2014北海道11天自駕遊再黎Prius篇

Hello !

尋晚Blog友 友季妹 回應 , 

話我今次自駕遊所租既 Prius , 被引入當的士之用 .

相片借於 友季妹 , 特別鳴謝 . (影得好有速度感 , 讚 !)

在 "札幌市" 內 , 唔難見到 Prius 充當的士 ,

而在 "香港" 偶爾亦會見到 , 不過比率甚低 , 記憶中只係見過兩至三次 .

有次甚至見到警車都用呢味 Prius 黎執勤 , 認真好駛好用 .  ^^

相片攝於 2014年7月10日 , A.M.9:30 , 地點 : 鑽石山地鐵出口(近龍蟠苑)

講番的士 Prius , 每次見到都好有 Feel , 

心諗 : 如果咁啱撞番次搭到佢都唔錯 , 可以在其他司機身上見到點揸法 , 

感受番當日既速度感 , 相信會係一次唔錯既體驗 .  ^_^ !!

另外呢一款車 , 唔知之前有冇講過 , 波棍方面古靈精怪 , 揸開蛇仔棍波既我 , 

起初真係有D唔慣 , 不過好快就適應 , 仲覺得幾好用添 .

再一次講解下佢 , B波 ~ 係上勁斜或者落勁斜時使用 , 

基本上右下既D波可以行晒 , 右上R波就泊車必用架啦 , 唔駛多介紹 , 

至於右中既N波 , 係為短暫停車時用 , 要推去個位置停一兩秒先入到 , 

唔及得R ~ D波咁靈敏 , 入完乜野波 , 支棍都會停番中間圓點位 , 

儀錶板就會顯示你入左乜野波 , 包保唔會攪錯 .

停車之後只要按上面P掣 , 就會跳去P波 , 不過即使大頭蝦唔記得都唔緊要 , 

一按熄匙掣 , 佢就會自動跳去P波 , 夠晒方便 .

而N波方面 , 今程我都唔係幾多用 , 大部份時間都係踩住Brake就算 , 

一個燈位頂多都係1分鐘多DD , 平時免得過都唔想拉手掣 , 

應該話腳掣 , (最左邊果個就係腳掣)

唔知點解 ? 波棍可以克服 , 但係腳掣始終都唔適應 , 

用慣手掣既我 , 試過好幾次唔記得鬆腳掣就咁行 , 

(行幾步佢會 Do ~ Do ~ Do ~ 聲黎提醒你) 真係俾佢嚇親 .  XD

最後講座位 , 司機位 & 隔離位都冇問題 , 

如果後座乘客位 , 我就覺得比較窄 , 未必坐得舒服 . 

除非轉為的士後座經過大執 , 否則好似相中咁 , 小朋友坐就話唶 , 

如果搭長程車 , 頂住個膝頭哥 , 邊度舒服架 ?

如果真係有Heart引入黎做的士 , 我建議用呢款 プリウスα .

札幌都有唔小泊在大街小巷 , D司機打開個乘客位車門 , 

好似叫你 : 上車喇喂 !! haha ...

坐佢既話 , 相信舒服好多 , 好過 "比亞迪" 啦 . Yeah !

Bye Bye !