Hello !
踏入2015年 , 雖然仲有排先至出發 ,
不過搵料方面都不敢怠慢 , 經過多日黎既研究 , 暫時跑出既係 Plan C ,
程度都有成 80% . (唔敢講到百份百 , 始終都要留番條後路走棧)
餘下既 Plan 或者下次再下次先至諗佢 , 依家集中火力研發Plan C先 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
呢個Plan C 同第一次發表時 , 有小許差別 , 只係線路方向既問題唶 .
依家再介紹一下重新修訂既路線 , 淨係講個大方向 , 遲D再補細節 .
首先第一日 , 香港 ~ 成田 ~ 新千歲機場 ~ 札幌 ~ 拉麵 . (改不了)
第二日攞車即向 襟裳岬 方向進發 . 夜晚都係住果頭既旅館 .
第三日向 釧路市 行 , 中途都係睇海邊景 , 夜晚住 釧路 既酒店 .
第四日要攪掂 阿寒湖 ~ 屈斜路湖 & 摩周湖一帶 , 夜晚住是但一度 ,
不過我諗都係住 屈斜路湖 附近成數高D . ^^
第五日就過 知床 果邊 , 希望可以睇到高清既 知床峠 啦 .
(下面既 根室 , 呢Part 都唔招惹佢住 , 5月中 ~ 我諗都仲係好大霧) >_< !!
第六日攪掂完 知床五湖 之後 , 向 網走 方向行 , 夜晚在 網走 搵間旅館落腳 .
第七日向 紋別 方向行 , 沿海邊北上 , 夜晚入住 枝幸温泉ホテルニュー幸林 .
第八日都係沿海邊北上 , 經過 稚內 , 攪掂完就南下 , 夜晚住 羽幌町 是但一間旅館 .
第九日去 二世古 還是返 札幌 ? 暫時都未諗到 .
第十日如果尋日返 札幌 , 咁呢日自然係返 香港 .
呢一刻就諗同咁多 , 遲D仲會小修小改 , 不過方向就唔會太變 .
好 ~ 夠鐘食晚飯 , 今日講住咁多先 .
Bye Bye !
5月可以睇埋芝櫻喎^^
回覆刪除咁咪要再去多次 瀧上町 ?
刪除啱時間去都好呀,好過上次淨係影花苗。
刪除唔一定要去 紋別 瀧上町 , 搵到個 網走 ひがしもこと芝桜公園 ,
刪除好似唔錯咁喎 , 可以考慮一下 . ^^
買左機票未?
回覆刪除咁又冇咁快 , 起碼都過左農曆年先啦 . ^^
刪除呢個plan c 幾好咁喎~~ ^^
回覆刪除叫做OK啦 , 避開左 根室 果頭 , 鬼叫10月冇假咩 . >_< !!
刪除知床會住邊,友季想跟Plan C,參考吓。
回覆刪除嘩 ~ A.M.3:29 問 知床 住邊 ? 咁夜 ~ 唔駛訓 ? (星期六玩通頂)
刪除知床 諗住幫襯呢間 ウトロ温泉 知床グランドホテル 北こぶし
我就未幫襯過 , 不過有Blog友試過 , 口碑唔錯咁話喎 . 網址係 :
http://travel.rakuten.co.jp/HOTEL/8312/8312.html
一諗起知床唔知住邊就訓唔著, 以前次次去知床都係住開dolphin hotel, 今次想換個地方住, 呢個グランドホテル好似唔錯, ありがとう
刪除依稀記得你好似仲有排先出發 , 咁快就訓唔著 , 幾時先到出發果日 ?
刪除呢間 グランドホテル 我都未住過 , 試過好既就多謝Blog友 Fung Mandy 啦 .
都係佢介紹俾我 , 我再轉介紹俾你 . ^^
啦啦啦~~ 我只住過樓下果3間咋, 唔好搞錯呀 XD
刪除ウトロ温泉 知床プリンスホテル 風なみ季
知床ノーブルホテル(Knoble Hotel)
知床世界自然遺産の宿 しれとこ村つくだ荘
係喎 ~ 攪錯左添 , 因為 風なみ季 同埋 北こぶし 睇落好似差唔多咁款 ,
刪除一時錯手 , 屈左 Fung Mandy 姐添 , 真係唔好意思喇 .
好啦 ~ 友季姐 , 再重申一次 , ウトロ温泉 知床グランドホテル 北こぶし 就我介紹既 .
ウトロ温泉 知床プリンスホテル 風なみ季 就 Fung Mandy 介紹既 .
千祈唔好攪錯 . XD
哈哈, 唔緊要, 知床果邊間間酒店名都差不多,
刪除ウトロ温泉 知床グランドホテル 北こぶし 姊妹店都有三間
ウトロ温泉 知床プリンスホテル 風なみ季 姊妹店又係三間
真係睇到眼花架 XDD
之前話雪駕,宜家話雪駕危險,改為五月出發,
刪除ウトロ温泉 知床グランドホテル 北こぶし
ウトロ温泉 知床プリンスホテル 風なみ季
兩個名咁似嘅, 點都要多謝兩位姐姐, ありがとう
乂⍲‿⍲乂
Fung Mandy : 每間又分拆3間 , 加埋咪6間 ? 咁都得 ~
刪除隨時Check in 都 Check 錯 . haha ...
友季 : 咁雪駕又確實有潛在危險 , 如果非必會 , 都係正常駕好D .
刪除出黎玩唶 , 唔駛搵命搏 , 最緊要開心 . ^_^ !!
咦 ~ 大家都係5月喎 , 有可能會在 知床 遇見都唔定 . haha ...
唔駛客氣啦 , 我D料咪又係在網上搵番黎 , 大家互相交流唶 .
其實 知床 呢Part我都未落實住邊間 , 不過唔係 北こぶし 就係 風なみ季 .
友季, man wai, 兩位唔好意思呀, 我都比知床D酒店搞到頭大, 要更正一下 XD
刪除樓下三間是同一集團先啱, total 都係3間, 唔係6間 :P
ウトロ温泉 知床グランドホテル 北こぶし
ウトロ温泉 知床プリンスホテル 風なみ季
知床 夕陽のあたる家
Fung Mandy : 咁又唔駛唔好意思咁隆重 , 果度D酒店咁複雜 , 攪錯先至係正常 .
刪除乜野集團同幾多間都唔重要 , 最緊要係平靚正 . haha ...