Hello !
今晚星期六 , 收工時食完晚飯 , 順手寫番篇網誌 .
暫時既內容 , 都係以生活上瑣碎事情為主 , 今次呢篇講 "更換抽氣扇" .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
話說近排個抽氣扇 , 使用上冇乜問題 , 不過可能係個膠蓋老化左 ,
每次關門時 , 受氣流衝擊之下 , 膠蓋底部有翹起情況發生 ,
嚴重時會被扇葉擊中 , 發出聲響 , 要即刻熄機 . >_< !!
本來搵膠紙黐住個蓋 , 或者用野攝住 , 問題都可以解決 ,
之但係呢D只係治標既辦法 , 治本當然係換過部新機啦 .
加上舊機積滿晒塵 , 費時拆出黎清潔咯 , 懶得就懶嘛 . ^_^ !!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
就係咁 ~ 決定出去買機 , 原來抽氣扇都有好多個牌子 ,
不過心水入圍既 , 只係得兩個 , 就係 KDK 同埋 三菱 , 呢兩款都唔錯 ,
價錢亦都差唔多 (KDK貴小小) , 三菱D螺絲窿位 , 同舊果部一樣 ,
重新鑽過的話 , 工程實在太大 , 所以順理成章之下 , 揀左三菱 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
講左咁耐 , 做野咯喎 , 再欣賞多次部舊機 , Fujicap 名不見經傳 .
用左好多個年頭 , 清潔過幾次 , 今次唔清潔 , 一於換機 .
就係膠蓋下半部 , 關門時會翹起 .
都積左唔小塵 , 今次未算最多 , 更差既都試過 .
鬆開幾粒螺絲 , 拆佢落黎 , 唔駛清潔 , 直接拎去掉 , 爽呀 !
周邊就要清潔 , 呢張好似背光 .
用閃光燈黎影 , 又好似光過頭 . XD
三菱牌 EX-20SHC5T 抽氣扇 , 叫做 8寸 , 適合一般家庭使用 .
拆箱 ~ 有D似人地D開箱文 .
抽氣扇啫 , 又唔係乜野高科技家電 , 唔駛多介紹喇掛 .
拆左個膠袋 , 盒裡還有封說明書 , 相信都冇乜人會睇 .
擺上去對番D螺絲位上實佢 .
係咁咦開機黎個測試 , OK !
Cup番個蓋 , 再執好D電線 , 咁就大功告成 , Yeah !!
唔知係心理作用還是黎真 ? 總係覺得新機爽好多 ,
加上又靜好多 , 依家去廁所都係一種享受 , 正呀 !
正式係相逢恨晚 , 早知就早D換機啦 . haha ...
Bye Bye !
嘩, 小姐你乜都識攪, 娶到你就有福.
回覆刪除haha ... 呢D手板眼見功夫啫 , 連DIY都講唔上 , 小菜一碟 . ^^
刪除依家乜都咁貴 , 下下叫人整 , 真係多多都唔夠洗呀 , 除非太難 , 否則可以自己黎都自己黎 .
我又好奇小姐浴室會插能能蘇仲拖兩件嘢, 浴室正常只可以装 fused spur
刪除萬能插蘇拖兩件野 , 一樣係抽氣扇 , 另一樣係拖去插收音機 , 兩樣都係輕電量 , 應該冇問題 .
刪除至於浴室正常只可以装 fused spur ? 呢樣真係考起 , 入住時已經裝好 , 直到依家 .
我覺得man wai你比男人更本事,起碼我家嗰位就唔識
回覆刪除太過獎了 , 再讚我會囂架喇 . haha ...
刪除講開又講 , 有次屋企個電掣有問題 , 搵人上門修理 , 十分鐘時間都唔駛 , 就收5舊水 , 所以自己攪得掂就自己黎 ,
(電工要領牌就冇得好講) 其他就好似上次更換鋅盆漏水位 , 都要頂硬上自己黎 , 結果僥幸攪得掂 .
至於你家果位 , 相信係唔願整多過唔識整 , 兩樣唔同架 . ^_^ !!
我個電掣冇得插..想問點換? thx
回覆刪除呢樣我都幫你唔到 , 要搵電功師父攪攪佢 .
刪除