Hello !
之前曾向各界透露 , 話農曆年假想出門 ,
目的地係 : 北海道 . 其實我就至唔鍾意大時大節或長假期出門 ,
不過世事往往就係咁弄人 , 在種種原因之下 ,
只能夠在長假出發與唔出發之間作選擇 , 咁就焗住揀長假期出發啦 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
根據一眾Blog友既報料 , 話黎緊呢個農曆年假 ,
無論機票與酒店都會好搶手 , 正式係手快有 ~ 手慢冇 .
話時話 ~ 旺季出門呢方面經驗真係唔多 , 平時5月尾出門 ,
頂多都係一個月前左右做野 , 所以真係唔知幾時先係入市良機 ?
另外我仲有小小野要確認 , 攪掂好先至可以做野 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
至於地點方面 , 雖然話就話去北海道 , 不過條路點行真係未諗到 ,
因為冬天行車同夏天有好大分別 , 夏天正式係條條大路通羅馬 .
一到冬天好多地方都會封路 , 記得以前有個網頁提供北海道交通 ,
邊度有封路都可以Check到 , 不過搵唔番個網頁 .
如果大家知道既話 , 還請不吝賜教 . ^_^ !!
呢排我會四出搜尋 , 睇下有乜好網誌 , 可以抄考一番 .
相信有排都唔得閒 . Yeah !!
首先有 3J家庭 提供雪地既 富良野 & 美瑛 等地方 . (特別嗚謝)
Bye Bye !
我一d雪地駕駛經驗都無,幫你唔到。
回覆刪除唔緊要 , 有心就得架喇 , THX
刪除係喎 ~ 有冇諗住去累積番D經驗咁呀 ? 冇人一出世就乜都識既 . ^^
唔喇,人老反應慢呀!
刪除唔緊要啦 , 始終都係夏天好玩D既 . ^_^ !!
刪除http://northern-road.jp/navi/index.htm
回覆刪除係佢喇 , 唔見左呢個網頁好耐 , 唔該晒 , 第日飲茶 !!
刪除我都想去呀,咁好玩,帶埋我去吖。
回覆刪除自己出發都R爆頭 , 好難兼顧埋乘客呀 . haha ...
刪除一定要睇雪節啊
刪除札幌雪祭 ? 隨緣啦 . ^^
刪除咁買左機票邊日去?
回覆刪除Gio L : 未買呀 , 仲差小小野未攪掂 , 攪掂先全力做野 . ^^
刪除過年+雪祭,機票酒店都貴到嘔 -_-#
刪除Maggie, Kaykie : 唉 ~ 有頭髮 , 邊個想做 ...
刪除唯有硬食啦 . >_< !!
我明明記得你曾經一次冬季北海道千里長征架喎.
回覆刪除好 ~ J少果然心水清 , 果次北海道雪駕遊 , 係2011年既事 , 之後都未試過冬季出門 .
刪除而果次雖然係橫跨農曆年 , 不過依稀記得係年廿幾出發 , 初四返港 , 所以唔係太過逼爆 .
仲有黑夜零下唔知幾多度飛車到稚内, 一個人去埋啲了無人煙的道東, 我都幾佩服你架.
刪除其實果次係由朝渣到晚先到稚內 , 唔算黑夜飛車 , 反而果次通宵車宿知床 , 依家諗起都刺激 . ^^
刪除多謝你既佩服 , 我只係比較貪玩唶 . XD
冬天喺北海道揸車真係要小心啲。大時大節出門真係到到都多人,不過好你係自駕遊,可以避開人多嘅地方呀!
回覆刪除好彩都叫做有個一次雪駕經驗啦 , 應該識得執生既 . =_= !!
刪除係呀 ~ 都預左人多 , 不過冇辦法 , 焗住要在果段期間出發 . >_< !!
去到真係要揀D比較小人遊覽既路線至得 .