Hello !
今日係12月25日聖誕節 , 順便攪埋個生日派對 . ^_^ !!
上次果篇網誌 , 正係上年既生日 , 即係話足足一年先至寫一篇 ,
真係開口中呀 , 不過冇辦法啦 , 依家好多媒體都好吸引 , 寫網誌都Out左 ,
就好似睇Youtube咁 , 我一日都花好多時間 , 相信過左呢篇之後 ,
又要明年見 , 至於日本果方面 , 由於佢多次排放核污染水落海 ,
所以都唔知仲有冇機會再去 , 就算真係去 , 都未必會寫網誌 ,
玩完就算 , 一切在心中 , 夠晒慳水慳力 . haha ...
(未必既 , 如果真係有機會出門 , 相信都會做個網誌黎記錄 ,
不過呢日唔知係猴年馬月)
輪到生日願望 , 今次大願D , 希望世界和平 , 唔好再有戰爭 , 歌都有得唱啦 :
無助與冰凍的眼睛 , 流淚看天際帶悲憤 , 是控訴戰爭到最後傷痛是兒童 ...
另外最重要既係身體健康 , 開開心心 , 咁就夠架喇 .
Bye Bye !
生日快樂﹗現在好少人寫BLOG啦,我都是記錄旅行遊記,出BLOG已好慢﹗聖誕快樂﹗
回覆刪除多謝晒 , 你年年都黎支持 , 飲多杯啦 . ^_^ !!
刪除係啦 , 個心唔響度 , 有時間都冇心機寫網誌 . haha ...
大家都聖誕快樂 , 新年進步 .
生日快樂! 身體健康!
回覆刪除唔理有無人睇但我仲會繼續寫blog,唔知你有無得閒過嚟望望
我總會認為當我七老八十身體已經唔再適合去旅行時,得間睇番自己d遊記就當再去咗咁就滿足了
多謝晒 ~ 你叫到 , 點都要支持既 . ^_^ !!
刪除七老八十果陣 ? 唔知呢度 (Google Blog) 仲響唔響度 ?
最好自己留番個備份 . haha ...
不知不覺由yahoo搬過嚟剛好10年,希望唔好執,但真係執都無法
刪除點備份真係唔識...
哦 ~ 我所指既備份 , 只係保留硬碟裡面既原始相片 , 並唔係乜野特別備份 ,
刪除好話唔好聽 , 就算呢度摺埋左 , 都可以用相片黎懷緬過去 , 常陶醉一半樂事 ,
一半令人流淚 . haha ...
(正如當年都冇諗過Yahoo Blog會收檔)