Hello !
上回講到攪掂晒整個行程 ,
頓然覺得有種 "如釋重負" 既感覺 , 呢個行程由5月21日正式開始 ,
至到寫到10月7日 , 為期足足4個半月 , 本來唔止架 ,
不過就住Yahoo Blog死線前攪掂 , 所以加快進度 .
~~~~~~~~~~~~~~~~~~~~~~~~~~~~~~~~~~~~~~~~~
講起今次網誌 , 原先以為上次失相事件已經夠遺憾 ,
點知今次既遺憾就更大 , 點大法 ? 大到要開多一個網誌黎繼續 ,
今鋪都算係失策 , 一日都係自己衰多手按下 "輕鬆搬家" .
攪到即時封Blog , 最慘就係D備份根本完全幫我唔到 ,
不過算啦 , Yahoo Blog呢度始終都會一筆Out消 ,
到時一切恩怨亦都會煙消雲散 .
~~~~~~~~~~~~~~~~~~~~~~~~~~~~~~~~~~~~~~~~~~~
講番打後既去向 , 我諗住搬往 Google Blogger (已經搬齊)
不過暫時都係測試階段 , 等到試用期屆滿後再決定點環境 .
另外再講 Yahoo Blog 執笠一事 , 好多Blog友都轉投 Google Blogger ,
亦有Blog友放棄 , 當中以 "電占與豆豆" 最為轟烈 ,
佢既網誌人氣遠勝於我 , 都可以話唔寫就唔寫 ,
淨係呢份能捨既胸襟 , 我都望塵莫及 , 佩服 !
~~~~~~~~~~~~~~~~~~~~~~~~~~~~~~~~~~~~~~~~~~~~~~
至於我咯喎 , 他日即使真係在 Blogger 掛單 ,
都係邊寫邊休 , 即係3 ~ 5 ~ 7日先更新一次咁啦 .
畢竟都寫左咁耐 , 好難話放棄就放棄 ,
但係又唔想太操勞 , 唯有採取 "中庸之道" 啦 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~
最後 , 能夠在 Yahoo Blog 12月26日結束之前 ,
搬晒所以旅遊網誌過黎 , 心情都幾暢快 ,
好似剛完成一個大Project , 舒服晒 !!
Bye Bye !
恭喜,恭喜完工大吉!
回覆刪除多謝 , 拖得太耐了 , 襯今日得閒 ,
刪除谷盡一鋪過解決埋佢 , 長痛不如短痛 , haha ...
我就仲有排執 :(
刪除慢慢黎啦 . ^^
刪除大小姐,你爭幾多未執?
刪除其實我剛剛搬了1733舊blog去picasa,你有需要幫手出聲。
代客泊車就聽過 , 代客搬Blog都有 , 咁都得 ?
刪除人人搬屋咩 . haha ...
有架,台灣果邊,搬blog係收費添,係一門生意。
刪除真係無奇不有 , 勁 ! ^_^ !!
刪除收費如何架 ?
應該唔貴,好似2蚊台幣一post⋯⋯
刪除其實乜都有,online game果D,有公司揾人打機賣分數/level。早排高調拉左個賣“YAHOO拍賣正評”(因為違法)。
同埋好多印度,巴基賣facebook like, twitter follower.....
係咪好好揾呢?
咁有商業頭腦 , 真係服左佢地 . 俾個 Like 佢地啦 .
刪除唔該晒コーさん, 其實我已經搬好晒, 而家主要係執番晒d 相就搞掂.
刪除唔洗唔該。
刪除大小姐,有冇住過呢間:スーパーホテル御殿場Ⅱ号館?
冇呀,御殿場兩間Super Hotel 都 book 唔到。
刪除Super Hotel , 我都有興趣 . ^^
刪除今早見五月已經出哂,拿拿聲book左先。
刪除小姐都有興趣?同你住開果D好大分別喎。
コーさん : 有乜野分別 ?
刪除分別,好細間,半自助。
刪除對我家來講就OK,我覺得潔淨,小朋友無料,朝食無料。
我都係覺得酒店一定要乾淨, 包括見到同唔見到既=))
刪除半自助 ? 未試過喎 .
刪除都係住番平時果D算喇 . XD
半自助,點講呢,好似日本M記咁,D食物OK,價錢大眾化,不過你要自助拎野,食完執返(日本)。
刪除スーパー就係慳多D人工,降低售價。
例如,佢地要求入房除鞋先(洋室,不過用和室做法),咁佢地清潔都易D快D。
如果你真係一年玩一次,住返四,五星酒店算啦。