Hello !
尋日12月26日發生左兩件事 ,
第一件係生日 , 生日會經已結束 . 第二件係 Yahoo Blog 正式關門大吉 .
生日會上篇開完 , 呢篇主要講 Yahoo Blog 關門事件 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
由8月尾佢宣佈結束後 , 至今已經四個月 ,
期間經歷過封Blog , 攪到旅遊網誌要開另一個戶口 .
完成晒整個旅遊網誌後 , 即使佢變成唯讀 , 我都會上去瀏覽 ,
依家佢正式關門大吉 , 心情上若有所失 .畢竟第一次寫網誌 , 就係由 YB 開始 .
最後果日我上番自己兩個網誌度記錄番D資料 .
A區 (即係首個網誌) , 有 915657 個瀏覽次數 .
B區 (即係新開網誌) , 有 131239 個瀏覽次數 .
扣除番自己瀏覽次數 , 都有成接近 100萬次點擊 ,
對於我黎講 , 都算唔簡單咯 , 嚮度多謝曾經上過黎參觀既讀者 , 多謝晒 !
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
話說呢個網誌既由來 , 係當年年少氣盛既我 ,
在報章裡見到乜野唔順眼 , 都拎黎講一餐 , 尤其係自殺攪攪震果D ,
更加係剷到佢上天花板 , 之後乜野都講下 , 好似 : 足球 ,
私人恩怨之類 , 最後見人地寫旅遊網誌寫得咁過癮 ,
自己都加入戰圈 , 結果一寫就寫到依家 .
呢6年裡面都同 YB 經歷過好多篇網誌 , 依家佢正式結束 ,
就拎番部份曾經上載過既相片黎懷緬一番 . (相片排名不分先後)
首先第一張 , 風球過後黎過直擊報導 .
呢隻碟在遊日期間購買 , 明明唔識日文都買隻日文版 ,
都幾無謂 . XD
最初版本既資料統計 , 累積瀏覽 133073 , 勁 !
有8個人同時在線 , 多謝支持 !
CHOYA 梅酒 , 好正架 .
地圖URL 係搵 Mapcode 既方法 .
曾幾何時 , 有好多垃圾留言 , 黑名單多達 302 人 .
棕熊大鬧 "斜里" , 之後去實地考察一番 . ^^
鴨記電煲 , 一套一舊水 . Yeah !
班門弄斧學人講足球 , 紅魔下盤穩 . ^_^ !!
新聞時事亦佔左好多篇網誌 .
過年湯丸 , 私人恩怨篇經常出現 .
仲有好多張相可以懷緬 , 不過篇幅所限 , 不能盡錄 .
懷緬住咁多先啦 .
Bye Bye !
~~~~~~~~~~~~~~~~~~~~~~~~~~~~~~~~~~~~~~~~~~~~~~~~
P.S. : 至於當日 Yahoo 提供既另一個網誌 : with GOtrip .
經過詳細考慮 , 決定唔參加咯 , 理由只有一個 .
就係 : 棄我去者 , 昨日之人 , 不可留 !
就係 : 棄我去者 , 昨日之人 , 不可留 !
黑名單? 係咪D人見你幅幅貌美如花,所以多人入來亂up(好似我都係XD)。
回覆刪除當然唔係啦 , 其實係唔知點解 , D人既回應好無厘頭 ,
刪除好似 : 好棒的文章 , 來推一下 . 之類咁啦 .
而且人人有份 , 唔止我一個係咁 .
唔似得你既回應咁有見地 . ^^
因為有D人揾食,要將自己website推高排名,就不斷加多backlink指去佢個website。以前最容易就係去人地blog留言,果D留言係電腦做,不經人手,俗稱spamming。
刪除哦 ~ 原來如此 , 我都奇怪架喇 , 點會有人咁得閒 ,
刪除四圍咁留言 , 仲要係無厘啦謂果隻 . =_= !!
你D舊「私人恩怨」好似無搬過黎,咁咪同YB一起長埋。
回覆刪除問生死誰敢怨含笑到黃泉 :)
刪除仲有少少:http://goo.gl/Z6w8LM
刪除Nerissa : 舊既 "私人恩怨篇" 多數都係無謂野 ,
刪除就由得佢同 YB 陪葬 . ^^
t : 命不運不得我挑選 , 前途生死自己難斷 ...
刪除決戰前夕 , 型呀 !
コーさん : 唔係呀嘛 , 我係咪發緊夢 , 居然見番我D "私人恩怨篇" , 正呀 !
刪除邊位仁兄咁有 Heart , 讚呀 . ^_^ !!
果個係wayback machine,幫全世界website留底。
刪除apple daily咁多年都係700幾次capture,你有兩次,算唔錯。
係咪即係佢隨機抽D網誌黎 Capture , 剛剛搵到我個網誌 ? (咁好彩)
刪除咁你又點知佢幫我 Capture 左我既 "私人恩怨篇" ?
佢地周圍巡,capture全世界website,你去http://archive.org search 下,就揾到,包羅萬有。
刪除例如老牌website,可以去到1996年,勁唔勁?
咁都俾佢搵到我 , 咁都得 ? 勁呀 !
刪除你個blog開咗幾年,一定會揾到。
刪除都要多謝佢俾面既 . ^^
刪除我最記得你去旅行個個有濕度同溫度計丫,我都想買個
回覆刪除其實我都想寫番,不過好多野未係好識,好似吾知點加可以睇到blog友幾時留言等遅D都要請教下你呢
果類濕 & 溫度計 , 鴨記大把啦 . ^^
刪除我都唔算太熟習呢度 , 邊學邊寫啦 ,
如果我識既話 , 一定詳細解答 .
小姐果條係咪大南街近南昌街?
回覆刪除唔係呀 , 不過都近 , 係汝州街近南昌街 . ^^
刪除我有時都去下華輝買野㗎, 可能喺鴨記碰見過小姐 ^^
刪除華輝 ? 賣乜野架 ?
刪除鴨記多數過境性質 , 好小停留 , 黃金商場果邊可能多D機會 .
不過呢個世界雖然好細 , 都唔會細得咁離譜掛 . haha ...
我直頭下載不了個BLOG.
回覆刪除之後再睇,今日已經不能再下載了!
華輝是在鴨寮街,專賣電子零件.
還有,生日快樂!
刪除係呀 , 過晒廟咯 . >_< !!
刪除哦 ~ 專賣電子零件 , 聽日去睇下先 . ^^
多謝晒 , 招呼唔到 , 飲多杯丫 . haha ...
刪除