Hello !
上回講到由貓島返回碼頭 , 跟住去便利店入貨 .
之後馬不停蹄直飛往旅館 , 而今晚入住既旅館叫做 :
ホテル泰平 , 叫得做泰平 , 收費果然人如其名 , 一泊二食加溫泉 ,
都只係收7390Yen , 辦理好簡單既入住手續就拎埋D行李上房 .
房間編號 722 , 入住請敲門 , haha ...
乜都唔駛講 , 即刻介紹間房 , 大床一張 .
隔離係窗 , 過D係檯凳及電視等等 ... (窗外景觀聽日先參觀)
分體式冷氣 .
洗手間有 馬桶&洗手盆 .
仲有浴缸 , 不過一陣落去浸溫泉 , 冇用到佢 .
大鏡一塊 .
大門口 .
第二次見用鎖匙取電呢招 , 暫時都無法拆解 .
用鎖匙棍或者匙咭就話有得破解啫 , 出到插匙 , 真係唔夠佢黎 .
電視機 , 細部左D .
雪櫃反而冇所謂 , 因為好小用 .
電水煲 , 返黎先沖茶 .
房間就講住咁多 , 即刻落去食晚餐 , 拎埋張晚餐券落去 .
今日都冇啖好食 , 鬼死咁肚餓 , 唔客氣喇 .
辛苦左成日 , 歎番杯啤酒 , 實在太過幸福 , 正 !
呢度俾到我既感覺就係非常之街坊 .
就好似去左 大X樂 或者 大X活 咁 .
非常之自由 , 完全唔駛講儀態 , 點食都冇人理 .
當然 ~ 甚麼都有底線 , 唔會太離譜既 , 否則失禮港人 .
拎完野埋位慢慢歎 , 食番佢三幾轉就梗架啦 .
咁大煲 , 一定係白飯 .
隔離相信係麵豉湯 .
食住第一轉先 , 自便喇 .
食完D架生放在對面手推車上 .
話都冇咁快就第二轉 .
白飯任裝 .
手機送飯 .
食完返房睇電視 , 跟住落去浸溫泉 , 之前講過 ,
今日行程雖然得一個 , 但係都好攰下 , 在溫泉水中調息 ,
補充番體能 , 跟住飲罐汽水 , 又係好爽 , 不過就唔多健康 ,
如果環境許可 , 都係飲鮮奶好D .
今晚個人散晒 , 早D休息 , 梳洗過後就瞓覺 .
第五日完 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~