Hello !
早日睇報紙見到有個 "日本櫪木縣名物展" 介紹 .
老老實實 , 對於 "櫪木縣" 所知真係有限 , 淨係聽過 "櫪木SC" .
(依家在 "日本乙組聯賽" 排名第8 , 聽日將會作客 "長崎成功丸" ,
"馬會足智彩" 暫時賠率係 2.95 , 買些小支持佢都好喎)
至於佢在 "日本" 邊個地方 ? 真係俾張地圖我都指唔出 .
於是上網搜集佢既資料 , 原來就在 "東京" 上面 "日光" 果頭 .
而呢個名物展就在 "荷里活廣場" 舉行 , 既然近近地 ,
今晚收工一於去探過究竟 , 一去到 ~ 即刻見到連場打鬥 ,
有兩位 "美少女" 與 "忍者" 扮相既男人火拼 ,
間唔中有位老伯出場攪笑 , 期間播放 "金鐵交鳴" 既打鬥音響 ,
呢個情況有D似曾相識 , 就係 "登別伊達時代村" 裡面打鬥模式 ,
不過 "登別" 果度仲要肉緊小小 .
就在地下舞台打鬥 , 走來走去 .
打鬥中 ... (四圍取景)
有工作人員在攝錄 , 好Pro喎 . ^^
忽然二對一 . (試試唔用閃光燈)
老伯忍者負責攪笑角色 . ^_^ !!
睇唔到既話 , 樓上有大電視播放 .
本來隔離仲有D名物介紹 , 同埋旅遊資訊部 ,
不過部相機冇電冇得影 , 唯有拎D資料返屋企慢慢睇 .
睇完之後 , 覺得果度都係一個唔錯既地方 ,
只不過明年即使出門 , 亦多數唔會選擇果度 .
因為我始終都係 "北海道" Fans , 就算離開 "北海道" ,
次選都暫定 "能登半島" 或者 "鬼太郎" 家鄉 "境港市" 果頭 .
依家始終都仲有一段長時間 , 可以慢慢考慮 .
如果大家有時間 , 不妨去 "荷里活廣場" 睇睇佢地 ,
個名物展做埋聽日 (11月3日) 就完結 .
Bye Bye !
P.S. : 櫪木SC 作客不敵 長崎成功丸 , 慘吞兩蛋 . 0:2
P.S. : 櫪木SC 作客不敵 長崎成功丸 , 慘吞兩蛋 . 0:2
櫪木縣那裡,我以前都喜歡去,日光鬼怒川。不過呢,311後暫時都不會走那邊。
回覆刪除鬼怒川個朵亦都好行 , 原來在 "日光" 果頭 , 真係 "孤陋寡聞" . XD
刪除係,日光鬼怒川通常一齊玩。我初時自駕就在那裡,有段髮夾彎好出名。紅葉時期去非常好。
刪除コーさん : 想問你初次自駕遊係幾時 ? ^^
刪除呢度,兩日一夜
刪除コーさん : Sorry ! 想問乜野年份 ?
刪除上面果條link。
刪除2004年7月 東京~関西 D7 軽井沢
http://koosan.blogspot.hk/2013/05/20047-d7_18.html
原來2004已經開始自駕遊 , 前輩呀 !! 利害 .
刪除部車仔都好得意喎 . ^_^ !!
無話前唔前輩,我呢幾年都好少去。打算來年暑假去道東,要跟你學習。:))
刪除部車仔得意,但係無力,當時要熄冷氣先可上山。
小姐單匹寒冬跑稚內, 堅過石堅:)
刪除第一次雪駕 , 乜都夠膽死 . XD
刪除好耐無見,之前想用番小頭個名但google話吾用得重鎖埋AC攪到留吾到言,用番呢個名先得
回覆刪除櫪木都好少聴人去,吾知有咩好玩好食野呢
唔用得之餘仲要鎖埋AC ? 咁都得 ? 不過冇乜所謂啦 , 知道你係 "小頭" 咪得囉 .
刪除就係因為 "櫪木" 好小聽 , 所以佢先至黎 "香港" 推廣 , 不過暫時都唔會去果度住 . XD
小姐,你上星期睇完個 show, 今朝震一震 remind 你
回覆刪除地震之嘛 , 習慣晒啦 , 唔怕既 . =_= !!
刪除