Hello !
今個禮拜明珠台有兩套劇既新一季上畫 ,
分別係 心計The Mentalist 同埋 欲骨查Bones ,
睇完之後真係失望到絕呀 ...
並唔係劇情失望 , 而係冇粵語配音果度失望 . >_< !!
之前深夜播既行屍 ~ 靈感探案 ~ 箭神 , 因為深夜播 ,
所以冇粵語配音都唔係太緊要 .
跟住既 葛咸城 同埋 異種 , 由於係新劇 , 都算喇 ,
點知佢連最後一季既心計都唔配埋佢 , 正式係衰收尾呀 .
心計男主角 , 好有型呀 !!
其他角色都唔差 .
先講心計 , 由第一季追到依家 , 故事內容講男主角係呃錢靈媒 ,
因某次上電視談論案情而得罪連環殺手Red John ,
妻女被殺後加入警方做顧問兼順便查案 ... (劇情大家都熟過我啦)
每個星期我都坐定定咁收睇 , 睇佢點樣蠱蠱惑惑地查案 . ^_^ !!
點知早日一收睇 , 竟然冇粵語配音 , 果D 真柏齊 ~ 利千穎 ~ 曹金寶 ~
榮威(啊wing) ~ 王佳倩(Grace) 聽到熟晒既配音完全冇晒 ,
失望之情可想而知 , 跟手上討論區度搵料 , 見到其他Ching都有呢類提問 ,
有D話佢(TVB)為左節省資源配日韓劇集 , 所以唔再為美劇配音 ,
又有陰謀論人士認為TVB本土劇集不濟 , 唔配美劇音係為左減低其可觀性 ,
令觀眾轉睇番佢兩線劇集咁話喎 , 駛唔駛咁Cheap呀 ?
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
襯記得跟手順便講埋 欲骨查 , 呢套唔記得係咪首季開始睇 , 不過都睇左好多季 .
~ 欲骨查劇照 ~
~ 黎多張添 ~
呢套又係啦 , 主角 白節德(啊骨) ~ 布思理(布Sir) ~
金美 ~ 唐唐 ~ 賀正 ~ Angela ~ 仲有好多實習生 ,
依家雖然講英文 , 但我仲好記得佢地廣東話把聲 . =_= !!
劇情幾乎集集一樣 , 開頭講有人發現人骨 (過程勁攪笑) XD
之後派人將遺體運往 Jeffersonian 學會研究 , 經過一輪搜證最後成功追兇 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
最後 ~ 其實佢地想節省資源而用呢招真係好錯 ,
當年 Nicam 麗音廣播既意義 , 就係將外語劇配上廣東話令觀眾有共鳴 ,
點知家陣俾佢攪一攪 , 攪到套劇神髓盡失 , 正式係食之無味 , 棄之可惜 .
雖然係咁 , 我都會繼續追睇落去 , 不過始終若有所失咁囉 .
Bye Bye !
我都係咁話, 唔配音差好遠, 班配音員配得好傳神架~~~
回覆刪除我都鍾意配音,但我個女就最憎睇配音片,有佢喺屋企睇,就要開兩部電視播同一套劇><
刪除Fung Mandy : 就好似多拉A夢咁 , 聽開有感情嘛 .
刪除Maggie, Kaykie : 有冇查明令嬡何以咁唔鍾意睇配音片呢 ?
刪除man wai, Maggie個女可能鐘意原裝版本!
刪除Fung Mandy : 如果英文了得 , 聽原裝版都唔錯 .
刪除有時佢對白講得快 , 我連廣東話版都跟唔上呀 . haha ...
但都好過追字幕, 好多時都追唔切 :P
刪除Fung Mandy : 係呀 ~ 如果有配音既話 , 可以睇下其他野 , 唔駛秒秒鐘都對住個電視 . XD
刪除Mandy講得啱,佢鍾意原裝版本,英文聽唔切就睇字幕,日文就大致都聽得明。
刪除man wai, 如果有配音, 我係可以專心睇主角, 但都係秒秒鐘對住個電視; 但你話可以睇下其他野, 唔通....係...睇t先生成日講既巨鵰, hahaha XDD
刪除Bingo!! Maggie, 答中有無獎架, haha :P
刪除Maggie, Kaykie : 日文就大致都聽得明 , 好羨慕既呢 . ^_^ !!
刪除Fung Mandy : 唔係鋪鋪都睇巨鵰既 , 其他野可以係覆網誌 , 剪腳甲等等 ... XD
刪除Fung Mandy : 實質獎品就冇 , 掌聲就有 , 好野 . ^^
刪除覆網誌, 剪腳甲, 一心多用, 好難想像喎~~
刪除多謝"掌聲" 多謝~~~ ^^
應該話覆網誌或者剪腳甲等等 ...
刪除一齊做梗係唔得啦 . haha ...