Hello !
今次網誌黎到 "預算景點篇" Part6 ,
呢日行程相當簡單 , 首先在 "札幌" 酒店度食早餐 ,
即係上年話勁多款果間 Century Royal Hotel .
食完 Check Out 連隨出發往 "旭川" , 行高速公路的話 ,
只需兩個多小時就到達 , 呢段行程可以試試 Prius 既速度感 ,
相信同 86 唔好差得太遠掛 ?
而第一站就係聞名已久既 "旭山動物園" , 去過咁多次 "北海道" ,
今次都係第一次去呢個動物園 , 真係見笑 . ^_^ !!
旭川市旭山動物園入口 . (相片由 コーさん 提供 , 特別嗚謝)
北極熊 , 正呀 !
仲有 "小鹿純子" , 唔係 ~ 係 "小鹿斑比" 至真 . haha ...
參觀到差唔多時候 , 過隔離無幾遠既 あさひかわラーメン村
相片在網上班返黎 , 特別嗚謝 ?
~ 歡迎光臨 ~
呢度中文叫做 : 旭川拉麵村 , 裡面有好多選擇 , 包括 : 梅光軒 ~
火頭山 ~ 天金 ~ 青葉 等等 ... 感覺上有D似 "拉麵共和國" ,
可能比較大型D掛 ? 唔知呢 ~ 正式返黎再話過俾大家知啦 .
~~~~~~~~~~~~~~~~~~~~~~~~~~~~~~~~~~~~~~~~~~~~~~
之後輪到過遠小小既 "層雲峽" 黑岳" , 要坐吊車 , 好刺激架 .
呢個地點及相片由 t先生提供 , 特別嗚謝 . ^^
黑岳五合目 . (相片係冬天 , 我出門果陣係夏天)
上山參觀完落黎 , 都要往旅館 Check in , 已經揀好 ,
就係 : 層雲峡温泉 , 朝陽リゾートホテル 唔錯架 .
本來想訂 "大雪" , 不過佢D Plan 唔包晚餐 , 把幾火之下先幫襯呢間 ,
希望唔會令我失望啦 .
OK ! 又攪掂一日 , 今日行程係咪好簡單呢 . XD
Bye Bye !
幾大都要包晚餐,層雲峽啲食店好早收,上次就爭啲冇得食,淨番一間冇得楝。
回覆刪除係呀 ~ 見佢果度好似好偏僻咁 , 況且我一向都鍾意在旅館度食晚餐 ,
刪除所以除非冇得揀 , 否則一定在旅館度食 . ^^
上年去層雲峽應該算係秋季只不過佢有落雪 :D
刪除果次五點零鐘入夜後, 真係鬼影都無隻想, 出去行就最穩陣楂埋車, 如果熊出沒注意就有得避, 當地仲有個觀星團, 詳細我忘記了, 不過當晚我見到個又大又圓嘅月光掛喺天上
觀星團 ? 觀觀下有熊出沒咪 "大檸樂" ? haha ...
刪除大檸樂仲要走冰唔該 :D
刪除觀星團有資料, 唔知岩唔岩你時間, 已前喺香港我都睇過星雲同銀河, 好正架
http://www.sounkyo.net/category/detail.php?id=3
呢個觀星團 , 6月先開始 , 想參加都唔得 . =_= !!
刪除不過即使可以參加 , 機會都好微 , 浸下溫泉好過啦 . ^^
多謝資料提供 .
我諗無人將prius同86比喎,混能vs跑車,睇怕會失望。
回覆刪除咁都仲要睇埋邊個做司機 , 如果係我既話 ,
刪除相信都係咁上下 , 不過 86 係棍波 , 好玩好多 . ^^
我自己覺得,感覺上prius同corolla(axio)差不多。
刪除咁樣都好唔掂唶 . XD
刪除不過外型 Prius 就殺食好多 .
我又買吓廣告先 ^.^ http://littlefatjapan.blogspot.hk/2013/01/12-day-3.html?
回覆刪除小肥12年12月住過朝陽Resort,温泉OK,可惜國語團多,加理HK團,一般般啦 XD
哎喲 ~ 強國人 & 港人 , 一定好熱鬧 . >_< !!
刪除一於去你度探個究竟 . ^^
嘻嘻...我又有夏天層雲峽黑岳相片喎...
回覆刪除又到賣廣告時間
http://3jfamily.blogspot.hk/2012/09/2012-day-9-i.html
來得好呀 , 一於參考一下 . ^^
刪除如果有時間, 去"なか卯"吃飯. 我最喜歡的牛肉飯店!
回覆刪除http://www.nakau.co.jp/
有D "吉野家" Feel 喎 , 由於 "旭川" 得一個中午停留 ,
刪除相信未必有時間光顧 . =_= !!
多謝資料提供 . ^_^ !!
哈哈! 旭川拉麵村好細, 我自己試左梅光軒, quite good!
刪除拉麵村對面plaza 有uniqo, 好大好好行!
梅光軒 ? 記住佢先 , 臨別優先考慮 . thx !
刪除食完麵可以過對面行番趟喎 . ^^