Hello !
尋晚去大家樂果度食晚餐 , 俾錢後除左攞餐收據之外 ,
仲搭多一張寫住Club100既紙 ?
就係呢張喇 ~
打開之後 , 見到寫住呢D字 ...
跟手再Check下張收據 , 真係多左100分 .
(有效日期至到 2016-01-16 , 有足夠既時間俾你用)
原來係為左上次資料失竊事件作出補償 ,
其實香港人一向善忘 , 雖然呢單新聞都叫做有聽過 ,
不過都冇乜點樣上心 , 好話唔好聽 ,
就連當日入會時俾過乜野資料佢都唔記得 ? 所以即使佢當冇事發生過 ,
依然會繼續幫襯佢 , 依家既然有多一舊水面額既樂賞錢 ,
咁就真係多謝夾盛惠 . ^^
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
仲有 ~ 繼續幫襯佢亦都係為勢所逼 , 自從領匯上場之後 ,
小店買小見小 , 剩低落黎既食肆 , 唔係大酒樓就係 大家樂 ~
大快活 ~ 麥當勞 ~ 肯德基 ~ 美心快餐(呢間好小分店)
自己一個人又冇理由上酒樓 , 其他果D小本經營食肆一律俾佢排除異己 ,
剩低既選擇根本所餘無幾 , 正式係啊超著褲 ~ 焗住 . >_< !!
就好似星期日晏小小落大家樂買早餐 , 買飛排十幾人 ,
攞野食又排十幾人 , 好似唔駛錢咁 , 唯有轉戰麥記 , 只需排3幾個人 .
餐餐係咁認真唔健康 , 除左身體唔健康 , 社會更加唔健康 .
講完 !!
Bye Bye !
我有大半年冇係街食早餐,自己係屋企煮。
回覆刪除自己煮 ~ 夠健康 , 正丫 ! ^^
刪除e, 介紹小姐睇下羅 sir 個 blog, 你一定話正 ^^
刪除http://albertlawkk.blogspot.hk/2015/06/blog-post.html?showComment=1433672135521#c2986005357461771782
t : 果味野都搵黎做祭典 , 咁都得 ? 咁激 . haha ...
刪除t: 我冇講過我早餐食乜,做乜你會聯想起我呢篇遊記?!
刪除albertlaw : 可能 t 覺得呢篇遊記我會鍾意掛 ? OK丫 ~ 大開眼界 . XD
刪除成50蚊, 係唔係鐵板或火鍋餐呀?
回覆刪除唔係呀 ~ 只係 沙薑雞 配 楊枝甘露冰咋 .
刪除(勁貴 ~ 獨市冇辦法啦) >_< !!
近呢幾年都好少去大xx, 美x 呢類快餐店食野, 如果唔煮飯就係去啲街坊茶餐廳食
回覆刪除我住果度D街坊茶餐廳難敵貴租 , 已經全部Bye Bye !
刪除我住個度本身冇商場,隔離屋苑商場又變咗貴價食肆,食碗麵都成舊水。依家要越區先有街坊茶餐廳><
刪除Wow ~ 食碗麵都成舊水 ? 一蘭拉麵 ? XD
刪除要越區係指搭車還是行路先去到街坊茶餐廳 ?
多數都唔搭車,行20分鐘左右
刪除Maggie, Kaykie : 20分鐘左右其實都算幾長 . XD
刪除每次只可用$5 或 $10, 乜咁小家架 @_@
回覆刪除佢最終目的都係想綑綁D客唶 , 如果冇上限 , 100分好快用晒 , 冇左回頭客 .
刪除我係長期客戶 , 所以冇乜所謂 . ^^
每張單用$5 or $10,我通常買外賣,三人份量就分三次拍咭用三次。
刪除コーさん : 三人份量分三次拍咭 , 果然夠精明 , 積分賺到盡 . ^^
刪除唔關我事,收銀叫的。
刪除コーさん : 咁個收銀都幾老實喎 , 不過就幫公司倒米 . XD
刪除不是呢,咁樣做可以逼一星期幫親多幾次。
刪除佢地啲積分每星期clear。
コーさん : 咁又係既 , 正所謂 : 唔怕你精 , 唔怕你呆 , 至怕你唔來 .
刪除只要肯幫襯 , 區區幾分好易搵得番 . haha ...
痴痴呆呆, 坐埋一檯 :D
刪除t : 三五成群 , 冇個好人 . XD
刪除