突發 ! 元州街唐樓大火

Hello !

突發新聞呢樣野 , 好耐未做過 , 因為呢D野 , 可遇不可求 , 

剛好今日就遇到單 , 所以順手整番篇 .

話說今日放飯時 , 途經南昌街 , 見到遠處有烏雲 , 以為就黎落雨 , 

心諗 : 冇帶遮出黎喎 , 駛唔駛返轉頭拎 ? 之但係烏雲冇理由咁低 , 

再睇真D , 烏雲由右至左咁飄 , 再加上有街坊眼望望 , 一定有事發生 .

於是乎向源頭進發 , 越行得近就越有陣燒膠味 , 肯定係火燭 .

未轉灣 , 已經見到街坊在恭候 .

個個拎定電話 , 正式係全民記者 .

一轉灣就見到水柱 , 消防員做野 !!

到達目的地 , 街坊們議論紛紛 .

再行近小小影 .

有警員駐守事發現場 .

火光紅紅 , 新聞話燒到冷氣機都跌落街 .

題外話 , 元朗冰室既炸雞脾下午茶餐好正 , 

有機會不妨一試 , 不過唔知今次有冇波及到 ?

無耐之後 , 警察趕人 , 佢地話 : 油站黎架 , 行開D喇喂 , 聽日睇報紙啦 .

黎到呢度先至停 , 街坊們有理冇理繼續影 .

不久 , 黑煙轉為白煙 , 火勢受到控制 .

輪到我黎影街坊 , 呢邊係南昌街八仙餅家果頭 .

向右小小 , 遠處係明星金閣及惠康 .

再右多小小就係現場 , 仍在救火中 .

Shell油站 .

前恆生銀行 .

遠處係石峽尾邨 .

攪掂 , 報導完畢 , 之後去食午餐 .

Bye Bye !