Hello !
上回講到身體有小許不適 , 經過調息之後 , 經已無恙 .
首先報個平安 , 免得大家掛心 , 多謝各界關心 . ^_^ !!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
未開始之前 , 先跟進番上果篇 , 在休息期間 , 特登上 Youtube
睇左兩集 杜如風 既 流行東京 , 風格上同 流行首爾 一樣咁大癲大肺 .
只不過數年前俾人感覺似 啊sa , 依家就似 蘭子 ,
再加上在免費台播放 , 觀眾反應最直接 , 鍾意既就捧上天 ,
唔鍾意就踩到變地底泥 , 我就冇乜所謂既 , 即睇如儀 ,
最多Mute左把聲 , 齋睇字幕 . XD
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
好喇 ~ 輪到正題 , 今次介紹呢樣 實用工具 , 同去 北海道 有關 .
每次去 日本 , 我都會帶埋 溫/濕度計 , 基本上在酒店房裡面 ,
濕度長期都係百份之45左右 , 本地人就唔知 , 香港人就肯定覺得好乾 .
即使在床頭放杯水 , 甚至浴缸放灘水 , 都係杯水車薪 . >_< !!
今次介紹呢個產品就犀利喇 , 既唔阻訂之餘 , 仲有實際用途 .
就係呢個迷你加濕器 , 尋日在 鴨記 買 , 價值 $47.00
仲有好多款同類產品 , 價錢都係差唔多 , 任君選擇 . ^^
拆開包裝 , 主機一個 ~ USB線一條 ~ 類似衛生棉條兩條 .
將衛生棉條直插入主機裡面 . (記得隊到盡頭連接點)
個主機係萬能Key , 可以套落唔同裝水樽上 ,
今次求其搵到可樂杯黎測試 , 跟住在主機插上USB線 .
一插電就黎料 . (請打橫睇)
黎多個角度 .
出蒸氣量一般OK啦 , 如果想勁D , 可以買貴小小 ,
大約 $150.00 左右 , 蒸氣量就勁好多 , 不過呢D野都係做下樣 ,
細細個幾得意 , 適合酒店床頭使用 .
如果真係要勁補濕 , 唯有等返到香港先慢慢執既唶 .
咁一杯水可以用幾耐呢 ? 暫時只係測試中 , 仲未知道 ??
Bye Bye !
又有新玩具 (‐^▽^‐)
回覆刪除咁啲行李未越來越重
冇乜所謂啦 , 呢樣唔帶唔得 , 唯有減其他冇咁需要果D . =_= !!
刪除印象中商務酒店多數都有放濕機。
回覆刪除既然唔肯定間間都有 , 自己帶埋去穩陣D嘛 . ^^
刪除真係又平又抵玩喎~
回覆刪除衛生棉條幾時換一次呀, 用完真係買衛生棉條補充??
係呀 ~ 幾十蚊 , 飲餐茶都唔止 . ^^
刪除衛生棉條 可以循環再用 , 我諗用到污糟辣撻先換掛 , 有另一條做士啤 ,
應該唔駛咁快用衛生棉條代替既 . XD
測試如何呀,無消費者用後報告既 XD
回覆刪除測試報告 ? 如果放床頭 , 基本上都OK既 , 如果要整個房都加濕 , 咁就有D難度 .
刪除好啦 ~ 星期日黎個詳細用後報告 , 再加小小旅遊簡訊啦 . ^^