Hello !
好耐冇見 , 襯今日十.一假期寫番篇網誌 , 呢篇係產品介紹 .
而呢件產品對我相當之有用 , 所以非常滿意 . ^_^ !!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今次介紹既係 JBL CHARGE4 藍牙喇叭 , 就講下佢對我既重要性 .
近排經常睇Youtube直播 , 有時要去洗手間或者沖涼 , 正常情況下都會暫停 ,
出番黎之後再繼續 , 咁樣就浪費左D時間 , 依家有呢個喇叭 ,
去洗手間果陣拎埋入去 , 咁就冇間斷位 , 聽得零舍傳神 .
跟住輪到開箱時間 , 正如標題所講 , 並非專業既開箱文 . XD
JBL CHARGE4 (有好多個顏色揀 , 黑色用到厭 , 求其要個黃色)
鎅開膠紙揭開 , 見到寫住CHARGE4既蓋 .
再揭開塊蓋 , 終於見到部機既真身 .
側邊有個扁盒 .
裡面有說明書及叉電線 . (仲有防潮小包)
棟起黎睇 , 印住JBL既嘜頭 , 聽講JBL呢個品牌 , 在行內享負盛名 ,
幾近無人不識 .
另一邊係感嘆號 , 順便講埋 , 如果播低音時 , 左右兩邊會震震下 ,
好似好勁咁 .
近底部印有CHARGE4 .
黎個大合照 .
攪掂完呢Part , 輪到電腦果Part , 由於主要係電腦用 ,
所以要加個USB藍牙接收器 , 黃金商場買 , $55.00 (已經拎左出黎)
插在電腦後面 , 中間發光粒藍燈就係 . (之後轉插機前面版 , 效果更佳)
開機 .
未插USB接收器之前 , 冇中間開啟果個字 .
開啟之後按 +新增藍牙或其他裝置 .
好快就搵到 JBL CHARGE4 音訊 .
最後講用後心得 , 部機既接收力都唔錯 , 起碼在洗手間用都冇斷線或者窒礙 ,
(可能係我間屋唔夠大 haha ... ) 另外音質亦都OK , 聽歌時低音部份另人喜出望外 ,
人聲亦都清楚 , 基本上非常滿意 , 俾個十分佢 . Yeah !!
Bye Bye !
Youtube直播聽少一陣咁多啦^_<祝中秋節快樂﹗
回覆刪除haha ... 咁就要分開兩個層面 .
刪除第一 : 一旦聽開就唔想停 , 有時連洗手間都要忍住 . XD
第二 : 之前政府派一萬都冇機會洗 , 依家買D野俾自己 , 叫做刺激經濟 . ^^
中秋節快樂 , 食多兩個月餅 .
中秋節快樂
回覆刪除1733兄 , 您好 , 好耐冇見 , 中秋節快樂 . ^^
刪除