2018四國9天自駕遊D8-11 鳴門天然温泉あらたえの湯&午餐篇

Hello !

上回講到在 漁協食堂うずしお 參觀 ,

本來想在該處食午餐 , 可惜實在太過多人等位 , 無奈之下唯有轉場 ,

仲要快D添呀 , 否則午餐會變下午茶 , 繼而變晚餐 .  XD

行左十零分鐘 , 黎到呢度 .

前面呢間就犀利喇 , 叫做 : 鳴門天然温泉あらたえの湯 .

點犀利法 ? 食完午餐先講 .

午餐地點叫做 : うずしお食堂 , 個名同頭先果間差唔多 .

舖頭旁邊有位擺車 , 幾個車位咁大把 .

都唔等得咁多 , 去到即刻點送 , 好快就黎齊 .

吞拿魚 , 食左D先至影相 .  ^^

拉麵都係 .

好快就食完 , 下一個景點就係對面 .

其實都唔係乜野景點 , 只係一個溫泉 , 入去浸一浸 , 鬆一鬆 .

第2駐車場 . 

呢度D車位多到得人驚之餘 , 仲要係無料果隻 .

終於搵到個心水車位 , 咦 ~ 同隔離果部差唔多車款 .

入去咯 ~ 順便講埋 , 在搵料期間 , 即係大約 (2017年10月) .

當時佢網頁話佢仲未開張 , 不過到我出發果陣(2018年2月)就正常營業 .

正所謂新場下海 , 點都要贈一贈興 , 所以就促成今次既參觀 .

果然冇令我失望 , 雖然地方冇(世界一Spa)咁大 , 不過整體OK .

入到去 , 首先見到魚池幾個 .

有D有汽泡 .

另一缸靜止中 .

旁邊有快艇一部俾人參觀 .

好似好勁咁 , 一定係快到啊媽都唔認得果隻 . haha ...

D套餐吸引到呢 .

釣魚時間 .

營業時間 及 價目表 . 閒日600Yen , 收費相當之便宜 .

仲有足湯一個 , 差D漏左 .

不過都入得去幫襯 , 個足湯真係有存在價值 ?

第一個項目就係除鞋擺入Locker , 跟住都係買飛之類 .

都唔記得咯 , 自己隨機應變啦 .

一別兩個多小時左右出番黎 , 望多眼呢個新場 .

繼續趕路 .

Bye Bye !