Hello !
足足有個多禮拜冇同大家見面 ,
近排依然係忙於煲劇 , 加上球季開左鑼 , 總之就節目多多啦 . ^^
唔知大家有冇留意日本新聞 ? 佢地呢排認真流年不利 .
繼 鬼怒川 果頭暴雨缺堤 , 頭先睇新聞又見到阿蘇火山爆發 .
先講鬼怒川 , 起初聽收音機話佢連場暴雨以為好濕碎 ,
之後睇到新聞片 , Wow ~ 簡直同當年海嘯分別不大 ,
D屋被洪水衝到淨係見到個頂在飄浮 , 都咪話唔得人驚 .
跟住講 阿蘇火山 , 今次係剛剛晚飯時睇新聞片 ,
又係啦 ~ D火山灰噴到周圍都係 , 令我諗起好耐之前睇過果套 ,
由 皮雅斯布士南 飾演既 烈燄狂峰 , 片尾果段又係火山勁爆 ,
D煙塵爆到上半空咁高 , 旅遊人士冇鞋挽屐走 ,
好彩冇乜傷亡數目 , 不過要去果頭相信都要過一排咯 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
講到呢度先至正式入正題 , 之前咪話要解決D事 ,
解決左先至可以決定能否農曆年出門既 , 今日終於大功告成 ,
可以落實出門 , 睇番ANA既網頁 , 套餐只係賣到10月31日 .
未有農曆年既報價 , 跟住上Jetstar度睇睇齋機票 ,
Check過D時間都唔錯喎 , 幫襯左咁多次ANA都想轉一轉會 ,
唔知道有冇人幫襯過 Jetstar 呢 . (今次好似係第二次問)
口碑如何 ? 經唔經得起農曆年既考驗呢 ?
如果口碑唔錯 , 真係有誠意幫襯佢架 . ^_^ !!
Bye Bye !
コーさん搭過,試吓問佢喇。
回覆刪除好似問過佢 , 話唔錯咁話喎 . ^^
刪除Jetstar 我坐過, OK r
回覆刪除好 ~ 收到一個正面回覆 . THX !!
刪除首先我11月初會去阿蘇,而家度緊plan b -_-#
回覆刪除跟住到Jetstar,我搭過成田札幌來回,坐位幾舒服。但怕經唔起農曆年或暴風雪考驗><
11月初去阿蘇 ? 恐怕要轉場咯 . D野Book好晒未架 ? 轉Plan B 會唔會太麻煩 ?
刪除Jetstar 好似都叫做廉航 , 只要唔太離譜都可以接受 , 至於暴雪 ,
就算係大航空公司都未必頂得順 , 睇天做人啦 . =_= !!
酒店一早book咗,上酒店網睇話暫時冇影響,不過都諗住book定遠少少酒店。
刪除天氣問題間間航空公司都係一齊面對,只係廉航安排方面點都比傳統公司差啲,呢方面要有心理準備。
Book遠小小穩陣D . ^^
刪除航空公司方面 , 只係唔係太過離譜都算啦 .
睇火山爆發又幾過癮, 不過最緊逆風睇 ^^
刪除咁又係呀 , (唔計危險) 現場睇壯觀好多 , 仲冇乜幾可添 . XD
刪除大部份都試過,差不多。JETSTAR 缺點是行李費較貴。
回覆刪除行李反而唔係太大問題 , 最緊要係航班準時 . ^^
刪除