Hello !
突發新聞呢樣野 , 好耐未做過 , 因為呢D野 , 可遇不可求 ,
剛好今日就遇到單 , 所以順手整番篇 .
話說今日放飯時 , 途經南昌街 , 見到遠處有烏雲 , 以為就黎落雨 ,
心諗 : 冇帶遮出黎喎 , 駛唔駛返轉頭拎 ? 之但係烏雲冇理由咁低 ,
再睇真D , 烏雲由右至左咁飄 , 再加上有街坊眼望望 , 一定有事發生 .
於是乎向源頭進發 , 越行得近就越有陣燒膠味 , 肯定係火燭 .
未轉灣 , 已經見到街坊在恭候 .
個個拎定電話 , 正式係全民記者 .
一轉灣就見到水柱 , 消防員做野 !!
到達目的地 , 街坊們議論紛紛 .
再行近小小影 .
有警員駐守事發現場 .
火光紅紅 , 新聞話燒到冷氣機都跌落街 .
題外話 , 元朗冰室既炸雞脾下午茶餐好正 ,
有機會不妨一試 , 不過唔知今次有冇波及到 ?
無耐之後 , 警察趕人 , 佢地話 : 油站黎架 , 行開D喇喂 , 聽日睇報紙啦 .
黎到呢度先至停 , 街坊們有理冇理繼續影 .
不久 , 黑煙轉為白煙 , 火勢受到控制 .
輪到我黎影街坊 , 呢邊係南昌街八仙餅家果頭 .
向右小小 , 遠處係明星金閣及惠康 .
再右多小小就係現場 , 仍在救火中 .
Shell油站 .
前恆生銀行 .
遠處係石峽尾邨 .
攪掂 , 報導完畢 , 之後去食午餐 .
Bye Bye !
小姐做埋記者真係乜都識, 希望無人傷亡.
回覆刪除蜆殼呢間油站位置同莊士敦道果間大星星喺香港歴史上差不多時間
講起歷史, 你最尾張相右邉欄杆圍住個草地即係南昌街同大埔道交界打仗時好似有個防空洞定機關槍調堡
記者就唔敢當 , 咁啱遇到就黎個現場報導啫 . 睇過報導 , 並無傷亡報告 , 好彩 !
刪除大星星 = CALTEX ? 南昌街同大埔道交界我經過無數次 , 都唔知有呢段歷史 , t先生果然夠勁 .
仲有利工民都好耐歴史, e家果座當然係拆左再重建
刪除蜆殼對面利工民 , 歷史悠久 . 依家大暑天時 , 其實D衫有冇人買架 ?
刪除