Hello !
今日頭條 : 對菲旅警 , 黑降至黃 ...
尋日 "菲律賓" 方面終於派人黎 "香港" 就人質事件道歉 ,
雖然並非由現任總統 "阿基諾三世" 親自前來 ,
而係由前任總統 "埃斯特拉達" 與及市議員 "洪英鐘" 共同執行 ,
總算叫做有個交代 , 至於道歉字眼接唔接受 , 呢個由遇難者家屬決定 .
經過一輪商議之後 , 家屬決定接受佢地既道歉及賠償 .
而港府亦於當日解除對 "菲律賓" 黑色外遊警示 , 轉為黃色 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今次網誌主要內容 , 係問大家會否再去 "菲律賓" 觀光呢 ?
先講我既意見 , 話說3年前得悉呢單人質事件係下午2:00聽收音機 ,
當時都未知乜野事 , 以為有個傻佬上車搗亂一番 , 應該好快就解決 ,
之後到放工回家食飯睇新聞時 , 事件依然未解決 ,
最後既發展大家都好清楚 , 俾班 "特蠢步隊" 攪到雞毛鴨血 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
所以我既答案係 "絕對唔會再去菲律賓" , 雖然未至於發毒誓 ,
但係可以好肯定咁講 , 除非情況好唔正常 , 否則都唔會再踏足該國 .
皆因除了 "人質事件" 之外 , 早排 "上海" 女生遊覽 "馬來西亞"
沙巴州仙本那海上度假村被擄走 , 好似都係同 "菲律賓" 有關 ,
所以呢D咁危險既國家 , 都係小惹為妙 . >_< !!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
以上只係我既意見 , 如果大家有任何意見 , 都歡迎發表 .
(正反都得)
Bye Bye !
我嘅想法系就今次旅遊警示表達誠意，689應該帶同班子出使菲國，最好就留耐D，唔再返嚟都得。得咗^.^
回覆刪除至於小月巴呢隻體弱多病呢小市民，菲國芒果太毒，香蕉太寒，真系無福消受 XD 菲航比四十幾萬打工皇后長期包圍，月巴應該迫唔到入菲國境，唔好話要去觀光，過境都唔駛諗 ^.^
刪除都係一個唔錯既建議 , 由特區政府打頭陣遊菲 ,
刪除最好就黎多次 "門多殺事件" , 將佢地一鑊熟 . haha ...
連生果都抗拒 , 咁勁 ?
刪除睇黎你對佢地積怨甚深喎 .
嘻嘻, e家夠疊水先好飛陸賓, 比人笠左要幾千萬贖身, 係身份象徵 ^^
回覆刪除錢都係事小 , 落入賊竇做押寨夫人 , 咁先生不如死 . =_= !!
刪除除公事外我呢世仔都吾會去菲律賓，要玩地方多的事淨日本都有排去，點排都未排到菲律賓呢
回覆刪除咦 ~ 有公事去 "菲律賓" , 勁喎 !
刪除非常同意 , 淨係 "日本" 都玩唔晒 ,
果D熱帶地方 , 唔係我杯茶 .
對，日本都未玩晒，仲有台灣韓國，幾時輪到去菲國。
刪除明年 ~ 明明年 ~ 明明明年 ... 都預留晒俾 "日本" ,
刪除真係有排都唔得閒去其他國家 . XD
話時話，上當年我讀完書出嚟做嘢，儲到錢第一次搭飛機去旅行就係去菲律賓，當時最平嘅東南亞團就係菲律賓，總之唔理好玩定唔好玩，價錢平有得坐飛機已經好開心了，印象中都唔錯，可能第一次出門特別興奮，所以感覺OK，後來1999年同屋企人又去過一次，坦白講，未發生人質事件，都唔少人去菲律賓玩架，4天團只係千零蚊，駛費唔多(無乜嘢好買)，都幾經濟架，因為嗰件事，D人先對佢印象變差
回覆刪除4天團千零蚊 , 真係住酒店都咁上下 , 正式係抵到爛 . ^^
刪除除了人質事件影響深遠之外 , 另外菲傭工作七年領身份証官司 ,
都好影響架 , 所以加埋都唔小牙齒印 . >_< !!
菲傭依單我都唔認同，因為香港實在太多菲傭，仲有印傭呢...俾得菲傭，咁係咪應該俾埋D印傭呢...
刪除香港地方咁細，淨係D新移民都好難頂喇，仲要頂埋D外傭，政府都要負責任囉....
宜家人質單嘢終於叫做告一段落，總覺得香港人好善忘，過一段時間，當旅行社又再次做番菲律賓團時，D人又可能又會去番，正如當年日本311後，核電廠洩漏幅射，D人驚到死唔敢去日本，無耐一個二個咪又去番，但個幅射問題都仲未解決架
嗯，其實呢三年一樣有香港圑去菲國，特别系克拉克島。正所謂一樣米養百様人，有得賭，火坑都有人去！
刪除3J家庭 : 我都係咁話 , 以香港人咁善忘 , 好快香港團就會陸續到達 .
刪除講開又講 , 日本3.11果陣 , 我都諗過有排都唔駛去 ,
點知隔左一年又再去過 . XD
小肥兄 : 呢3年都有辦團 ? 黑色外遊警示喎 ?
刪除班友真係買板都唔知訂 , 賭錢唶 ~ 澳門咪得囉 ,
菲律賓D場又唔係易贏D . =_= !!
⋯⋯又唔好咁講，好多人去咗菲律賓外島潛水，可能水底安全D⋯⋯
刪除克拉克島真係唔識，D人就算唔去馬尼拉，都會去佢附近D島，最出名嘅係宿霧，好多人去渡假架，就等於D人去泰國布吉咁...
刪除コーさん : 就算水底安全D , 始終都要上岸 . XD
刪除大吉利是發生意外(關於潛水果D) , 保險都未必有得賠喎 . >_< !!
3J 家庭 : 如果未發生 "馬來西亞" 擄人事件都勉強還可 ,
刪除依家就算貼錢都唔制 , 聽到都怕怕 !!
唔係講笑~我舊公司曾請全體同事廿幾人去菲律賓旅行(我當時未入職)~
回覆刪除佢地齊齊食燒大蝦(話好似龍蝦咁大隻)~~食過的同事全部中招"柯"到腳軟
呢個地方就算無發生呢單野本身就是恐怖國家
路人甲: 嘿嘿, 喺菲律賓 最好系食烤全雞呀. 有 van 仔車到邊, 買到邊. 手信就系芒果乾同椰子雪糕,當年真系好鬼正. . . 可惜, 過去咗lu. . . 我連呂宋芒都戒埋. . . /TT\
刪除燒大蝦好難會中招喎？除非佢地食哂個蝦頭？？
刪除--> 未去過菲律賓 ~
刪除所以我聽完只係覺得非常恐怖~~集體食物中毒XDDDD
仲有聽佢地(舊同事)講~唔好亂咁買街邊D野飲(導遊說XD)~
Hitomi Poon : 海產類都係小惹為妙 , 尤其係果D國家 .
刪除聽落都幾得人驚 . =_= !!
小肥兄 : 你好似話連 "菲律賓" 既生果都戒絕 ,
刪除實在太有決心同佢地一刀兩斷 , 勁 !!
コーさん : 聽人講蝦頭先至係精華所在 , D蝦羔好正咁話喎 . ^^
刪除唔通好似雞泡魚咁 ? 越有毒越好味 ?
菲律賓冇去好耐, 之前兩次去馬黎拉都係自由行, 第一次一男三女唔覺咩, 第二次同二個女仔去仲係我帶隊, 點知一出機場覺得個個人既樣都好似不懷好意, 連機場大門都唔夠胆出去, 好彩啱啱喺飛機識左香港去菲律賓讀書既兩個學生陪左玩幾日, 以後都冇踏足菲律賓lu.
回覆刪除唔通見冇男性同遊 , 所以個個都不懷好意 ? 實在太過得人驚 .
刪除我都係咁話 , 自己一個人去 "菲律賓" , 咪攪 !!
喺正常情況下我都唔會諗哩個地方囉! 一個無安全感同令我想起咁唔開心事件嘅地方, 點會喺嗰到玩得開心, 一諗到一個大好青年十幾歳最豐盛嘅時間竟要瞓喺張床到學講嘢講行路, 好好哋嘅兩姊弟無端端變咗孤兒, ......
回覆刪除就算係比錢請我去, 我都多謝嘞! 唔使預我囉!
我都係咁話 , 大家意見一致 , 俾埋錢我地都唔去呀 . !! >_< !!
刪除