Hello !
今朝Blog友 Shirley姐 有關於日本電器既提問 ,
如果在留言度回答 , 恐防唔夠詳細 , 倒不如開篇網誌黎講下 .
都係果句啦 , 只係將我所知既攞黎分享 ,
如有錯漏 , 祈為指正 . ( 好有免責條款 Feel ) ^_^ !!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
平時在日本旅遊時 , 有機會都會買番D小型電器 ,
就算同一款電器 , 感覺會比在香港買既正D , 話晒都係 Buy in Japan .
不過電壓方面就要注意 , 日本係用110V電壓 , 香港就用220V ,
若然買既電器係旅行裝火牛 110V-240V (見圖)
咁只需要用轉換插頭就可以直接插落電掣使用 .
之但係若然係正宗日本電器 110V 的話 ,
咁就要小心 , 直接插落電掣既話 , 好大機會會燒機 ,
呢個火牛就係齋 100V , 千祈唔好就咁插落電掣 .
用得上述火牛 , 必然係小型電器 ,
只需買個輕型變壓器即可 , 呢個 60 WATT MAX ,
一般小電器用就綽綽有餘 .
好似好多年前好流行既日本電話 , 耗電量甚低 ,
只係 10V , 用佢就啱晒 Key 喇 . ^^
如果係中型電器 , 好似呢部 Victor 微型HiFi ,
若然用上面果味變壓器 , 未必頂得順佢既耗電量 .
呢個時候就要用勁小小既變壓器 , 280W MAX
萬一係較大型既電器 , 好似日本版牛龜電視 ,
(呢部應該係絕版 , 想再買都難 , 依家出晒 LED TV )
或者係雪櫃之類耗電量甚巨既電器 .
就要用更大型既變壓器 , 1000W MAXIMUM ,
大大既電器都殺得起 , 冇有怕 . haha ...
至於乜野電器用乜野變壓器 , 部電器有寫幾大耗電量 ,
用之前睇清楚 , 買個合適既變壓器就OK ,
變壓器在鴨寮街既電器舖有售 , 唔好用錯呀 .
Bye Bye !
嘩!果然好詳細呀!等我研究吓先,有問題再搵你請教,真係麻煩晒呀!
回覆刪除唔麻煩 , 希望幫到手啦 , 請教就言重左D , 大家分享下唶 . ^^
刪除等友季作小小補完:
刪除另外要注意電流,有功功率 Active Power = 電壓 x 電流
所以第一隻 SONY AC POWER ADAPTOR 4.5V 的輸出有功功率是4.5V x 500mA = 2.25W
最大電流是500mA(或 0.5A)。
但輸入的視在功率 input Apparent Power = 14VA
即表示 14^2 = (Active Power)^2 + (Reactive Power)^2
所以無功功率 Reactive Power = square-root(14^2 - 2.25^2) = 13.818VAR
功率因數 Power Factor = 2.25/14 = 0.1607 = 16%
功率因數 1 為最好,所以此隻ADAPTOR比較浪費電力。
第二隻 SONY AC POWER ADAPTOR 9V 的輸出有功功率是9V x 600mA = 5.4W
但輸入的視在功率 input Apparent Power = 10VA
功率因數 Power Factor = 5.4/10 = 0.54 = 54%
所以此隻ADAPTOR比較好,減少無效電力損失。
另外隻AC/AC 1000W 3輸出的,如果只用單一輸出,最高可用1000/120 = 8.3A MAX
如果用兩個或三個輸出總電流都是8.3A MAX。
友季 : Wow ~ 駛唔駛Pro得咁交關呀 , 佩服 !!
刪除雖然你已經盡量講得簡化易明 , 不過對我黎講都係好難明 . haha ...
友季好專業,我哩個比外行更外行嘅人唔係好睇得明添!
刪除友季好專業,我哩個比外行更外行嘅人唔係好睇得明添!
刪除(Apparent Power)^2 = (Active Power)^2 + (Reactive Power)^2
刪除呢條式係畢示定理(Pythagoras' Theorem) 佢地其實係直角三角形。
簡單啲講: 如果隻AC/AC 1000W 3輸出的,如果只用單一輸出,最高可用1000/120 = 8.3A MAX
如果用兩個輸出接電器,例如一個用120V/5A,另一個用120V/4A,加埋就係9A,超過8.3A隻火牛就會爆,
利申:外行辦專業-以前爆過 ಥ_ಥ
呢位亞姐大有來頭 @@
刪除直情係勁到冇朋友啦 , 唔通係 帝都大學 物理學講師 ? XD
刪除P.S. : 用爆火牛都試過 , 呢份履歷唔簡單呀 .
Shirley : 所謂一山還有一山高 , 友季姐比我更都Pro .
刪除如果你一開始就問佢 , 先至係搵啱人 . ^^
乜咁睇少湯川教授, Pythagoras' Theorem好係中二學故喎, 最多都只係做到劏穿教授。
刪除manwai姐啲fans高質素就係人都知啦,不過一定唔係友季。
友季 : 都唔駛推黎推去喇 , 大家都咁勁 , 我話既 . haha ...
刪除小姐, 乜你屋企咁多筍野 ^^
回覆刪除呢度只係小部份 , 仲有好多珍藏 . haha ...
刪除Buy in Japan , 我鍾意 . ^^
有無廁所板 ^^
刪除咁又冇喎 . (俾強國人買晒) XD
刪除小姐你部有轆嘅 sorry 係咪日本版?
刪除t : 係呀 , 所以先至要用火牛 .
刪除至於有轆 , 係因為早排曾經壞左 , (跟住買 LG 42 U8200)
之後奇蹟好番唔捨得掉 , 安置佢在下一格 , 隨時可以放棄 . =_= !!
好似以前曾sir既教學呀!
回覆刪除唔好玩我啦 , 我邊度有人地咁犀利 , 仍在學習中咋 . XD
刪除