Hello !
之前唔知有冇講過 , 平時寫開旅遊網誌 ,
我都想一氣呵成寫晒佢 , 唔想轉其他話題 , 不過今日有個話題都幾有趣 ,
所以特別開一篇網誌黎討論 . ^_^ !!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
事緣近日既留言 , 圍繞住超速呢個話題 , 希望大家能夠加入討論 ,
乜野意見都冇問題 , 盡量各抒己見 , 唔好收收埋埋 .
講左咁耐 , 都未講內容 , 標題就係 : 究竟自駕遊超速被罰款係唔好彩 ,
還是自己抵死 ? (出得黎行就預左要還之類)
其實呢個話題都好主觀 , 我既論點在網誌裡都講晒 , 不過都簡單地一講 .
我個人認為 , 俾人影快相 (或者係雷達記錄車速) 而罰款 ,
絕對係唔好彩之中既唔好彩 , 首先佢一直以黎都係用明刀明鎗呢招 ,
即係講到明前面會影快相 , 自己執生 .
之但係今次失驚無神恭喜你 , 未免有失泱泱大國風範 ,
俾人既感覺係國庫空虛 , 急於向司機開刀挽救國家經濟危機 .
況且果D大直路 , 限速50km , 若然真係照辦 , 後面既司機唔係爬你頭 ,
就係砵到暈 , 萬一遇著橙色不准爬頭線 , 更加會做成馬路上既負擔 .
再大吉利是講句 , 若然對方想爬你頭而導致交通意外 ,
咁就真係我雖不殺伯仁 , 伯仁為我而死 ,
對道路設計者係一種極大既侮辱 . (好似誇左D)
而且日本全國咁多公路 , 掉返轉你要特登撞正影快相都唔係咁易 ,
今次只係在唔適當既地方及時間出現 , 係一個不幸既巧合 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
以上就係我既見解 , 歡迎任何意見人士留言 ,
無論你有否超速罰過款 , 或者只係口頭警告 , 都歡迎留個言 ,
睇下大家既意見 , 雖然唔會有絕對既答案 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~