 :D
刪除https://www.youtube.com/watch?v=qIWMT_xtkGU
t先生,我有加免責聲明。
刪除コーさん30/3/14下午1:48
不過就唔好學喇。
同埋好似155,架AQUA上好似上唔到160。:D
刪除嘻嘻,可能我記錯175 :)
刪除t : Wow ~ 居然Post咁既片上黎 , 仲要係Aqua , 係咪玩野先 ? haha ...
刪除又160 又175 , 你估我租 "波子" 咩 . ^^
提小姐小心駕駛 ^^
刪除亞瓜都唔係好實淨, airbag幫唔到個頭
放心喎 , 我會好小心駕駛既 .
刪除路人甲: 想做個 [掛單]駛唔駛登記呀 ? :D
回覆刪除你係熟客中既 VIP , 當然唔駛登記啦 . ^^
刪除自駕遊真係方便好多,但對於我哩啲唔識揸車嘅人,唯有繼續JR+巴士啦!
回覆刪除不過一個人既話 , 成本就比較高 , 三五知己一齊遊覽 ,
刪除租車費用可以攤分 , 食多幾碗拉麵都得 . ^^
你都快D考番個車牌 , 同B女 ~ 細妹 ~ 大笨蛋柴娃娃咁旅行 ,
舒服好多架 . Yeah !!
man wai 自從睇咗你果篇"知床通宵車篇"之後,我就夠膽自駕遊啦(不過我都只係領航員...haha)當時我同老公講有個女仔1個人夠膽係日本開通宵車都冇問題,我地兩個人都應該冇問題嘅,所以你都係我啟蒙老師嚟㗎!
回覆刪除我都可以做人地既 "啟蒙老師" ? 實在太過榮幸 .
刪除正式係 "薪火相傳" 喎 . Yeah !!
其實通宵車都唔係太過危險唶 , 只要車速唔太快 (路上可能有動物)
同埋夠精神 , 應該問題不大 , 其實國家就唔敢包咯 .