Hello !
睇番上篇網誌既日期 , 係8月22日 .
已經隔左成個多禮拜 , 認真唔覺唔覺 , 再唔整番篇 ,
大家以為我失左蹤都唔定呀 . haha ...
其實近排都係忙上篇講果兩樣野 , 第一係砌新電腦 ,
第二係打Pokemon Go , 先講第一樣 , 雖然t先生提供買Dell電腦 ,
(睇過之後覺得都唔錯) 不過我在 黃金商場 附近做野 ,
周不時上去行番兩轉 , 早已被砌機所感染 ,
所以今次都係自己執料砌既多 , 至於執乜野料 ?
都係東拼西湊 , 四周參考下咁啦 , 不過呢樣唔係太心急 ,
因為家陣部腦都仲用得 , 可以俾多D時間慢慢睇 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
輪到講第二樣 , 就係Pokemon Go .
以下講果D野 , 玩開既Blog友就睇得明 , 否則可能唔知我講乜 ?
在遊戲初期 , 佢會送幾個 幸運蛋 俾大家 , 要黎升呢用 .
之後好快就用晒 , 如果想補充 , 有兩個方法 , 一係用錢買 ,
一係就打道館贏金幣黎換取 , 如果用錢買 , 好似冇乜意思 ,
所以我選擇後者 , 就係打道館贏金幣 , 不過每日上限10個 ,
今次就係介紹用金幣換金蛋 , 非常之簡單 , 一齊黎換啦 .
依家 Level 27 , 145963 經驗值 .
每日都捉好多精靈 , 正式係打機打到天昏地暗 . XD
跟住入去內頁 , 有80個金幣 .
價目表 ~ 80個金幣只能換一隻蛋 .
(果日仆左街所以個Mon裂左小小 , 與打機分心無關 ,
好彩係鴨記Cheap機咋 , 否則肉痛死囉)
按下幸運蛋 換領 .
確認後 , 右上角金幣數量變成0個 .
就係咁 ~ 多左一個幸運蛋 , 好好咁利用佢 .
未用前 145963 經驗值 .
使用後 ~ 經過半小時火拼 , 變左 219013 經驗值 ,
尚欠30000左右先至可以升呢到 28 .
我既目標係 Level 30 , 聽聞極限係 40 , 不過要幾佰萬經驗值 ,
簡直係黐線架 , 都唔係俾人玩既 , 就算想用錢黎堆砌都唔容易 .
玩左個多月 , 呢個遊戲既好處 , 係可以令我回青春心境 .
話說早幾日在公園捉精靈時 , 有位少年過黎話我知 ,
果邊有 奇異花 , 於是同佢一齊衝 , 好似跑100米咁款 ,
(唔知果D人以為搶野都唔定 . haha ...) 都幾過癮架 , 講開又講 ,
摩士公園 我都捉過 啟暴龍 , 好有滿足感 . Yeah !!
好 ~ 講住咁多先 .
Bye Bye !
友季仲係 Level 7 除了sosad真係唔知講乜好
回覆刪除哦 ~ 冇乜所謂啦 , 打機既野 , 多勞多得嘛 . ^^
刪除加油 !!
man wai 姐,你個電話mon係咪裂咗,定係我眼花 @_@
刪除放心 ~ 你冇眼花 , 個mon 真係裂左 , 不過正面睇唔多覺 , 側側地睇就好覺 . =_= !
刪除我冇玩過, 不過同阿女放工去到地鐵站就經常要等佢打道場@@
回覆刪除如果未玩過就千祈唔好試 , 否則好易上癮 . haha ...
刪除打道場要企定定 , 呢樣比較麻煩 . >_< !!
(如果可以在家裡都打到道場 , 咁就方便好多)
宜家出電腦, 現正要出就行 NVMe SSD, 傳統硬碟已經過時, 只是用黎裝 data 或 backup, DVD RW 機也變了過時產品.
回覆刪除M2 硬碟好鬼貴 , 就咁 SSD 就可以接受 , 不過都要加隻傳統HDD打底 .
刪除這個game令我行多咗路,圍住公園行個幾鐘都唔覺得有乜野,行到成身濕晒,我都去到26LEV,有119款精靈, 妳呢...??
回覆刪除我咪又係行多左路 , 專係搵D站頭路線黎行 , 連續行滿10個站就有X2既分數 . ^^
刪除至於Level , 我依家係28 , 精靈有113款 , 仍在努力中 .
我係香港仔,好少過九龍,剛剛那個星期日揸車經過摩士公園,便入去打了個圈,(只是圍住室內運動場)冇乜野捉到,返出門口便給抄了牌,罰了我320元,用來買金幣好過...!!
回覆刪除摩士公園 ~ 係咪停斑馬線果頭 ? 中左招實屬不幸 , 真係買金幣好過 . =_= !!
刪除好似話有個Apps,可以足不出戶,邊到都去到,但要冒著被鎖機的風險...!!
回覆刪除呢個App我都略有所聞 , 不過好似勝之不武 , 所以冇深究 .
刪除有被鎖機的風險 , 更加唔制啦 . >_< !!
講到買金幣,我都好想買78元那款,可以買八只Lucky eggs,3set孵蛋器,買埋張咭,可以儲多50隻精靈
回覆刪除我剩係想買Lucky eggs , 升呢X2 好爽架 . ^^
刪除