2018四國9天自駕遊D8-14完 Hotel Sun Ocean房間&晚餐篇

Hello !

上回講到參觀完神社之後 , 都係時間往旅館 .

不過在此之前 , 先去入油 , 入滿丫 ~ 唔該 !

埋單價小小地 , 1320Yen . (聽日還車仲有最後一次入油)

今晚旅館叫做 : Hotel Sun Ocean , 位處於 阿南市 , 

距離 阿波おどり会館 約莫40分鐘車左右 , 本來唔想住呢度 , 

可惜 德島市 既旅館全部爆滿 , 就算有房都貴到啊媽都唔認得 .

講番果程車 , 話就話40分鐘 , 唔知點解好似行極都行唔完咁 , 

再加上個天都黑齊 , 而天黑都唔係重點 , 係個GPS所帶既路 , 

十足鬼地方咁款 , 非常之陰森恐怖 , 可謂驚嚇度十足 .  =_= !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

終於去到旅館 , 攪掂好入住手續 , 拎埋件行李上房 , 

今晚住503號房 , 唔記得影個門口 , 順便講埋價錢 , 一泊一食 , 

即係唔包晚餐 , 7100Yen 下面有個細細地既溫泉 , 算係咁啦 .

一入到房 , 第一件事係插匙 , 唔插就冇電果隻 .

跟住就逐樣黎介紹 , 首先係門口旁邊有個掛衫位 .

下面自然係擺鞋位啦 .

入去之前 , 先參觀個洗手間 .

標準浴缸 & 洗手盆 .

鏡 & 燈 .

馬桶 & 廁紙架 .

上面係毛巾 & 毛巾架 .

入到裡面見到大床一張 .

一個人 , 夠瞓有凸 .

床隔離係寫字檯與其他 .

電視機 .

檯燈 ~ 電話 & 紙巾 .

地下有雪櫃 , 隔離有沖劑飲品 .

請坐啦 !

電視後面有個 Router , 上網靠晒佢 .

天花燈 , 雖然冇溫泉旅館果D咁古樸 , 不過都幾特別 .

最後輪到講晚餐 , 好彩臨去旅館前在便利店買定先 .

否則 ... 旅館附近烏燈黑火 , 想搵間便利店都難 , 實在太有先見之明 .

(t先生 : 罐本搾係有酒精成份 , 所以開車前咪飲 , 留番依家飲)

芝士肉片意粉 .

記得落芝士粉 .

飯前及飯後既最佳娛樂 , 就係睇電視 .

睇到咁上下 , 落去浸溫泉 , 出門果陣用筷子代替鎖匙 , 

咁就可以出外都有得叉電 , 唔係既話就要返黎重新叉過 , 費時失事 .

浸完返黎無所是事 , 唔係打機就係睇電視 , 或者食野 .

就食埋果片蛋糕仔 .

講開打機 , 早幾日在道館 , 搵左隻 幸福蛋 守塔 .

就在 宇和島展望タワー 個道館 .

已經守左5日零4小時19分鐘 , 返到香港仲守多10日先至落台 ,

不過唔好以為賺左好多金幣 , 原來係有上限 .

好 ~ 玩多陣攪掂埋D手尾就瞓覺 .

第八日完 .

Bye Bye !